ព័ត៌មានអន្តរជាតិ

អ៊ីរ៉ង់ ថ្កោលទោសអាមេរិកថា ជាអ្នករំលោភសិទ្ធិមនុស្សដ៏ធំបំផុត នៅក្នុងរបាយការណ៍ប្រចាំឆ្នាំរបស់ខ្លួន

តេអេរ៉ង់៖ ដោយកត់សម្គាល់ពីសប្តាហ៍នៃការពិនិត្យឡើងវិញ និងការបញ្ចេញមតិសិទ្ធិមនុស្សរបស់អាមេរិក នៅថ្ងៃទី២៧ ខែមិថុនា ដល់ថ្ងៃទី០៣ ខែកក្កដា អ៊ីរ៉ង់បានលើកឡើងពីការរំលោភសិទ្ធិមនុស្សរ បស់សហរដ្ឋអាមេរិកថាជា “អ្នករំលោភសិទ្ធិមនុស្សដ៏ធំបំផុត” ។

របាយការណ៍បានឲ្យដឹងថា “អ៊ីរ៉ង់ គឺជាប្រទេសមួយដែលត្រូវបានរងផល ប៉ះពាល់យ៉ាងធ្ងន់ធ្ងរ ដោយការប្រើប្រាស់ ឧបករណ៍សិទ្ធិមនុស្សរបស់សហរដ្ឋអាមេរិក។ បច្ចុប្បន្ននេះ ការដាក់ទណ្ឌកម្ម ដោយបង្ខិតបង្ខំរបស់សហរដ្ឋអាមេរិក បានក្លាយទៅជាឧបករណ៍មួយ ដើម្បីរំលោភសិទ្ធិមនុស្ស របស់ប្រជាជនអ៊ីរ៉ង់” ។

របាយការណ៍បានឲ្យដឹងទៀតថា សហរដ្ឋអាមេរិក បានដាក់ “ទណ្ឌកម្មដ៏ឃោរឃៅ និងអំពើភេរវកម្មសេដ្ឋកិច្ច” ដែលដាក់ប្រឆាំងនឹងអ៊ីរ៉ង់ ជះឥទ្ធិពលអវិជ្ជមានដល់ផលិតកម្ម ការងារ និងចំណូលជាតិរបស់ប្រទេសអ៊ីរ៉ង់ ដោយសារពួកគេបានធ្វើឱ្យការត្រឡប់មកវិញសេដ្ឋកិច្ចចុះខ្សោយ កាត់បន្ថយប្រាក់ចំណូល និងនាំឱ្យមានគម្លាតសង្គម ដែលបានបន្ទាបកម្រិតជីវភាពរស់នៅរបស់ប្រជាជនអ៊ីរ៉ង់។

ផ្ទាំងពាណិជ្ជកម្ម

អាមេរិក បានទណ្ឌកម្មសម្រាប់ផ្តោតជាចម្បងលើខ្សែបន្ទាត់ជីវិតរបស់អ៊ីរ៉ង់ គឺការនាំចេញប្រេង។ ជាលទ្ធផល ការថយចុះយ៉ាងខ្លាំងនៃប្រាក់ចំណូលជាតិរបស់ប្រទេសអ៊ីរ៉ង់បាននាំឱ្យ “ការធ្លាក់ចុះនៃរដ្ឋាភិបាលអ៊ីរ៉ង់ ក្នុងការអភិរក្ស និងការកែលម្អហេដ្ឋារចនាសម្ព័ន្ធជាមូលដ្ឋាននៅក្នុងប្រទេស” ។

ប្រភពបានឲ្យដឹងទៀតថាការខ្វះលទ្ធភាពទទួលបានប្រព័ន្ធហិរញ្ញវត្ថុអន្តរជាតិ និងការរំខាននៅក្នុង ប្រព័ន្ធដំណើរការទូទាត់ “បានរំខានយ៉ាងខ្លាំងដល់ការចូលរួមរបស់អ៊ីរ៉ង់ ក្នុងភាពជាដៃគូអន្តរជាតិ នៅក្នុងគម្រោងបែបនេះ ហើយវាបានបរាជ័យក្នុងការអភិវឌ្ឍ និងជួសជុលឧស្សាហកម្មរបស់ប្រទេសនេះ”៕

ប្រែសម្រួល ឈូក បូរ៉ា

To Top