បរទេស៖ យោងតាមការចេញផ្សាយរបស់ RT លោក Aleksey Arestovich ដែលជាអតីតជំនួយការរបស់ប្រធានាធិបតី Vladimir Zelensky បានអះអាងថា ប្រទេសអ៊ុយក្រែន បានបាត់បង់ទាហានដល់ទៅជាង៣០០ ០០០នាក់ ក្នុងអំឡុងពេលជម្លោះរបស់ខ្លួនជាមួយរុស្ស៊ី។
លោកArestovich បានធ្វើការវិភាគតួលេខនេះកាលពីថ្ងៃសុក្រ ខណៈកំពុងនិយាយជាមួយអ្នកកាសែត Yulia Latynina តាមរយៈវីដេអូខល។
អតីតជំនួយការប្រធានាធិបតីរូបនេះក៏ថ្លែងសុន្ទរកថានាពេលថ្មីៗនេះដែលធ្វើឡើងដោយសមាជិកសភាកំពូលអ៊ុយក្រែនលោក David Arakhamia ដែលធ្លាប់បាននិយាយថាកិច្ចចរចានៅទីក្រុងអ៊ីស្តង់ប៊ុលរវាងទីក្រុងមូស្គូ និងទីក្រុងគៀវត្រូវបានលុបចោលដោយនាយករដ្ឋមន្ត្រីអង់គ្លេស Boris Johnson ។
ការលើកឡើងនេះដែរធ្វើឡើងនៅពេលដែលរដ្ឋមន្ត្រីការពារជាតិរុស្ស៊ីលោក Sergey Shoigu បានបង្ហាញពីការប៉ាន់ប្រមាណចុងក្រោយរបស់ក្រុងម៉ូស្គូលើការស្លាប់និងរបួសរបស់ក្រុងគៀវ។
ថ្លែងក្នុងកិច្ចប្រជុំថ្នាក់រដ្ឋមន្ត្រីកាលពីថ្ងៃសុក្រ លោក Shoigu បានអះអាងថា យោធាអ៊ុយក្រែនបានបាត់បង់ទាហានជាង១២៥០០០ នាក់ និងផ្នែកសព្វាវុធប្រហែលជា១៦០០០គ្រឿងចាប់តាំងពីការចាប់ផ្តើមនៃប្រតិបត្តិការវាយបករបស់ខ្លួនដែលបានចាប់ផ្តើមនៅដើមខែមិថុនា៕ ប្រែសម្រួល៖ស៊ុនលី
