បរទេស ៖ យោងតាមការ ចេញផ្សាយរបស់ RT បុគ្គលិកផ្នែកជំនួយមនុស្សធម៍ ចំនួន៧នាក់ រួមទាំងជនបរទេសបួននាក់ ដែលផ្តល់អាហារ សម្រាប់អង្គការផ្ទះបាយ កណ្តាល ពិភពលោកឬ ហៅកាត់ថា WCK ត្រូវបានសម្លាប់ នៅក្នុងការវាយប្រហារ គោលដៅមួយ ដោយកងកម្លាំង អ៊ីស្រាអែលនៅហ្គាហ្សា ដែលជាអង្គការមិនមែនរដ្ឋាភិបាល ដែលបង្កើតឡើងដោយមេចុងភៅ ដ៏ល្បីល្បាញជនជាតិអេស្ប៉ាញ-អាមេរិក
លោក Jose Andres ។
ប្រភពដដែលបាន ឲ្យដឹងទៀតដែរថា ក្រោយមកប្រតិបត្តិការ របស់ក្រុមទាំងអស់ ដើម្បីវាយប្រហារទៅ លើជនប៉ាឡេស្ទីន ត្រូវបានផ្អាកទាំងអស់ បន្ទាប់ពីឧប្បត្តិហេតុ កាលពីថ្ងៃចន្ទនេះ។
អ្នកស្លាប់ចំនួន៥នាក់ ត្រូវបានរាយការណ៍ដំបូងថា ជាលទ្ធផល នៃការវាយប្រហារ តាមអាកាស ប៉ុន្តែ WCK បានប្រកាសអំពីចំនួនអ្នកស្លាប់ថ្មីៗ នៅក្នុងសេចក្តីថ្លែងការណ៍មួយ កាលពីថ្ងៃអង្គារ ដោយ ក្រុមនេះ
បាននិយាយថា ជនរងគ្រោះរួមមានពលរដ្ឋអាមេរិក កាណាដាពីរនាក់ ប៉ាឡេស្ទីនបីនាក់ អូស្ត្រាលីម្នាក់ ប៉ូឡូញម្នាក់ និងជនជាតិអង់គ្លេសម្នាក់ផងដែរ។
យោងតាមអង្គការក្រៅរដ្ឋាភិបាល បុគ្គលិករបស់ខ្លួន ត្រូវបានវាយប្រហារនៅទីក្រុង Deir al-Balah ភាគកណ្តាលហ្គាហ្សា ខណៈដែលពួកគេកំពុង ចាកចេញ ពីឃ្លាំងមួយ បន្ទាប់ពីបានផ្ទុកជំនួយស្បៀង អាហារជាច្រើនតោន មុននេះ បញ្ជូនទៅតំបន់ប៉ាឡេស្ទីនតាមសមុទ្រ ៕
ប្រែសម្រួល៖ស៊ុនលី
