ប្រធានាធិបតីចិន ហ្ស៊ី ជិនពីង អំពាវនាវឲ្យមានការពង្រឹង តំបន់ភូមិភាគកណ្តាល ឲ្យមានភាពរឹងមាំ ដល់កម្រិតខ្ពស់

ចាងសា ៖ កាលពីថ្ងៃពុធ លោក ហ្ស៊ី ជិនពីង ប្រធានាធិបតីចិន បានអំពាវនាវ ឱ្យមានការខិតខំប្រឹងប្រែង យ៉ាងរឹងមាំដើម្បីពង្រឹងតំបន់ កណ្តាលបន្ថែមទៀតនៅចំណុចចាប់ផ្តើមខ្ពស់ ។

លោក ហ្ស៊ី ក៏ជាអគ្គលេខាធិការ នៃគណៈកម្មាធិការមជ្ឈិមបក្ស កុម្មុយនិស្តចិន ហៅកាត់ថា (CPC) និងជាប្រធានគណៈកម្មាធិការយោធាមជ្ឈិម បានធ្វើការកត់សម្គាល់ ក្នុងពេលកំពុងធ្វើជាប្រធានសន្និសីទ ស្តីពីការពង្រឹងបន្ថែមនៅតំបន់ ភូមិភាគកណ្តាល ក្នុងយុគសម័យថ្មីនេះ ។

នៅក្នុងសុន្ទរកថារបស់លោក លោក ហ្ស៊ី បានលើកឡើងអំពីតួនាទីសំខាន់របស់តំបន់ភូមិភាគកណ្តាល ដូចជាមូលដ្ឋានផលិតកម្មគ្រាប់ធញ្ញជាតិដ៏សំខាន់របស់ប្រទេស ថាមពល និងមូលដ្ឋានវត្ថុធាតុដើម ការផលិតឧបករណ៍ទំនើប និងមូលដ្ឋានឧស្សាហកម្មបច្ចេកវិទ្យាខ្ពស់ និងជាមជ្ឈមណ្ឌលដឹកជញ្ជូនដ៏ទូលំទូលាយ ។

លោក ហ្ស៊ី បានអំពាវនាវឱ្យមានការរួមបញ្ចូលគ្នាក្នុងការលើកកម្ពស់ការអភិវឌ្ឍន៍ដែលមានគុណភាពខ្ពស់ និងសរសេរជំពូកថ្មីនៃការពង្រឹងតំបន់ភូមិភាគកណ្តាលក្នុងដំណើរការជំរុញទំនើបកម្មរបស់ប្រទេសចិន ។

លោក Li Qiang សមាជិកគណៈកម្មាធិការ អចិន្ត្រៃយ៍ នៃការិយាល័យនយោបាយ នៃគណៈកម្មាធិការមជ្ឈិមបក្ស កុម្មុយនិស្តចិន និងជានាយករដ្ឋមន្ត្រីចិន លោក Cai Qi សមាជិកគណៈកម្មាធិការអចិន្ត្រៃយ៍ នៃការិយាល័យ នយោបាយនៃគណៈកម្មាធិការកណ្តាល CPC និងជានាយកការិយាល័យទូទៅនៃ CPC គណៈកម្មាធិការ និងលោក Ding Xuexiang សមាជិកនៃគណៈកម្មាធិការអចិន្ត្រៃយ៍ នៃការិយាល័យនយោបាយនៃគណៈកម្មាធិការមជ្ឈិម CPC និងជាឧបនាយករដ្ឋមន្ត្រីចិន ក៏បានចូលរួមក្នុងសន្និសីទនេះផងដែរ ។

លោក Xi បានថ្លែងថា ចាប់តាំងពីសន្និសីទលើកមុន ស្តីពីការពង្រឹង តំបន់ភូមិភាគ កណ្តាលត្រូវបានប្រារព្ធឡើង កាលពី៥ឆ្នាំមុន ការអភិវឌ្ឍន៍ក្នុងតំបន់ បានឈានដល់កម្រិតខ្ពស់ជាងនេះ ៕
ប្រែសម្រួលដោយ៖ ម៉ៅ បុប្ផាមករា