ព័ត៌មានអន្តរជាតិ

ភ្នាក់ងារសន្តិសុខ សហព័ន្ធរុស្ស៊ីថា អ៊ុយក្រែនមានផែនការប្រើប្រាស់ គ្រាប់បែកវិទ្យុសកម្ម ដើម្បីវាយប្រហារ ភេរវកម្មលើប្រទេសរុស្ស៊ី

បរទេស៖ ទីភ្នាក់ងារសន្តិសុខសហព័ន្ធរុស្ស៊ី (FSB) បាននិយាយនៅថ្ងៃអង្គារថា ទីភ្នាក់ងារស៊ើបការណ៍យោធា របស់អ៊ុយក្រែនគ្រោង នឹងធ្វើការវាយប្រហារភេរវកម្ម នៅក្នុងប្រទេសរុស្ស៊ីដោយប្រើ “គ្រាប់បែកវិទ្យុសកម្ម” ។

យោងតាមសារព័ត៌មាន Sputnik ចេញផ្សាយនៅថ្ងៃទី៦ ខែមិថុនា ឆ្នាំ២០២៣ បានឱ្យដឹងថា FSB បាននិយាយនៅក្នុងសេចក្តីថ្លែងការណ៍មួយថា “ក្នុងអំឡុងពេលស៊ើបអង្កេត ការលើផែនការបំផ្លិចបំផ្លាញដែលបានគ្រោងទុកនៅក្នុងខែឧសភាឆ្នាំ ២០២៣ ដើម្បីបំផ្ទុះស្ថានីយ៍យន្តហោះ រយៈចម្ងាយឆ្ងាយដែលឈរជើង នៅអាកាសយានដ្ឋាន Severny ក្នុងតំបន់ Ivanovo វាត្រូវបានគេដឹងអំពីផែនការ របស់នាយកដ្ឋានស៊ើបការណ៍សំខាន់ នៃក្រសួងការពារជាតិអ៊ុយក្រែន ដើម្បីប្រព្រឹត្តអំពើភេរវកម្មនៅក្នុងប្រទេស រុស្ស៊ី ដោយប្រើអ្វីដែលហៅថា ‘គ្រាប់បែកវិទ្យុសកម្ម។

‘សេចក្តីថ្លែងការណ៍បានអានថា អ៊ុយក្រែនគ្រោងនឹងបញ្ជូន និង ដាក់ “គ្រាប់បែកវិទ្យុសកម្ម” បំពាក់ដោយឧបករណ៍កំណត់ម៉ោង ដើម្បីបំផ្ទុះក្នុងពេលដំណាលគ្នា និងធ្វើឱ្យតំបន់នេះមិនសក្តិសម សម្រាប់មនុស្សរស់នៅ។

សេវាកម្មពិសេសរបស់អ៊ុយក្រែនបានចូលរួមក្នុង ការវាយប្រហារលើហេដ្ឋារចនាសម្ព័ន្ធស៊ីវិលរបស់រុស្ស៊ី ដោយផ្តោតលើបណ្តាញថាមពលផងដែរ។ របបក្រុងគៀវបាននឹងកំពុងបាញ់គ្រាប់មីស៊ីល នៅរោងចក្រថាមពលនុយក្លេអ៊ែរ Zaporozhye ដែលជាកន្លែងផលិតថាមពលដ៏ធំបំផុតនៅអឺរ៉ុប ដោយបង្កើតនូវហានិភ័យជាច្រើនដែលអាចនាំឱ្យ មានគ្រោះមហន្តរាយនុយក្លេអ៊ែរ៕

ប្រែសម្រួលៈ ណៃ តុលា

To Top