ព័ត៌មានអន្តរជាតិ

ប្រធានាធិបតីថ្មីអ៊ីរ៉ង់ អំពាវនាវឲ្យបន្ត មានទំនាក់ទំនងល្អ ជាមួយនឹងប្រទេសជិតខាង

បរទេស៖ ប្រធានាធិបតីទើបជាប់ឆ្នោតថ្មី របស់ប្រទសអ៊ីរ៉ង់លោក Ebrahim Raisi កាលពីថ្ងៃពុធម្សិលមិញបាន ធ្វើការលើកឡើងថា ការបន្តបង្កើតទំនាក់ទំនងល្អ ជាមួយនឹងបណ្តាប្រទេសជាប់ព្រំដែនគ្នា គឺជាកិច្ចការងារគោលដ៏សំខាន់ មួយរបស់គោលនយោបាយ ការបរទេសរបស់រដ្ឋាភិបាល។

ថ្លែងនៅក្នុងកិច្ចប្រជុំមួយ ជាមួយនឹងមន្ត្រីតំណាង ជាន់ខ្ពស់របស់ប្រទេស Uzbekistan លោក Nurdinjon Ismailov ប្រធានាធិបតីអ៊ីរ៉ង់រូបនេះ បានចេញសេចក្តីថ្លែងការណ៍ បែបនេះតែម្តង។

លោក Raisi ក៏បានបន្តទៀតដែរថា មានចំណុចសក្តានុពលជាច្រើនណាស់ ដែលរាប់មិនអស់នៃការ អភិវឌ្ឍចេញពីទំនាក់ទំនង រវាងប្រទេសទាំងពីរនៅស្ទើរគ្រប់ វិស័យបូករួមជាពិសេស គឺវិស័យសេដ្ឋកិច្ចផងដែរ។

នៅក្នុងថ្ងៃដដែលនេះផងដែរលោក Raisi ក៏បានចូលរួមក្នុងកិច្ចប្រជុំ ដោយផ្ទាល់ជាមួយនឹង ក្រុមប្រេសិតពិសេសដែលមកពី ប្រទេសនានាផងដែរ ដែលកំពុងបំពេញទស្សនកិច្ច នៅអ៊ីរ៉ង់ និងដើម្បីចូលរួមពិធី ឡើងកាន់តំណែងរបស់លោកផង ៕

ប្រែសម្រួល៖ ស៊ុន លី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top