បរទេស៖ យោងតាមការចេញផ្សាយ របស់ RT អតីតប្រធានាធិបតី Donald Trump បានព្រមានកាលពីថ្ងៃសៅរ៍ថា NATOឬណាតូ នឹងមិនមកជួយសង្គ្រោះទេ ប្រសិនបើសហរដ្ឋអាមេរិក ត្រូវបានវាយប្រហារ ដោយប្រទេសណាមួយនោះ។
ថ្លែងទៅកាន់ហ្វូងអ្នកគាំទ្រ នៅក្នុងព្រឹត្តិការណ៍ យុទ្ធនាការមួយ នៅទីក្រុង Las Vegas រដ្ឋ Nevada លោក Trump បានបន្តការរិះគន់ របស់គាត់ចំពោះប្លុកយោធាលោកខាងលិច មួយនេះ។
លោកបានថ្លែងទៀតថា៖ យើងកំពុងចំណាយ សម្រាប់អង្គការណាតូ ហើយយើងមិនទទួលបានច្រើនពីវាទេ។ ហើយអ្នកដឹងទេ – ខ្ញុំស្អប់ក្នុងការប្រាប់អ្នកពីរឿងនេះអំពីណាតូ – ប្រសិនបើយើងធ្លាប់ត្រូវការជំនួយពីពួកគេ ចូរនិយាយថាយើងត្រូវបាន គេវាយប្រហារ ខ្ញុំមិនជឿថាពួកគេនឹងនៅទីនោះទេ” ។
យោងតាមមាត្រា៥ នៃធម្មនុញ្ញ របស់អង្គការណាតូ បានសរសេរថា ការវាយប្រហារប្រដាប់អាវុធប្រឆាំងនឹង រដ្ឋសមាជិកណាមួយ ត្រូវតែចាត់ទុកថា ជាការវាយប្រហារប្រឆាំងនឹង ពួកគេដែលជាសមាជិកទាំងអស់៕
ប្រែសម្រួល៖ស៊ុនលី
