ហ្សឺណែវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៩ ខែមេសា ឆ្នាំ២០២៣ថា អង្គការសុខភាពពិភពលោក ហៅកាត់ថា (WHO) កាលពីថ្ងៃអង្គារបានព្រមានថា ជំងឺរាតត្បាតជំងឺកូវីដ-១៩ នៅតែប្រែប្រួល ដោយបានលើកឡើងថា អាចមានបញ្ហាបន្ថែមទៀត នៅមុនពេលដែលមេរោគនេះ ប្រែក្លាយទៅជាទម្រង់ផ្សេងទៀត តាមដែលការព្យាករណ៍ទុក ។
នៅក្នុងរយៈពេល២៨ថ្ងៃចុងក្រោយនេះ ការស្លាប់មានជាង២៣.០០០នាក់ និងករណីថ្មីចំនួន៣លានត្រូវបានរាយការណ៍ដល់អង្គការសុខភាពពិភពលោក ក្នុងបរិបទនៃការធ្វើតេស្តកាត់បន្ថយច្រើនយ៉ាងច្រើន ។
ខណៈដែលចំនួនកំពុងថយចុះ “នោះនៅតែមានមនុស្សជាច្រើនបានស្លាប់ ហើយនោះនៅតែមានមនុស្សជាច្រើនឈឺ” នាយកផ្នែកសង្គ្រោះបន្ទាន់របស់អង្គការ WHO លោក Michael Ryan បានប្រាប់ដល់សន្និសីទសារព័ត៌មានមួយយ៉ាងដូច្នេះ ។
លោកបានថ្លែងថា មេរោគផ្លូវដង្ហើមមិនឆ្លងពីជំងឺរាតត្បាតដល់ដំណាក់កាលឆ្លងទេ ប៉ុន្តែជំនួសមកវិញ ផ្លាស់ទីទៅកម្រិតទាបនៃសកម្មភាព ជាមួយនឹងកម្រិតខ្ពស់បំផុតនៃការរីករាលដាលតាមរដូវកាលវិញ ។
លោក Ryan បានលើកឡើងថា “យើងមិនបិទបញ្ចប់អំពីការជំងឺរាតត្បាតនោះទេ” ។
លោកបានបញ្ជាក់ថា “វាទំនងជាកាន់តែច្រើនដែលយើងនឹងឃើញ … វាមានការលំបាកណាស់ដែលអាចដឹងអំពីការប្រែប្រួលទម្រង់ថ្មីរបស់មេរោគរនេះដែលអាចព្យាករណ៍បានច្រើនជាងនេះ” ។
គេបានដឹងថា គណៈកម្មាធិការសង្គ្រោះបន្ទាន់របស់អង្គការសុខភាពពិភពលោកស្តីពីកូវីដ-១៩ ប្រជុំរៀងរាល់៣ខែម្តង ហើយគ្រោងនឹងជួបប្រជុំគ្នានៅដើមខែឧសភាខាងមុខ ៕ប្រែសម្រួលដោយ៖ ម៉ៅ បុប្ផាមករា
