ប៉េកាំង ៖ ការប្រើប្រាស់រយៈពេលយូរ និងគ្មានការរើសអើង លើការដាក់ទណ្ឌកម្មឯកតោភាគី ដោយសហរដ្ឋអាមេរិក បានបណ្តាលឱ្យមានផលវិបាក ផ្នែកមនុស្សធម៌យ៉ាងធ្ងន់ធ្ងរ នេះបើយោងតាមរបាយការណ៍ ស្តីពីការរំលោភសិទ្ធិមនុស្ស នៅសហរដ្ឋអាមេរិកក្នុងឆ្នាំ២០២៣ ដែលត្រូវបានចេញផ្សាយ កាលពីថ្ងៃពុធ ។
របាយការណ៍ដែលចេញ ដោយការិយាល័យព័ត៌មាន ក្រុមប្រឹក្សារដ្ឋរបស់ប្រទេសចិន បានឲ្យដឹងថា ចាប់តាំងពីឆ្នាំ១៩៥០ មក សហរដ្ឋអាមេរិក បានប្រើប្រាស់ទណ្ឌកម្មច្រើន ជាងប្រទេសដទៃទៀត នៅក្នុងពិភពលោក។
ប្រភពបានឲ្យដឹងថា សហរដ្ឋអាមេរិក បានដាក់ទណ្ឌកម្មប្រទេសជាង ២០ ដោយដកស្រង់ទិន្នន័យ ដែលចេញផ្សាយដោយក្រសួងរតនាគារ សហរដ្ឋអាមេរិកនៅថ្ងៃទី២៨ ខែធ្នូ ឆ្នាំ២០២៣ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ដោយកត់សម្គាល់ថា ៧០ភាគរយ នៃចំនួនប្រជាជនស៊ីរីប្រឈមនឹងការខ្វះខាតស្បៀង អាហារ ហើយថា “មនុស្ស ១២លាននាក់ មិនដឹងថាអាហារបន្ទាប់ របស់ពួកគេមកពីណា” ហើយ “មនុស្ស ២,៩ លាននាក់ប្រឈមនឹងហានិភ័យ នៃការធ្លាក់ចូលទៅក្នុងភាពអត់ឃ្លាន” របាយការណ៍បានឲ្យដឹងថា មាមទណ្ឌកម្មរបស់សហរដ្ឋអាមេរិក ភាពក្រីក្ររបស់ប្រជាជនស៊ីរីកាន់តែធ្ងន់ធ្ងរ។
ការដាក់ទណ្ឌកម្មរបស់សហរដ្ឋអាមេរិកប្រឆាំង នឹងអ៊ីរ៉ង់ ប៉ះពាល់ដល់ការនាំចូលថ្នាំគ្រប់គ្រងជាតិដែកសង្គ្រោះអាយុជីវិតសម្រាប់អ្នកជំងឺ thalassemia អ៊ីរ៉ង់ លោកស្រី Alena Douhan អ្នករាយការណ៍ ពិសេសរបស់អង្គការសហប្រជាជាតិ ស្តីពីផល ប៉ះពាល់អវិជ្ជមាន នៃវិធានការ បង្ខិតបង្ខំឯកតោភាគីលើការ ទទួលបានសិទ្ធិមនុស្សត្រូវបានដកស្រង់ដោយរបាយការណ៍ ដែលបានឲ្យដឹងថា “នេះមិនត្រឹមតែរំលោភសិទ្ធិ របស់ពួកគេចំពោះសុខភាពប៉ុណ្ណោះទេ ប៉ុន្តែថែមទាំងបណ្តាល ឱ្យមានផលវិបាក និងអត្រាមរណភាពកើនឡើងផងដែរ” ៕
ប្រែសម្រួល ឈូក បូរ៉ា
