បរទេស: រដ្ឋាភិបាលវៀតណាម បានអះអាងថា ក្រុមហ៊ុនផលិតរថយន្តអគ្គិសនីឈានមុខគេរបស់វៀតណាម VinFast បានប្រមូលរថយន្តជិត ៦.០០០ គ្រឿងមកវិញ បន្ទាប់ពីរកឃើញកំហុស នៅក្នុងប្រព័ន្ធសញ្ញបង្ហាញ ។
យោងតាមសារព័ត៌មាន New Straight Times ចេញផ្សាយ កាលពីថ្ងៃទី២៣ ខែមីនា ឆ្នាំ២០២៤ បានឱ្យដឹងថា ក្រុមហ៊ុនផលិតរថយន្ត ក្នុងស្រុកដំបូងគេ របស់រដ្ឋកុម្មុយនិស្ត VinFast កំពុងសង្ឃឹមថានឹងប្រកួតប្រជែង ជាមួយនឹងរថយន្តអគ្គិសនី (EV) យក្សដូចជា Tesla ហើយកំពុងព្យាយាមបំបែក ទីផ្សារលក់ពិភពលោក ។
ប៉ុន្តែ VinFast បានតស៊ូ ដើម្បីបញ្ចុះបញ្ចូលអ្នកបើកបរអន្តរជាតិថា EVs របស់ខ្លួនអាចទុកចិត្តបាន និងមានគុណភាពខ្ពស់ ហើយកាលពីដើមឆ្នាំនេះ បានរាយការណ៍ពីការខាតបង់ចំនួន ២ ពាន់លានដុល្លារសម្រាប់ឆ្នាំ ២០២៣ បន្ទាប់ពីខកខានបំពេញគោលដៅលក់របស់ខ្លួន។
សរុបគឺមានរថយន្តប្រភេទ VinFast VF5 Plusចំនួន ៥.៩១២គ្រឿង នឹងត្រូវបានប្រមូលមកវិញ ដើម្បីជំនួសកុងតាក់រួមបញ្ចូលគ្នា នេះបើយោងតាមការចុះបញ្ជីវៀតណាម ដែលស្ថិតនៅក្រោមក្រសួង ដឹកជញ្ជូន។
នៅក្នុងសេចក្តីថ្លែងការណ៍មួយ ដែលបានចេញផ្សាយនៅថ្ងៃទី៥ ខែមីនា និងបានចេញផ្សាយតាមអ៊ិនធរណេតកាលពីថ្ងៃអង្គារ ក្រុមផលិតរថយន្ត បាននិយាយថា ការប្រមូលមកវិញបានអនុវត្ត ចំពោះយានយន្ត ដែលបានធ្វើឡើងនៅចន្លោះខែមីនា និងខែធ្នូឆ្នាំមុន។
សេចក្ដីថ្លែងការណ៍បានបន្តថា មានតែរថយន្តដែលបានលក់ត្រូវបានហើយ ទើបរកឃើញដោយមានកំហុស ហើយមិនបានរាយការណ៍ពីឧប្បត្តិហេតុណាមួយឡើយ ។
សេចក្តីថ្លែងការណ៍បានឱ្យដឹងទៀតថា ការធ្វើតេស្តបាន រកឃើញបញ្ហាជាមួយនឹងចង្កៀងមុខ និងសញ្ញាបង្ហាញនៅពេល ដែលភ្លើងត្រូវបានប្រើនៅក្នុង របៀបស្វ័យប្រវត្តិ ដែលអាច “បណ្តាលឱ្យមានគ្រោះថ្នាក់ដល់អ្នកបើកបរ និងយានយន្តផ្សេងទៀតនៅលើផ្លូវ” ។
ក្រុមហ៊ុន VinFast បានប្រកាស ប្រមូលមកវិញ ដែលប៉ះពាល់តែរថយន្តដែលផលិត និងលក់ក្នុងស្រុកក្នុងខែកុម្ភៈ ប៉ុន្តែកំពុងរង់ចាំការយល់ ព្រមពីរដ្ឋាភិបាល។
វាគឺជាឧបសគ្គថ្មីបំផុត សម្រាប់ក្រុមហ៊ុនដែលបានរងការ វាយប្រហារជុំវិញពិភពលោកក្នុងខែសីហា បន្ទាប់ពីតម្លៃរបស់រថយន្តនេះបានកើនឡើងខ្ពស់ ហើយបន្ទាប់មកបានធ្លាក់មកវិញ បន្ទាប់ពីការ ចុះបញ្ជីនៅលើ Nasdaq ក្នុងទីក្រុងញូវយ៉ក។
ក្រុមហ៊ុនបានខកខានបំពេញគោលដៅរបស់ខ្លួនក្នុងការលក់រថយន្ត EV ដល់ទៅ ៥០.០០០ គ្រឿងកាលពីឆ្នាំមុន ដោយសារវាបានចែកចាយមានត្រឹមតែ ៣៥.០០០ គ្រឿងប៉ុណ្ណោះ៕
ប្រែសម្រួល: ណៃ តុលា
