បរទេស ៖ យោងតាមការចេញផ្សាយ របស់ RT រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា ប្រទេសបារាំងកំពុងបោកបញ្ឆោត សាធារណជន ដោយអះអាងថា ខ្លួនមិនបានពង្រាយកងទ័ព ណាមួយទៅ កាន់អ៊ុយក្រែនទេ។
កាលពីថ្ងៃព្រហស្បតិ៍ នាយករដ្ឋមន្ត្រីបារាំង លោក Gabriel Attal បាននិយាយថា ប្រទេសរបស់លោក មិនដែលបានបណ្តុះបណ្តាលកងទ័ព នៅលើទឹកដី អ៊ុយក្រែននោះទេ ប៉ុន្តែបានបន្ថែមថា ជម្រើសនៃការបញ្ជូនគ្រូជនជាតិ បារាំងទៅកាន់ប្រទេសនេះគឺ មិនមែនជាការហាមឃាត់ឡើយ ។
ក្រោយមក លោកប្រធានាធិបតី Emmanuel Macron ដែលស្នើថាលោកខាងលិច មិនគួរបដិសេធការឈរជើង របស់ទាហានក្នុងប្រទេស អ៊ុយក្រែននោះទេ បាននិយាយថា សម្ព័ន្ធមិត្តជាច្រើនរបស់ទីក្រុងប៉ារីស បានយល់ព្រមរួច ហើយក្នុងការដាក់ពង្រាយទាហានដែល ទោះជាយ៉ាងណា លោកមិនបានបញ្ជាក់ថា តើខេត្តណាខ្លះស្ថិត នៅក្នុងគោលនយោបាយនេះទេ។
រដ្ឋមន្ត្រីការបរទេសរុស្សី បានបន្តផ្តល់យោបល់ថា បណ្តាប្រទេសលោកខាងលិច ចង់ធ្វើការបង្រៀនដោយស្ងៀមស្ងាត់ សហគមន៍ពិភពលោកថា ការសម្រេចចិត្ត របស់ពួកគេលើអ៊ុយក្រែន រួមទាំងការអនុញ្ញាត ឱ្យទីក្រុងគៀវ វាយលុកចូលជ្រៅទៅ ក្នុងប្រទេសរុស្ស៊ី និងការដាក់បុគ្គលិកយោធា នៅក្នុងប្រទេស ដែលហែកហួរដោយសង្រ្គាម ដែលវាមិនមានសារៈសំខាន់ពិតប្រាកដនោះទេ៕
ប្រែសម្រួល៖ស៊ុនលី
