ការ៉ាកាស៖ រដ្ឋមន្ត្រីការបរទេសលោក Yvan Gil បានឲ្យដឹងនៅឯគណៈកម្មាធិការសិទ្ធិមនុស្ស របស់អង្គការសហប្រជាជាតិ នៅទីក្រុងហ្សឺណែវ ប្រទេសស្វីសថា សហរដ្ឋអាមេរិក កំពុងធ្វើ “ការឈ្លានពានពហុភាគី” ប្រឆាំងនឹងប្រទេសវេណេស៊ុយអេឡា។
លោក Gil បានឲ្យដឹងនៅក្នុងសុន្ទរកថា របស់លោកនៅឯ សម័យប្រជុំលើកទី១៣៩ របស់គណៈកម្មាធិការថា “វ៉េណេស៊ុយអេឡា បន្តស្ថិតនៅក្រោមការគំរាមកំហែង ឥតឈប់ឈរពីមហាអំណាច បរទេស ដែលស្វែងរកការរំលោភបំពាន លើប្រទេសរបស់យើង” ។
លោកបានលើកឡើងថា សកម្មភាពរបស់សហរដ្ឋអាមេរិក ប្រឆាំងនឹងប្រទេស នៅអាមេរិកខាងត្បូង បានជះឥទ្ធិពលអវិជ្ជមានដល់សិទ្ធិរបស់ប្រជាជនរបស់ខ្លួន។
លោកបន្ដថា សហរដ្ឋអាមេរិក និងប្រទេសផ្សេងទៀតបានអនុម័តវិធានការ “រឹតត្បិត ឬដាក់ទណ្ឌកម្ម” ជាង ៩៣០ ប្រឆាំងនឹងប្រទេសវេណេហ្ស៊ុយអេឡា នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបានព្រមានថា វិធានការទាំងនេះ បានកាត់បន្ថយយ៉ាងខ្លាំង នូវសមត្ថភាពរបស់រដ្ឋ ក្នុងការទទួលបានធនធាន និងសេវាកម្មចាំបាច់ ដើម្បីបំពេញតម្រូវការយ៉ាងពេញលេញ របស់ប្រជាជនវេណេស៊ុយអេឡា៕
ប្រែសម្រួល ឈូក បូរ៉ា
