សេអ៊ូល៖ ក្រសួងការពារជាតិរបស់ ទីក្រុងសេអ៊ូលបាននៅថ្ងៃព្រហស្បតិ៍នេះថា ប្រទេសកូរ៉េខាងត្បូង និងសហរដ្ឋអាមេរិក បានធ្វើសមយុទ្ធដែនអាកាសរួមគ្នាដែលពាក់ព័ន្ធនឹងយន្តហោះទម្លាក់គ្រាប់បែក និងយន្តហោះចម្បាំងយុទ្ធសាស្ត្ររបស់សហរដ្ឋអាមេរិក។
ចល័តសម្រាប់សមយុទ្ធដែនអាកាសរួមបញ្ចូលគ្នាគឺយន្តហោះទម្លាក់គ្រាប់បែកយុទ្ធសាស្ត្រ B-1B និងយន្តហោះចម្បាំងបំបាំងកាយ F-22 និង F-35B ពីកងទ័ពអាកាសអាមេរិក ព្រមទាំងយន្តហោះចម្បាំង F-35A មកពីកងទ័ពអាកាសកូរ៉េខាងត្បូង។
ក្រសួងបានឲ្យដឹងនៅក្នុងសេចក្តីថ្លែងការណ៍មួយថា សមយុទ្ធនេះត្រូវបានធ្វើឡើងកាលពីថ្ងៃពុធលើដែនទឹកភាគខាងលិចនៃប្រទេសកូរ៉េខាងត្បូង ដើម្បីបង្ហាញពី “ឆន្ទៈ និងសមត្ថភាពរបស់សហរដ្ឋអាមេរិក ក្នុងការផ្តល់នូវការទប់ស្កាត់បន្ថែមដ៏រឹងមាំ និងគួរឱ្យទុកចិត្ត” ។
ក្រសួងបានកត់សម្គាល់ថា សម្ព័ន្ធមិត្តទាំងពីរនឹងពង្រឹងសមយុទ្ធយោធារួមគ្នារបស់ពួកគេ ពាក់ព័ន្ធនឹងការដាក់ពង្រាយទ្រព្យសម្បត្តិយុទ្ធសាស្ត្ររបស់សហរដ្ឋអាមេរិក នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
សមយុទ្ធដែនអាកាសរួមគ្នានេះបានកើតឡើងបន្ទាប់ពីប្រមុខការពារជាតិកូរ៉េខាងត្បូង និងសហរដ្ឋអាមេរិកបានជួបពិភាក្សាគ្នានៅទីក្រុងសេអ៊ូលកាលពីថ្ងៃអង្គារ ដោយយល់ព្រមពង្រីក និងពង្រឹងកម្រិត និងទំហំនៃសមយុទ្ធ និងការហ្វឹកហ្វឺនរួមគ្នានៅឆ្នាំនេះ។
ជាការឆ្លើយតប ក្រសួងការបរទេសនៃ ប្រទេសកូរ៉េខាងជើង បានថ្កោលទោសចំពោះ “សមយុទ្ធប្រឈមមុខដាក់គ្នាខាងយោធាដោយឥតប្រុងប្រយ័ត្ន និងអំពើអរិភាព” របស់សហរដ្ឋអាមេរិក និងកូរ៉េខាងត្បូង៕
