BBC៖ កោះតៃវ៉ាន់និយាយថា ខ្លួនបានរកឃើញបំណែក នៃអ្វីដែលទំនងជាបាឡុង ព្យាករណ៍អាកាសធាតុ របស់ចិនដែលធ្លាក់។ យោធារបស់តៃវ៉ាន់ បាននិយាយថា ខ្លួនបានប្រទះឃើញវត្ថុមិនស្គាល់អត្តសញ្ញាណមួយ រសាត់ពីលើកោះ Dongyin ដែលជាកោះគ្រប់គ្រង ដោយកោះតៃវ៉ាន់ ក្បែរឆ្នេរសមុទ្រ របស់ប្រទេសចិន នៅម៉ោង ១១ និង០០នាទី ម៉ោងក្នុងស្រុក កាលពីថ្ងៃព្រហស្បតិ៍។
យោងតាមសារព័ត៌មាន BBC ចេញផ្សាយនៅថ្ងៃទី១៧ ខែកុម្ភៈ ឆ្នាំ២០២៣ បានឱ្យដឹងថា ក្រោយមកគេក៏បានរកឃើញកន្លែងធ្លាក់នៅលើកន្លែងបាញ់ប្រហារបាឡុងហោះនោះ។ យោធារបស់កោះនេះបានបន្ថែមថា ការស៊ើបអង្កេតដំបូងបានណែនាំថា បំណែកគឺជាផ្នែកមួយនៃឧបករណ៍ឧតុនិយម។
នៅថ្ងៃសុក្រ រដ្ឋមន្ត្រីការពារជាតិរបស់កោះតៃវ៉ាន់ លោក Chiu Kuo-cheng បាននិយាយថា ក្រុមមន្ត្រីនឹងធ្វើការស៊ើបអង្កេតបន្ថែមលើការធ្លាក់បាឡុង ប៉ុន្តែនឹងមិនទាន់ទៅ “ឈានដល់ការសន្និដ្ឋាន” នោះទេ។
បើតាមការបញ្ជាក់របស់មន្ត្រីការពារជាតិជាន់ខ្ពស់លោក Chen Yu-lin នេះជាលើកទីមួយ ហើយដែលបំណែកបាឡុងបែបនេះ ត្រូវបានគេរកឃើញ នៅកោះឈូងសមុទ្រ របស់កោះតៃវ៉ាន់ ៕
ប្រែសម្រួលៈ ណៃ តុលា
