គៀវ៖ ខណៈដែលគណៈកម្មាធិការសេវា ប្រដាប់អាវុធព្រឹទ្ធសភា បានប្រមូលផ្តុំគ្នានៅវិមាន Capitol Hill កាលពីថ្ងៃអង្គារដើម្បីពិភាក្សា អំពីស្ថានភាពនៃសង្រ្គាម ដែលកំពុងបន្តរបស់រុស្ស៊ីក្នុងប្រទេសអ៊ុយក្រែន សមាជិកព្រឹទ្ធសភាបាន អំពាវនាវឱ្យសម្ព័ន្ធមិត្តអឺរ៉ុប បង្កើនការគាំទ្រសម្រាប់ប្រទេស ដែលហែកហួរដោយសង្រ្គាម ដែលបានស្នើសុំជំនួយពីបរទេស ដែលកើនឡើងឥតឈប់ឈរ។
កិច្ចប្រជុំនេះគឺជាលើកទីពីរ នៃឆ្នាំរហូតមកដល់ពេលនេះ សម្រាប់គណៈកម្មាធិការ និងរួមបញ្ចូលសក្ខីកម្មពីអ្នកជំនាញអំពីអឺរ៉ាស៊ី និងយុទ្ធសាស្ត្រយោធា។ សមាជិកសភាបានពិភាក្សា អំពីសីលធម៌របស់កងកម្លាំងរុស្ស៊ី ដែលបានទទួលផលនាពេលថ្មីៗនេះ បើទោះបីជាមានការលំបាកមួយចំនួន តម្រូវការ សម្រាប់ការគាំទ្រផ្នែកយោធា ប្រកបដោយនិរន្តរភាពសម្រាប់កងទ័ពអ៊ុយក្រែន និងការផ្សារភ្ជាប់គ្នារវាងការរក្សាការគោរព ចំពោះអធិបតេយ្យភាពអ៊ុយក្រែន និងការគោរពច្បាប់អន្តរជាតិ។
ប៉ុន្តែនៅពេលដែលការចំណាយ នៃសង្រ្គាមដែលកំពុងឈានចូលដល់ ឆ្នាំទីពីររបស់ខ្លួននៅតែបន្តកើនឡើង ក្តីបារម្ភកំពុងត្រូវបានលើកឡើងជុំវិញ ភាពជាប់បានយូរនៃអ្វីដែលលោកស្រី Angela Stent នាយកមជ្ឈមណ្ឌលសាកលវិទ្យាល័យ Georgetown សម្រាប់ការសិក្សា Eurasian រុស្ស៊ី និងអឺរ៉ុបខាងកើត ដែលបានពិពណ៌នា ក្នុងអំឡុងពេលសវនាការថា ការរួបរួមឆ្លងទ្វីបអាត្លង់ទិក “គួរឱ្យកត់សម្គាល់” ក្នុងការផ្តល់ជំនួយដល់អ៊ុយក្រែន ។
លោកស្រី បានប្រាប់សមាជិកសភាថា ប្រជាជនអឺរ៉ុបកំពុងទទួលរង ការធ្លាក់សេដ្ឋកិច្ចពីទណ្ឌកម្ម និងការបញ្ចប់នៃឥទ្ធិពលអ៊ីដ្រូកាបូន របស់រុស្ស៊ីខណៈពេល ដែលលោកស្រីបានលើកឡើងថា “មតិសាធារណៈនៅតែគាំទ្រអ៊ុយក្រែន ហើយរដូវរងាដ៏ស្រាល បានកាត់បន្ថយការឈឺចាប់ ផ្នែកសេដ្ឋកិច្ចមួយចំនួន” លោកស្រីថា “វាទំនងជាថា នៅពេលដែលសង្រ្គាមអូសបន្លាយក្នុងឆ្នាំនេះ វាអាចមានការតស៊ូជា សាធារណៈបន្ថែមទៀតចំពោះការគាំទ្រ ផ្នែកសេដ្ឋកិច្ចដ៏សំខាន់មួយចំនួនដល់អ៊ុយក្រែន”។
ហើយសមាជិកសភាដូចជា សមាជិកគណៈកម្មាធិការសេវាប្រដាប់អាវុធ ព្រឹទ្ធសភានៃព្រឹទ្ធសភាសាធារណរដ្ឋលោក Roger Wicker នៃរដ្ឋ Mississippi បានអះអាងក្នុងអំឡុងពេលសវនាការថា “មានដៃគូអឺរ៉ុបធំៗមួយចំនួន ដែលត្រូវធ្វើច្រើនទៀត ជាពិសេសគឺអាល្លឺម៉ង់ និងបារាំង” ៕
ប្រែសម្រួល ឈូក បូរ៉ា
