ព័ត៌មានអន្តរជាតិ

ចំនួនអ្នកស្លាប់ ដោយសារជំងឺកូវីដ-១៩ នៅប្រេស៊ីល ធ្លាក់ចុះមកនៅក្រោម ១ពាន់នាក់ជាលើកដំបូង

រីយ៉ូ ៖ ក្រសួងសុខាភិបាលបានឲ្យដឹងថា ប្រទេសប្រេស៊ីលកាលពីថ្ងៃច័ន្ទ បានរាយការណ៍ថា មានមនុស្សស្លាប់ចំនួន ៧៨៦នាក់ទៀត ដោយសារជំងឺកូវីដ-១៩ ដែលបង្កើនចំនួនអ្នកស្លាប់ថ្នាក់ជាតិ កើនឡើងដល់ ៤៣៦,៥៣៧ នាក់ ដែលជាការធ្លាក់ចុះក្រោម ១ពាន់នាក់ជាលើកដំបូង។

យោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ បានឲ្យដឹងថា យោងតាមក្រសួងបច្ចុប្បន្នប្រេស៊ីល មានអត្រាមរណភាព ២០៨ នាក់ក្នុងចំណោមប្រជាជន ១០០.០០០ នាក់ ។

ទន្ទឹមនឹងនេះដែរការឆ្លងថ្មី មេរោគកូវីដ-១៩ នៅក្នុងប្រទេសប្រេស៊ីល ត្រូវបានរកឃើញចំនួន ២៩,៩១៦ បន្ថែមទៀត ដែលចំនួនឆ្លងសរុប បានកើនឡើងដល់ ១៥,៦៥៧,៣៩១ នាក់នៅទូទាំងប្រទេស។

ប្រទេសប្រេស៊ីល មានចំនួនអ្នកស្លាប់ ដោយសារជំងឺកូវីដ-១៩ ខ្ពស់បំផុតទី ២ លើពិភពលោកបន្ទាប់ពីសហរដ្ឋអាមេរិក និងចំនួនអ្នកឆ្លងមេរោគធំជាងគេទី ៣ បន្ទាប់ពីសហរដ្ឋអាមេរិក និងឥណ្ឌា។

ប្រទេសអាមេរិកខាងត្បូងមួយនេះ កំពុងជួបប្រទះរលកថ្មី នៃការឆ្លង ដែលបណ្តាលឱ្យមានការកើនឡើងនូវករណីឆ្លង និងការស្លាប់ដោយសារមន្ទីរ ពេទ្យគ្របដណ្តប់ដោយអ្នក ជំងឺស្ទើតែទាំងស្រុងទៅហើយនោះ។

គួរបញ្ជាក់ផងដែរថា រហូតមកដល់ពេលនេះ ប្រទេសប្រេស៊ីល បានចាក់វ៉ាក់សាំងបង្កាជំងឺកូវីដ-១៩ ដល់ប្រជាជនរបស់ខ្លួនចំនួន ៥៧,៩ លាននាក់ ដោយក្នុងនោះមានចំនួន ១៩,១ លាននាក់បានទទួលវ៉ាក់សាំងទាំងពីរដូស៕
ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×