ព័ត៌មានអន្តរជាតិ

អ៊ីរ៉ង់ នឹងបន្តកិច្ចព្រមព្រៀងឃ្លាំមើលលើទីតាំង នុយក្លេអ៊ែររយៈពេលមួយខែទៀត ជាមួយនឹង IAEA

បរទេស៖ទីភ្នាក់ងារចិនស៊ិនហួ ចេញផ្សាយនៅថ្ងៃចន្ទនេះបានឲ្យដឹងថា ប្រទេសអ៊ីរ៉ង់បានធ្វើការប្រកាសជាផ្លុវការហើយថានឹងបន្តកិច្ចព្រមព្រៀងជាមួយនឹង IAEA ក្នុងរយៈពេលមួយខែទៀត ដើម្បីឲ្យអន្តរជាតិអាចបន្តធ្វើការឃ្លាំមើលទៅលើគ្រប់សកម្មភាព នៃទីតាំងផលិតអាវុធនុយក្លេអ៊ែរ របស់ខ្លួន។

ប្រភពដដែលបានបន្តទៀតថា ការសម្រេចចិត្តរបស់អ៊ីរ៉ង់ក្នុងការបន្តកិចចព្រមព្រៀងនេះ បន្ទាប់ពីបានយល់ព្រមគ្នាកាលពីក្នុងខែកុម្ភ: ម្តងហើយដើម្បីអាចឲ្យអង្គការអាតូមិក អន្តរជាតិ
IAEA អាចធ្វើការឃ្លាំមើលលើអ៊ីរ៉ង់ រយៈពេល៣ខែបញ្ចប់ទៅនៅត្រឹមខែ ឧសភានេះ។

កិច្ចព្រមព្រៀងរបស់អ៊ីរ៉ង់ត្រូវបានគេមើលឃើញថា នឹងអាចអនុញ្ញាតិឲ្យ IAEA ក្នុងការបំពាក់កាម៉េរ៉ាសុវត្ថិភាព ទៅលើទីតាំងផលិតនុយក្លេអ៊ែរទាំងអស់ របស់អ៊ីរ៉ង់ហើយនឹងអាចឲ្យ IAEA យកវិដេអូទាំងនោះទៅប្រើប្រាស់បានលុះត្រាណា តែអាមេរិកនឹងយល់ព្រមលើកលែងទណ្ឌកម្មចំពោះ អ៊ីរ៉ង់ជាមុនសិន។

យោងតាមការបញ្ជាក់របស់លោក Kazem Gharibabadi រដ្ឋទូតតំណាងឲ្យអ៊ីរ៉ង់នៅអង្គការ IAEA បានឲ្យដឹងថាទិន្នន័យដែលកាម៉េរ៉ា ថតទុករយៈពេល៣ខែ កន្លងមកនោះនឹងនៅតែជាកម្មសិទ្ធរបស់ IAEA របស់អ៊ីរ៉ង់នៅឡើយ ហើយនឹងមិនអាចអនុញ្ញាតិឲ្យ IAEA អន្តរជាតិប្រើប្រាស់បាននោះទេរហូតដល់ លក្ខខណ្ឌត្រូវបានអនុវត្ត៕ ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top