បរទេស៖ ទូរទស្សន៍ BBC ចេញផ្សាយនៅព្រឹកថ្ងៃពុធនេះ បានឲ្យដឹងថា ប្រទេសអាល្លឺម៉ង់បានឈានទៅ ដល់ការសម្រេចចិត្តក្នុងការញ្ឈប់ដំណើរការជាមួយនឹង បំពង់បង្ហូរប្រេងរបស់រុស្សី ហើយបន្ទាប់ពីប្រធានាធិបតីរុស្សី Vladimir Putin បានប្រកាសបញ្ជូនយោធាទៅកាន់ ប្រទេសអ៊ុយក្រែន។
កាលពីថ្ងៃចន្ទកន្លងមក ប្រធានាធិបតីរុស្សី បានប្រកាសទទួលស្គាល់រដ្ឋចំនួន២ ទៅជារដ្ឋឯករាជ្យដែលជាតំបន់ ត្រូវបានបំបែកចេញពីប្រទេសអ៊ុយក្រែន តាមរយៈការចេញ បញ្ជាចល័តទ័ពទៅកាន់តំបន់ ទាំងពីរនោះភ្លាមៗផងដែរ។
បណ្តាប្រទេសលោកខាងលិច បាននាំគ្នាឆ្លើយតបតាមរយៈ ការដាក់ទណ្ឌកម្មទៅលើវិស័យ ថាមពលទាំងឡាយរបស់រុស្សី ហើយតាមពីក្រោយដោយអាល្លឺម៉ង់ នៅថ្ងៃនេះក៏បានប្រកាសលប់ចោល សកម្មភាពរបស់ខ្លួនជាមួយនឹង គម្រោងបំពង់បង្ហូរប្រេង Nort Stream 2 ផងដែរ។
គួរឲ្យដឹងដែរថា Nord Stream 2 មិនដែលទទួលបានការគាំទ្រ ពីបណ្តាប្រទេសអឺរ៉ុបឡើយ លើកលែងតែអាល្លឺម៉ង់។ គម្រោងនេះមានតម្លៃរហូតទៅដល់ ១០ពាន់លានអឺរ៉ូដែលជាការបញ្ចូលគ្នា នៃការវិនិយោគដោយក្រុមហ៊ុន ថាមពលរបស់រុស្សី និងអឺរ៉ុបមួយចំនួន ៕
ប្រែសម្រួល៖ ស៊ុន លី
