បរទេស ៖ ប្រធានាធិបតី តួកគី លោក Recep Tayyip Erdogan នៅថ្ងៃនេះបានធ្វើការ ប្រកាសអំពីផែនការ ដើម្បីបំពេញទស្សនកិច្ចសងវិញ ទៅកាន់សហភាពអារ៉ាប់ រួមនាក្នុងខែ កុម្ភៈខាងមុខក្នុងពេល ដែលគេមើលឃើញថា ប្រទេសទាំងពីរបានរក្សាទុកបញ្ហា តានតឹងរវាងគ្នាដោយឡែកសិន។
កាលពីសប្តាហ៍មុន ព្រះអង្គម្ចាស់រាជទាយាទ នៃរដ្ឋាភិបាលក្រុងអាប៊ូដាប៊ី ធ្លាប់បានបំពេញទស្សនកិច្ចរួចមកហើយ នៅក្នុងទីក្រុងអង់ការ៉ា គឺជាដំណើរទស្សនកិច្ចផ្លូវការ ដំបូងបំផុត របស់ប្រទេស គិតចាប់តាំងតែពីឆ្នាំ២០១២ ជាពេលវេលាដែលទំនាក់ទំនង រវាងប្រទេសទាំងពីរបានឈានទៅដល់ ចំណុចទាបបំផុតក្នុងប្រវត្តិសាស្ត្រ ។
គួរឲ្យដឹងដែរថា កិច្ចប្រជុំ រវាងមេដឹកនាំ លោក Erdogan និងព្រះអង្គម្ចាស់ Sheikh Mohammed bin Zayed al Nahyan នៅក្នុងប្រទេសតួកគី នោះបាននាំឲ្យឈាន ទៅដល់កិច្ចព្រមព្រៀង របស់សហភាពអារ៉ាប់ក្នុងការ វិនិយោគប្រាក់រហូតទៅដល់១០ពាន់លានដុល្លារ នៅក្នុងប្រទេសតួកគីផងដែរ។
ប្រទេសទាំងពីរក៏ធ្លាប់បានបង្ហាញ ជំហរួមគ្នាពាក់ព័ន្ធទៅនឹងបញ្ហាជម្លោះ ក្នុងតំបន់រួមមានទាំងបញ្ហានៅលីប៊ី និងជាពិសេសជម្លោះនៅក្នុង តំបន់ឈូងសមុទ្រ Gulf និងបញ្ហា នៅតំបន់មេឌីទេរ៉ាណេ ខាងកើត៕
ប្រែសម្រួល៖ស៊ុនលី
