ព័ត៌មានអន្តរជាតិ

អង់គ្លេស នឹងទទួលបាន នាយករដ្ឋមន្រ្តីថ្មី នៅថ្ងៃចន្ទ ក្រោយលោកស្រី Truss លាលែងតំណែង

ឡុងដ៌ ៖ ចក្រភពអង់គ្លេស អាចមាននាយករដ្ឋមន្ត្រីថ្មី នៅព្រឹកថ្ងៃច័ន្ទ សប្ដាហ៍ក្រោយនេះ ដែវាត្រូវបានបញ្ជាក់ បន្ទាប់ពីសំណុំថ្មី នៃច្បាប់ប្រកួតប្រជែងភាព ជាអ្នកដឹកនាំត្រូវបានប្រកាស ដោយគណបក្សអភិរក្ស ។

បេក្ខជននឹងត្រូវឈានដល់របារខ្ពស់ នៃអ្នកគាំទ្រ ១០០ ក្នុងចំណោមសមាជិកសភា Tory ដើម្បីឈានទៅបោះឆ្នោតជុំទីមួយ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។

ជាមួយនឹងសមាជិកសភាសរុប ចំនួន ៣៥៧នាក់នៅក្នុងសភាអង់គ្លេស នេះមានន័យថា អតិបរមា ៣នាក់អាចឈរឈ្មោះបាន។ អតីត​អធិការបតី Rishi Sunak បាន​ប្រកាស​បេក្ខភាព ​របស់​លោក​ជាមួយ​នឹង​ប្រធាន​សភា Penny Mordaunt។

អតីតនាយករដ្ឋមន្ត្រីអង់គ្លេស លោក Boris Johnson ដែលបច្ចុប្បន្នកំពុង សម្រាកលំហែកាយនៅ Caribbean ក៏បានអនុញ្ញាតឱ្យឈ្មោះ របស់លោកផ្សព្វផ្សាយ ជាបេក្ខជនផងដែរ។

ប្រសិនបើលោក Johnson ស្ថិតក្នុងគូចុងក្រោយ នៃសមាជិកសភា បន្ទាប់ពីការបោះឆ្នោតជុំទី២ ប្រសិនបើលោក ទទួលបានសម្លេងយ៉ាងតិច ១០០ នោះលោកនឹងក្លាយជាអ្នកឈ្នះ ព្រោះលោកនៅតែមានប្រជាប្រិយភាពខ្ពស់ ក្នុងចំណោមសមាជិកភាព៕

ប្រែសម្រួល ឈូក បូរ៉ា

To Top