ហ្វ្រែងហ្វឺត៖ ទិន្នផលសេដ្ឋកិច្ចរបស់សហភាពអឺរ៉ុប បានចុះបញ្ជីកំណើនប្រចាំត្រីមាស ០,៣ភាគរយ ក្នុងរយៈពេល ៣ខែដំបូងនៃឆ្នាំ២០២៣ នេះបើយោងតាមទិន្នន័យបឋម ដែលបានចេញផ្សាយ កាលពីថ្ងៃសុក្រដោយ Eurostat ដែលជាការិយាល័យស្ថិតិ នៃសហភាព supranational ។
ការកើនឡើង នៃផលិតផលក្នុងស្រុកសរុប (GDP) តិចតួចដូចដែលវាបានធ្វើឱ្យសហភាពអឺរ៉ុប អាចជៀសផុតពីការធ្លាក់ចុះផ្នែកបច្ចេកទេសយ៉ាងចង្អៀត ដែលត្រូវបានកំណត់ថាជាពីរត្រីមាសជាប់ៗគ្នានៃកំណើន GDP អវិជ្ជមាន។ GDP របស់សហភាពអឺរ៉ុប បានចុះបញ្ជីការធ្លាក់ចុះប្រចាំត្រីមាសចំនួន ០,១ភាគរយនៅក្នុងត្រីមាសទី៤ ឆ្នាំ២០២២។
យ៉ាងណាក៏ដោយ ការស្ទុះងើបឡើងវិញយឺត និងមិនអនុញ្ញាតឱ្យប្លុកនេះថយក្រោយឡើយ ដោយប្រឈមមុខនឹងបញ្ហាប្រឈមជាច្រើន សេដ្ឋកិច្ចរបស់សហភាពអឺរ៉ុប នៅតែស្ថិតក្នុងស្ថានភាពល្អ ហើយការស្ទុះងើបឡើងវិញ ប្រកបដោយនិរន្តរភាពពឹងផ្អែកលើសមត្ថភាពរបស់ខ្លួន ក្នុងការឈានចេញពីស្ថានភាពបច្ចុប្បន្ន នៃតុល្យភាពអតិផរណា ជាមួយនឹងការធ្លាក់ចុះសេដ្ឋកិច្ច និងទាញយកសក្តានុពល នៃកំណើនខាងក្រៅ ដែលក្នុងកម្រិតដ៏អស្ចារ្យមួយ នឹងកើតឡើងពីការពង្រឹងកិច្ចសហប្រតិបត្តិការសេដ្ឋកិច្ច ជាមួយប្រទេសចិន។
នៅក្នុងត្រីមាសទី១ ផលិតផលក្នុងស្រុកសរុប ដែលបានកែតម្រូវតាម រដូវកាលបានកើនឡើង ០,១ ភាគរយនៅក្នុងតំបន់អឺរ៉ូ និង ០,៣ ភាគរយ នៅក្នុងសហភាពអឺរ៉ុបធៀបនឹងត្រីមាសមុន នេះបើយោងតាមទិន្នន័យ របស់ Eurostat ។ ពីមួយឆ្នាំទៅមួយឆ្នាំ GDP នៅក្នុងតំបន់ទាំងពីរបានកើនឡើង ១,៣ភាគរយ។
ប្រទេសព័រទុយហ្គាល់ បានកត់ត្រាការកើនឡើងខ្ពស់បំផុតប្រចាំត្រីមាសចំនួន ១,៦ ភាគរយ ធៀបនឹងការធ្លាក់ចុះ ២,៧ ភាគរយនៅក្នុងប្រទេសអៀរឡង់។ ប្រទេសអាល្លឺម៉ង់ ដែលជាសេដ្ឋកិច្ចធំជាងគេ នៅក្នុងសហភាពអឺរ៉ុប មានស្ថិរភាពនៅក្នុងត្រីមាសទីមួយ បន្ទាប់ពីបានធ្លាក់ចុះ ០,៥ ភាគរយនៅក្នុងត្រីមាសទី៤ ឆ្នាំ២០២២។
ទោះបីជាសេដ្ឋកិច្ចរបស់សហភាពអឺរ៉ុប មើលទៅមានភាពធន់ជាងការរំពឹងទុក កាលពីប៉ុន្មានខែមុនក៏ដោយ ប៉ុន្តែលោក Carsten Brzeski ប្រធានសេដ្ឋវិទូរបស់ ING Germany ជឿជាក់ថា “មិនមានហេតុផល សម្រាប់ការមិនសប្បាយចិត្តនោះទេ”៕ ប្រែសម្រួល ឈូក បូរ៉ា
