បរទេស៖ ទីភ្នាក់ងារសន្តិសុខ BfV របស់ប្រទេសអាល្លឺម៉ង់ បានព្រមានកាលពីថ្ងៃអង្គារថា ក្រុមជីហាដបង្កហានិភ័យសន្តិសុខ ក្នុងស្រុកយ៉ាងធ្ងន់ធ្ងរដល់ប្រទេសអាល្លឺម៉ង់ ដោយលើកឡើងពីការបាញ់ប្រហារ របស់អង្គការភេរវជនដ៏មានអំណាចមួយ ដែលធ្លាប់មានមូលដ្ឋាន នៅអាហ្វហ្កានីស្ថានរដ្ឋអ៊ីស្លាម (IS អតីតក្រុម ISIS)។
យោងតាមសារព័ត៌មាន RT ចេញផ្សាយនៅថ្ងៃទី១៩ ខែមិថុនា ឆ្នាំ២០២៤ បានឱ្យដឹងថា ក្រុម ISPK “បានគ្រប់គ្រងដើម្បីនាំអ្នកដើរតាម របស់ខ្លួនចូលទៅកាន់អឺរ៉ុបខាងលិច អាចជាមួយនឹងរលកនៃជនភៀសខ្លួនពីអ៊ុយក្រែន ដែលឥឡូវនេះកំពុងស្នាក់នៅទីនេះ ក្នុងបណ្តាប្រទេសអឺរ៉ុបខាងលិចផ្សេងៗ” ។ នេះបើតាមអគ្គនាយក BfV គឺលោក Thomas Haldenwang បានប្រាប់ប្រព័ន្ធផ្សព្វផ្សាយកាលពីថ្ងៃអង្គារ។
មន្ត្រីជាន់ខ្ពស់ និងជារដ្ឋមន្ត្រីក្រសួងមហាផ្ទៃ អាល្លឺម៉ង់ លោកស្រី Nancy Faeser បានបង្ហាញរបាយការណ៍ប្រចាំឆ្នាំ ស្តីពីសកម្មភាពរបស់ BfV រួមទាំងប្រតិបត្តិការខែកក្កដា ឆ្នាំ ២០២៣ ដែលពាក់ព័ន្ធនឹងការចាប់ខ្លួនជា បន្តបន្ទាប់នៅក្នុងប្រទេសអាល្លឺម៉ង់ និងហូឡង់។ មនុស្សសរុបចំនួនប្រាំបួននាក់មកពីអាស៊ីកណ្តាល ត្រូវបានចាប់ខ្លួននៅពេលនោះ ដោយចោទថាបានបង្កើត “ក្រុមភេរវករក្នុងស្រុក” និងរៀបចំការវាយប្រហារដ៏ធំនៅលើទឹកដីអឺរ៉ុប។ ពួកគេប្រាំពីរនាក់រស់នៅក្នុងប្រទេសអាល្លឺម៉ង់។
ក្រុមនេះត្រូវបានចោទប្រកាន់ថា មានទំនាក់ទំនងជាមួយ ISPK ដែលត្រូវបានគេស្គាល់ថាជា ISIS-K ហើយបានចូលទៅក្នុងសហភាពអឺរ៉ុបពីអ៊ុយក្រែន “ស្ទើរតែក្នុងពេលដំណាលគ្នា” នេះបើយោងតាមមន្ត្រីសន្តិសុខអាល្លឺម៉ង់។ ជនសង្ស័យត្រូវបានពិពណ៌នាថាជា “ក្រុមអាក្រក់” ក្នុងចំណោមជនជាតិអ៊ុយក្រែន នៅពេលដែលការចាប់ខ្លួនបានកើតឡើង ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
