គៀវ ៖ អគ្គសេនាធិការ នៃកងកម្លាំងប្រដាប់អាវុធ អ៊ុយក្រែន បានឲ្យដឹងនៅលើបណ្ដាញ Facebook ថា គិតត្រឹមព្រឹកថ្ងៃ ចន្ទម្សិលមិញនេះ រុស្ស៊ីបានធ្វើការវាយប្រហារតាមផ្លូវអាកាសមួយគ្រាប់ និងកាំជ្រួចចំនួន ៥ដង និងការវាយប្រហារ ដោយប្រព័ន្ធរ៉ុក្កែតច្រើន ដង (MLRS) ជាង ៤០ លើកនៅទូទាំងប្រទេសអ៊ុយក្រែន នៅប៉ុន្មានថ្ងៃកន្លងមកនេះ ។
ប្រភពបានឲ្យដឹងថា នៅក្នុងទិសដៅតំបន់ Kherson ប្រទេសរុស្ស៊ី បានបន្តការបាញ់ផ្លោងដោយកាំភ្លើងធំ ទៅលើតំបន់ ដែលមានប្រជាជនរស់ នៅតាមបណ្តោយច្រាំងខាងស្តាំ នៃទន្លេ Dnieper ដោយបានបំផ្លាញហេដ្ឋារចនាសម្ព័ន្ធស៊ីវិល ។
ទីភ្នាក់ងារព័ត៌មាន TASS របស់រុស្ស៊ីបានរាយការណ៍កាលពីថ្ងៃចន្ទ ដោយដកស្រង់សំដីអនុរដ្ឋមន្ត្រីការបរទេសរុស្ស៊ី លោក Mikhail Galuzin ថា ប្រទេសរុស្ស៊ី កំពុងធ្វើអ្វីគ្រប់យ៉ាងដែលអាចធ្វើទៅបាន ដើម្បីធានាឱ្យមានការបង្កើតតំបន់ សុវត្ថិភាពជុំវិញរោងចក្រ ថាមពលនុយក្លេអ៊ែរ Zaporizhzhia ឱ្យបានឆាប់តាម ដែលអាចធ្វើទៅបាន ។
លោកបានបន្តថា ការបង្កើតតំបន់សុវត្ថិភាពជុំវិញ រោងចក្រនុយក្លេអ៊ែរនឹង កាត់បន្ថយយ៉ាងខ្លាំងនូវហានិភ័យ នៃគ្រោះថ្នាក់នុយក្លេអ៊ែរ ដែលអាចកើតមាន នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ ។
រដ្ឋមន្ត្រីក្រសួងហិរញ្ញវត្ថុរុស្ស៊ីលោក Anton Siluanov បានឲ្យដឹង កាលពីថ្ងៃអាទិត្យក្នុងអំឡុង ពេលសម្ភាសន៍មួយ TASS បានរាយការណ៍ថា ប្រទេសរុស្ស៊ី មិនមានបំណងលក់ប្រេងទៅឱ្យប្រទេស ដែលគាំទ្រតម្លៃកំណត់ របស់លោកខាងលិចនោះទេ៕
