បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថា ប្រធានាធិបតីអ៊ីរ៉ង់ Ebrami Raisi បានលើកសរសើរយ៉ាងខ្លាំង ចំពោះការសម្រេចចិត្ត របស់សមាជិក BRICS ហើយសាទរថា វាជាជំហានគួរឱ្យរីករាយដែលនឹងជួយសម្រួលដល់ការ អភិវឌ្ឍនៅទូទាំងពិភពលោក។
ថ្លែងទៅកាន់កិច្ចប្រជុំកំពូល BRICS លើកទី១៥ នៅក្នុងទីក្រុង Johannesburg ក្នុងប្រទេសអាហ្វ្រិក ដែលជាកិច្ចប្រជុំបាន អនុញ្ញាតិឲ្យឲ្យសមាជិកថ្មីមួយចំនួនទៀត នឹងអាចចូលរួមក្នុងប្លុកសេដ្ឋកិច្ចថ្មីនេះ ដែលក្នុងនោះមានទាំងអ៊ីរ៉ាក់អាហ្សង់ទីនអេហ្ស៊ីបអេត្យូ ពីនិអារ៉ាប៊ីសាអូឌីត។
លោក Raisi បានសម្តែងការជឿ ជាក់របស់គាត់ថា ការដាក់បញ្ចូលរបស់អ៊ីរ៉ង់នៅក្នុង BRICS នឹងបង្កើតផលប៉ះពាល់ ជាប្រវត្តិសាស្ត្រ ដោយកត់សម្គាល់នូវព្រឹត្តិការណ៍ដ៏សំខាន់មួយ ក្នុងការជំរុញគោលការណ៍យុត្តិធម៌ និងក្រមសីលធម៌ ហើយទីបំផុតការជំរុញឱ្យមានសន្តិភាពពិភពលោកយូរអង្វែង។
លោកRaisi បានពិពណ៌នា ទៀតថា BRICS ថាជានិមិត្តសញ្ញានៃការផ្លាស់ប្តូរ បែបនេះនៅក្នុងទំនាក់ទំនងពិភពលោក ដែលអាចជួយដោះស្រាយបញ្ហា របស់សហគមន៍អន្តរជាតិ ជាពិសេសនៅពេល ដែលការជឿទុកចិត្ត ជាសកលនៅក្នុងក្រុមកំពុងកើនឡើង៕
ប្រែសម្រួល៖ស៊ុនលី
