ព័ត៌មានអន្តរជាតិ

កងទ័ពអ៊ុយក្រែន ទម្លាក់គ្រាប់មីន ប្រឆាំងមនុស្ស PFM-1 នៅលើរដ្ឋធានី Donetsk

បរទេស៖ អភិបាលក្រុង លោក Aleksey Kulemzin បាននិយាយថា កងកម្លាំងអ៊ុយក្រែន បានទម្លាក់គ្រាប់តាមអាកាស ដែលគេបានហាមឃាត់គ្រាប់មីន ប្រឆាំងមនុស្ស PFM-1 នៅលើរដ្ឋធានីនៃសាធារណរដ្ឋ ប្រជាមានិត Donetsk កាលពីយប់ថ្ងៃពុធ។

យោងតាមសារព័ត៌មាន RT ចេញផ្សាយនៅថ្ងៃទី២៨ ខែកក្កដា ឆ្នាំ២០២២ បានឱ្យដឹងថា អភិបាលក្រុងបានសរសេរ នៅលើបណ្តាញ Telegram របស់លោកថា គ្រាប់មីនត្រូវបានគេរកឃើញ នៅតាមដងផ្លូវជាច្រើន នៅភាគពាយព្យនៃទីក្រុង។

អភិបាលក្រុងរូបនេះ បន្តថា “ក្រុមអ្នកដោះគ្រាប់បែក និងអ្នកជួយសង្គ្រោះបានធ្វើការ នៅលើទីតាំងតាំងពីព្រឹកព្រលឹម។ រថយន្តដែលបំពាក់ដោយឧបករណ៍ បំពងសំឡេងកំពុងជូនដំណឹង ដល់អ្នកស្រុក” ដោយបានដាស់តឿនប្រជាជន ឱ្យមានការប្រុងប្រយ័ត្ន និងកុំចូលទៅជិតអណ្តូងរ៉ែ។

គ្រាប់មីន PFM-1 ដែលមានរាងដូចមេអំបៅ ត្រូវបានហាមឃាត់ក្រោមអនុសញ្ញា Ottawa ឆ្នាំ 1997 ដែលអ៊ុយក្រែន ជាផ្នែកមួយផងដែរ ហើយទោះបីមិនសម្លាប់ជនរងគ្រោះ ពេលជិះជាន់ក៏ដោយ ក៏គ្រាប់បែកនឹងបណ្តាលឱ្យជនរងគ្រោះ ពិការជើងផងដែរ។

មុននេះ អាជ្ញាធរសាធារណៈរដ្ឋប្រជាមានិត Lugansk បានរាយការណ៍ថាបានរកឃើញ PFM-1s នៅកន្លែងដែលទុកដោយទាហានអ៊ុយក្រែន បន្ទាប់ពីការដកថយ៕ ប្រែសម្រួលៈ ណៃ តុលា

To Top