វ៉ាស៊ីនតោន៖ ប្រធានាធិបតីសហរដ្ឋអាមេរិកលោក ចូ បៃដិន បានអនុម័ត នូវសេចក្តីប្រកាសគ្រោះមហន្តរាយសម្រាប់រដ្ឋ Mississippi ភាគខាងត្បូង បន្ទាប់ពីព្យុះកំបុតត្បូងដ៏សាហាវ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក បៃដិន បានបញ្ជាឱ្យជំនួយសហព័ន្ធ ដើម្បីបំពេញបន្ថែមកិច្ចខិតខំប្រឹងប្រែង ស្តារឡើងវិញនៅក្នុងតំបន់ ដែលរងផលប៉ះពាល់ដោយ “ខ្យល់ព្យុះធ្ងន់ធ្ងរ ខ្យល់បក់ត្រង់ និងខ្យល់ព្យុះកំបុតត្បូង” ពីថ្ងៃសុក្រដល់ថ្ងៃសៅរ៍។
ទីភ្នាក់ងារគ្រប់គ្រងគ្រោះអាសន្ន Mississippi បាននិយាយនៅក្នុងសេចក្តីថ្លែងការណ៍មួយថា “២៥ នាក់បានស្លាប់ក្នុងរយៈពេលមួយយប់ ដោយសារតែអាកាសធាតុធ្ងន់ធ្ងរនេះ” ដោយព្រមានថាផ្នែកដ៏ធំមួយនៃ រដ្ឋមានសក្តានុពលក្នុងការជួប ព្យុះខ្លាំងនៅល្ងាចថ្ងៃអាទិត្យ។
ទីភ្នាក់ងារនេះបានសរសេរ បញ្ជាក់ឲ្យដឹងទៀតថា “មានការរំពឹងថា នឹងមានខ្យល់បក់បោកខ្លាំង។ ព្យុះកំបុតត្បូងមិនទាន់ស្ងប់ ទៅវិញនៅឡើយទេ” ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
