បរទេស៖ អភិបាលក្រុង គឺលោក Mikhail Razvozhayev បាននិយាយថា យានយន្តហោះគ្មានមនុស្សបើក (UAV) ត្រូវបានបាញ់ទម្លាក់ ដោយប្រព័ន្ធការពារដែនអាកាស នៅឯឆ្នេរសមុទ្រនៃទីក្រុង Sevastopol នៃតំបន់ គ្រីមៀ របស់រុស្ស៊ី។
យោងតាមសារព័ត៌មាន Sputnik ចេញផ្សាយនៅថ្ងៃទី១៦ ខែមករា ឆ្នាំ២០២៣ បានឱ្យដឹងថា លោក Razvozhayev បាននិយាយនៅលើ Telegram កាលពីយប់ថ្ងៃអាទិត្យថា “ប្រព័ន្ធការពារអាកាសបានបាញ់ទម្លាក់ UAV ពីលើឈូងសមុទ្រ [Sevastopol]” ។
កងកម្លាំងអ៊ុយក្រែន បានវាយប្រហារនៅតំបន់ គ្រីមៀ ដោយប្រើយន្តហោះគ្មានមនុស្សបើកជាច្រើនដង ចាប់តាំងពីដើមឆ្នាំនេះមក។ យន្តហោះចម្បាំង UAV ទាំងអស់ត្រូវបានបាញ់ទម្លាក់ ដោយប្រព័ន្ធការពារដែនអាកាសរុស្ស៊ី។
កាលពីខែតុលាឆ្នាំមុន អ៊ុយក្រែនបានធ្វើការវាយប្រហារ ដោយយន្តហោះគ្មានមនុស្សបើកដ៏ធំលើកប៉ាល់ នៃកងនាវារបស់រុស្ស៊ីនៅសមុទ្រខ្មៅ ក្នុងក្រុង Sevastopol៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
