បរទេស ៖ យោងតាមការចេញផ្សាយរបស់ RT រដ្ឋមន្ត្រីការបរទេស អេស្បាញលោក Jose Manuel Albares បានធ្វើការលើកឡើង នៅក្នុងបទសម្ភាសន៍មួយ ជាមួយកាសែត El Pais ដែលបានចុះផ្សាយ កាលពីថ្ងៃអាទិត្យថាសហភាបអឺរ៉ុប ប្រហែលជាមិនមានមូលនិធិគ្រប់គ្រាន់ ដើម្បីបន្តការគាំទ្រ ផ្នែកហិរញ្ញវត្ថុរបស់ខ្លួនដល់ អ៊ុយក្រែននោះទេ។
យោងតាមការបញ្ជាក់បន្ថែមលោក Albares ដែលបានធ្វើអត្ថាធិប្បាយលើគម្រោង បែងចែកកញ្ចប់ជំនួយថ្មីចំនួន៥០ពាន់លានអឺរ៉ូឬត្រូវជា៥៣,៨ ពាន់លានដុល្លារទៅដល់ទីក្រុងគៀវ ប្លុកនេះអាចនឹងត្រូវពិនិត្យឡើង វិញនូវអាទិភាព របស់ខ្លួនឲ្យបានច្បាស់លាស់ជាងនេះ។
លោកបន្តថា៖យើងកំពុងស្ថិតក្នុង ដំណាក់កាលដំបូងនៃការពិភាក្សាអំពីក្របខ័ណ្ឌ ហិរញ្ញវត្ថុច្រើនមុខនៅឆ្នាំនេះ។ អ៊ុយក្រែនមានតម្រូវការសំខាន់ខ្លាំងណាស់ដែលយើងបាននិងកំពុងគ្របដណ្តប់រហូតដល់ពេលនេះប៉ុន្តែថវិកានៅមានកម្រិត ហើយអាទិភាពត្រូវតែត្រូវបានវិភាគសាជាថ្មី។
លោក Albares បានបន្ថែមថា ដំណោះស្រាយចំពោះជម្លោះក្នុងប្រទេសអ៊ុយក្រែន គឺជាការសម្រេចចិត្តដែលស្ថិតនៅក្នុងដៃរបស់រុស្ស៊ីប៉ុណ្ណោះ ប៉ុន្តែជាសញ្ញាថា ប្លុកនេះទំនងជាមិនបោះបង់គោលនយោបាយដាក់ទណ្ឌកម្មរបស់ខ្លួន ដើម្បីបង្ខំទីក្រុងម៉ូស្គូឱ្យបញ្ចប់ប្រតិបត្តិការយោធានោះទេ៕
ប្រែសម្រួល៖ស៊ុនលី
