Breaking News: គណៈកម្មាធិការអូឡាំពិកអន្តរជាតិ (IOC) និយាយថា អ្នកគាំទ្រនៅក្រៅប្រទេស ត្រូវរារាំងមិនឱ្យចូលរួមទស្សនា ដោយផ្ទាល់ ប្រកួតកីឡាអូឡាំពិក រដូវរងាឆ្នាំ ២០២២ នៅទីក្រុងប៉េកាំង នោះទេ។ នេះបើតាមការផ្សាយរបស់ទីភ្នាក់ងារបារាំង AFP នៅមុននេះបន្តិច។
គណៈកម្មាធិការអូឡាំពិកអន្តរជាតិ បាននិយាយនៅថ្ងៃពុធនេះថា ការប្រកួតកីឡាអូឡាំពិករដូវរងា ឆ្នាំក្រោយ នៅទីក្រុងប៉េកាំង នឹងត្រូវរៀបចំឡើងដោយគ្មានអ្នកទស្សនាមកពីក្រៅប្រទេស ដោយសំបុត្រ ត្រូវបានដាក់កម្រិតចំពោះអ្នកគាំទ្រដែលរស់នៅ ក្នុងប្រទេសចិន ដោយសារតែជំងឺរាតត្បាតកូវីដ -១៩ ។
IOCបាននិយាយថា មានតែអ្នកចូលរួមចាក់វ៉ាក់សាំង ពេញលេញប៉ុណ្ណោះ ដែលនឹងត្រូវបានលើកលែងពីការ ដាក់ឲ្យ នៅដាច់ពីគេរយៈពេល ២១ ថ្ងៃ។ អត្តពលិកដែលអាចផ្តល់“ ការលើកលែងផ្នែកវេជ្ជសាស្ត្រត្រឹមត្រូវ” នឹងត្រូវពិចារណាករណីរបស់ពួកគេ។
