ព័ត៌មានអន្តរជាតិ

ដល់ថ្នាក់ហ្នឹង! នេប៉ាល់ ចាប់ផ្តើមប្រមូល បំពង់អុកស៊ីសែន ពីអ្នកឡើងភ្នំ ដើម្បីជួយដល់អ្នកជំងឺកូវីដ-១៩

កាម្ម៉ង់ដូ ៖ ទីភ្នាក់ងារព័ត៌មាន ចិនស៊ិនហួ បានចុះផ្សាយនៅថ្ងៃទី១១ ខែឧសភា ឆ្នាំ២០២១ថា សមាគមភ្នំឡើង ភ្នំនេប៉ាល់ ហៅកាត់ថា (NMA) បានចាប់ផ្តើមប្រមូលបំពង់ អុកស៊ីសែនពីអ្នកឡើងភ្នំ ។

យោងតាមសមាគមនេះ បំពង់អុកស៊ីសែនប្រមាណ ៥.០០០បំពង់ កំពុងត្រូវបានប្រើដោយអ្នកឡើងភ្នំ សម្រាប់ឡើងភ្នំខ្ពស់បំផុត នៅលើពិភពលោក ។ ភ្នំ Qomolangma និងកំពូលភ្នំហិមាល័យ ដទៃទៀតនៅពេលនេះ ។

យោងតាមអ្នករៀបចំការ ធ្វើទស្សនកិច្ចបានឱ្យដឹងថា បំពង់អុកស៊ីសែន ដែលមានសម្រាប់អ្នកឡើងភ្នំ គឺមានទម្ងន់ស្រាលអាចចល័តបាន និងអាចផ្គត់ផ្គង់អុកស៊ីសែន រយៈពេល៣ទៅ៤ម៉ោង ដល់អ្នកឡើងភ្នំនៅកម្ពស់ខ្ពស់ ។

មន្ត្រីនៅការិយាល័យ NMA បានលើកឡើងថា ពួកគេកំពុងពិភាក្សា ជាមួយក្រុមហ៊ុនរៀបចំ ដោយមានបេសកកម្មអំពីលទ្ធភាព របស់អ្នកឡើងភ្នំ ដែលបានប្រគល់បំពង់ អុកស៊ីសែនបស់ពួកគេ ។

នាយកដ្ឋានទេសចរណ៍នេប៉ាល់ បានចេញលិខិតអនុញ្ញាត្តិ សរុបចំនួន៤០៨ សម្រាប់អ្នកឡើង ភ្នំដែលមានបំណងធ្វើដំណើរ ទៅមេក ។ ភ្នំ Qomolangma ដោយមានការអនុញ្ញាត៧៤០ផ្សេងទៀត សម្រាប់អ្នកដែលព្យាយាមឡើង ភ្នំហិមាល័យផ្សេងទៀត ។

ទោះបីមគ្គុទេសក៍នេប៉ាល់ Sherpa និងអ្នកខ្លះទៀត មិនត្រូវការការអនុញ្ញាតឱ្យឡើងភ្នំក៏ដោយ ក៏ពួកគេត្រូវយកអុកស៊ីសែន ទៅជាមួយដែរ ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×