បរទេស៖ ក្រុមថ្នាំពេទ្យយោធាដែលមានសមាជិក ៣០ នាក់ រួមជាមួយនឹងទំនិញ និងឧបករណ៍សង្គ្រោះប្រហែល ២០ តោន បានត្រៀមខ្លួនរួចរាល់ហើយដើម្បី ចេញដំណើរទៅកាន់ប្រទេសតួកគីដើម្បីជួយប្រទេសក្នុងគ្រាអាសន្ន និងកិច្ចខិតខំប្រឹងប្រែងព្យាបាលបន្ទាប់ពី ការរញ្ជួយដីដ៏បំផ្លិចបំផ្លាញ។
យោងតាមសារព័ត៌មាន Vietnam News ចេញផ្សាយកាលពីថ្ងៃទី១១ ខែកុម្ភៈ ឆ្នាំ២០២៣ បានឱ្យដឹងថា ក្នុងសន្និសីទនៅទីក្រុងហាណូយ នាថ្ងៃទី ១១ ខែកុម្ភៈ អគ្គនាយកដ្ឋានភស្តុភារបានប្រគល់ភារកិច្ចដល់ក្រុមពេទ្យយោធា ក្នុងចំណោមបុគ្គលិកយោធាវៀតណាមចំនួន ៧៦ នាក់ ត្រូវបញ្ជូនទៅកាន់ប្រទេសតួកគី។
ក្នុងនាមជាសមាជិកម្នាក់ ក្នុងចំណោមសមាជិកក្រុម ៣០នាក់ គឺវីរៈសេនីយ៍ Văn Trung Trung អនុប្រធាននាយកដ្ឋាន Orthopedic នៃមន្ទីរពេទ្យ Military Hospital 354 បាននិយាយថា បរិក្ខារពេទ្យទាំងអស់ដូចជា គ្រឿងយន្ត ថ្នាំពេទ្យ និងឧបករណ៍វះកាត់ ព្រមទាំងរបស់របរប្រើប្រាស់ផ្ទាល់ខ្លួនត្រូវបានរៀបចំយ៉ាងពេញលេញ ដើម្បីបំពេញលក្ខខណ្ឌរដូវរងានៅក្នុងប្រទេសតួកគី។
ជាពិសេស សត្វសុនខធ្វើការចំនួន៦ក្បាល និងគ្រូបង្វឹកចំនួន៩នាក់ នឹងត្រូវដាក់ពង្រាយសម្រាប់ការស្វែងរក និងជួយសង្គ្រោះនៅក្នុងប្រទេសអ៊ឺរ៉ុបមួយនេះ៕
ប្រែសម្រួលៈ ណៃ តុលា
