ម៉ូស្គូ៖ ក្រសួងការបរទេសរុស្ស៊ីកាលពីថ្ងៃអង្គារ បានរារាំងមនុស្សជាច្រើនទៀតនៃរដ្ឋជាសមាជិកសហភាពអឺរ៉ុប មិនឱ្យចូលទៅក្នុងប្រទេសរុស្ស៊ី ជាការឆ្លើយតបទៅនឹងសកម្មភាពប្រឆាំងនឹងរុស្ស៊ីរបស់ពួកគេ។
ក្រសួងបានឲ្យដឹងនៅក្នុងសេចក្តីថ្លែងការណ៍មួយថា ក្នុងចំណោមអ្នកដែលបានជាប់ក្នុងបញ្ជីខ្មៅថ្មី មានតំណាងក្រុមហ៊ុនផលិតសព្វាវុធ និងឧបករណ៍យោធារបស់អឺរ៉ុប ដែលផ្គត់ផ្គង់ដល់អ៊ុយក្រែន និងសមាជិកសភាមួយចំនួននៃសភានៃក្រុមប្រឹក្សាអឺរ៉ុប។
នៅក្នុងនោះដែរ ភាគីរុស្ស៊ីមិនបានបញ្ជាក់ថានរណាជាកម្មវត្ថុនៃការហាមឃាត់ការធ្វើដំណើរនោះទេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ៕
ប្រែសម្រួល ឈូក បូរ៉ា
