ថ្ងៃទី១៨ ខែមេសា តាមម៉ោង ក្នុងតំបន់ សេតវិមានអាមេរិក បានប្រកាសថា ក្នុងសបា្តហ៍នេះ លោក Kurt Campbell អ្នកសម្រប សម្រួល កិច្ចការឥណ្ឌូ ប៉ាស៊ីហ្វិក របស់គណៈកម្មាធិការ សន្តិសុខជាតិអាមេរិក នឹងដឹកនាំគណៈប្រតិភូបំពេញ ទស្សនកិច្ចនៅប្រទេសទាំងបី នៅប្រជុំកោះប៉ាស៊ីហ្វិក ដូចជាប្រជុំកោះសាឡូម៉ូនជាដើម ។ អ្នកនាំពាក្យរបស់ក្រសួងការបរទេស អាមេរិករូបនេះបានអះអាងថា ការផ្តោតសំខាន់ ទៅលើប្រទេសចិន នឹងជាប្រធានបទ ពិភាក្សាសំខាន់មួយ ។ មជ្ឃដ្ឋានខាងក្រៅសម្គាល់ជាទូទៅថា ដំណើរទស្សនកិច្ច របស់លោក Campbell លើកនេះប្រហែលនឹង ប្រើមធ្យោបាយញុះញង់ផង និងដាក់សម្ពាធផង ក្នុងន័យប៉ុនប៉ង បំផ្លាញកិច្ចសហប្រតិបតិ្តការ សន្តិសុខរវាងចិន និងប្រជុំកោះសាឡូម៉ូន ។
នាពេលថ្មីៗកន្លងទៅនេះ ប្រទេសចិន និងប្រជុំកោះសាឡូម៉ូន បានចុះហត្ថលេខាជាផ្លូវការ លើកិច្ចព្រមព្រៀង ក្របខណ្ឌអន្តររដ្ឋាភិបាល លើវិស័យកិច្ចសហប្រតិបតិ្តការ សន្តិសុខ ហើយបានសម្រេចថា លើមូលដ្ឋានស្មើភាព និងផ្តល់ផល ប្រយោជន៍ដល់គ្នាទៅវិញទៅមក ភាគីទាំងពីរនឹង ធ្វើកិច្ចសហប្រតិបតិ្តការលើវិស័យ គាំពារសណ្តាប់ធ្នាប់សង្គម ការពារសុវត្ថិភាព អាយុជីវិតនិងទ្រព្យសម្បតិ្ត របស់ប្រជាជន ការផ្តល់ជំនួយមនុស្សធម៌ និងទប់ទល់នឹងគ្រោះមហន្តរាយ ធម្មជាតិជាដើម ក្នុងន័យជួយប្រជុំកោះសាឡូម៉ូនបង្កើន កិច្ចកសាងសមត្ថភាពគាំពារសន្តិសុខ របស់ប្រទេសខ្លួន ដើម្បីជំរុញសន្តិសុខនិងសិ្ថរភាពក្នុងសង្គមនៅតាមតំបន់ ។ កិច្ចសហប្រតិបតិ្តការមួយនេះ សមស្របនឹងច្បាប់អន្តរជាតិ និងទម្លាប់ក្នុងផ្ទៃអន្តរជាតិ ហើយមិនសំដៅ ចំពោះភាគីទីបីណាមួយទេ ។
ប៉ុន្តែ សរសៃប្រសាទរ សើបរបស់អាមេរិក និងអូស្ត្រាលីត្រូវបំផុសឡើង ។ ពួកគេមួលបង្កាច់ កិច្ចព្រមព្រៀង សហប្រតិបតិ្តការ ដែលចិននិងប្រជុំកោះសាឡូម៉ូន បានចុះហត្ថលេខានោះថាជា “ការគំរាមកំហែង” របស់សន្តិសុខក្នុងតំបន់ ហើយរកមធ្យោបាយ គ្រប់បែបយ៉ាងធ្វើការបំផ្លិចបំផ្លាញ ។
ប្រទេសនៅប្រជុំកោះប៉ាស៊ីហិ្វកមិនមែនជា “ទីធ្លាខាងក្រោយ”របស់អ្នកណាទេ ហើយក៏មិនមែនជាកូនអុកសម្រាប់ធ្វើបដិបក្ខគ្នាក្នុងភូមិសាស្ត្រនោះឡើយ ។ អាមេរិកនិងអូស្ត្រាលី លើកទង់សន្តិសុខ តាំងខ្លួនជា “ អាណាព្យាបាលរបស់គ្រួសារធំនៃមហាសមុទ្រប៉ាស៊ីហ្វិក” និងនិយាយឆ្ការដៃឆ្ការជើង ស្នៀតទាំងនេះ បានបង្ហាញឱ្យឃើញនូវឥរិយាបទអនុត្តរភាព និយមនិងអាណានិគមនិយម ។
ប្រជុំកោះសាឡូម៉ូនជាប្រទេស ប្រជាធិបតេយ្យភាពដ៏ឯករាជ្យ មានសិទ្ធិសម្រេចចងចំណង មិត្តភាពជាមួយអ្នកណា ។ ហេតុអ្វីបានជាពួកគេជ្រើស រើសធ្វើកិច្ចសហប្រតិបតិ្តការ ជាមួយប្រទេសចិន គឺដោយសារប្រទេសចិន អាចផ្តល់ជំនួយដ៏ពិត ប្រាកដដល់ពួកគេ ។ ប្រទេសចិនជាមិត្តភក្តិពិត ដែលគួរឱ្យប្រជុំកោះ ប៉ាស៊ីហ្វិកជឿទុកចិត្តបាន ។
ផ្ទុយទៅវិញ ក្រុងវ៉ាស៊ីនតោន មិនអើពើពីវិបត្តិជីវភាពរស់នៅ និងភាពច្របូកច្របល់ នៃប្រជុំកោះសាឡូម៉ូនក្នុងរយៈពេលយូរ ។ ស្ថានទូតអាមេរិកប្រចាំ នៅប្រជុំកោះសាឡូម៉ូនធ្លាប់បិទទ្វារអស់រយៈពេល២៩ឆ្នាំ រហូតដល់ទំនាក់ទំនងរវាងចិន និងប្រជុំកោះសាឡូម៉ូនមានភាពកាន់តែជិតស្និទ្ធ ក្រុងវ៉ាស៊ីនតោនទើបចាប់ អារម្មណ៍ដល់ប្រទេសនៅប្រជុំកោះប៉ាស៊ីហ្វិក ។ នៅខែកុម្ភៈឆ្នាំនេះ អាមេរិកបានប្រកាសថា នឹងបើកទ្វារស្ថានទូតអាមេរិក ប្រចាំ នៅប្រជុំកោះសាឡូម៉ូនឡើងវិញ ឥឡូវនេះគ្រោង នឹង ចាត់បញ្ជូនមន្ត្រីជាន់ ខ្ពស់ទៅ បំពេញទស្សនកិច្ចទៀត តើអាមេរិកយកចិត្ត ទុកដាក់ដល់ ប្រជុំកោះសាឡូម៉ូន ពិតប្រាកដ ឬមួយក៏មានគោលបំណង ផ្សេងទៀត ? មជ្ឈដ្ឋានខាងក្រៅបាន មើលឃើញបានច្បាស់ហើយ ។
ជម្រើសរបស់ប្រជុំកោះប៉ាស៊ីហ្វិក ដូចជាប្រជុំកោះសាឡូម៉ូនជាដើម បានបង្ហាញពីសច្ចធម៌ក្នុងដួងចិត្ត របស់អ្នកផង ។ ដំណើរទស្សនកិច្ចរបស់លោក Campbell លើកនេះ ហាក់ដូចជាការ សម្តែងក្នុងគោលបំណង ញុះញង់ការបដិបក្ខគ្នា និងបំផ្លាញកិច្ចសហប្រតិបតិ្តការ ដ៏មេត្រីភាពរវាងចិន និងប្រជុំកោះប៉ាស៊ីហ្វិក មុខជានឹងមិនទទួលបានការគាំទ្រ ជាក់ជាមិនខាន ៕
