តេអេរ៉ង់ ៖ ប្រធានាធិបតីជាប់ឆ្នោតរបស់អ៊ីរ៉ង់ លោក Masoud Pezeshkian បានអះអាងជាថ្មី នូវការគាំទ្ររបស់ទីក្រុង តេអេរ៉ង់ សម្រាប់ប្រទេសស៊ីរី ក្នុងអំឡុងពេលសន្ទនាតាមទូរស័ព្ទ ជាមួយប្រធានាធិបតីស៊ីរី លោក បាសា អាល់អាសាដ ។
ក្នុងអំឡុងពេលការអំពាវនាវនេះ ភាគីទាំងពីរបានពិភាក្សា អំពីការអភិវឌ្ឍន៍ នាពេលអនាគតនៃទំនាក់ទំនងទ្វេភាគី នេះបើយោងតាមទីភ្នាក់ងារ សារព័ត៌មាននិស្សិតអ៊ីរ៉ង់។
របាយការណ៍បានឲ្យដឹងថា លោក Pezeshkian បានគូសបញ្ជាក់ពីភាព ចាំបាច់ក្នុងការពង្រឹងទំនាក់ទំនងទ្វេភាគី និងអនុវត្តកិច្ចព្រមព្រៀង ដែលបានចុះហត្ថលេខាពីមុន រវាងប្រទេសទាំងពីរ ស្របតាមផលប្រយោជន៍ របស់ប្រជាជនរបស់ពួកគេ។
ចំណែកលោក អាសាដ បានឲ្យដឹងថា សារៈសំខាន់ នៃទំនាក់ទំនងស៊ីរី-អ៊ីរ៉ង់ ដោយផ្អែកលើ “ភាពស្មោះត្រង់ទៅវិញទៅមក និងគោលការណ៍ជាក់លាក់” គឺស្ថិតនៅក្នុងការតស៊ូប្រឆាំង នឹងអនុត្តរភាពអាណានិគម នៅក្នុងតំបន់ច្របូកច្របល់។
លោក Pezeshkian ត្រូវបានប្រកាសជាប្រធានាធិបតីបន្ទាប់របស់អ៊ីរ៉ង់ កាលពីថ្ងៃសៅរ៍ បន្ទាប់ពីជ័យជម្នះរបស់លោក នៅក្នុងការរត់ប្រណាំង ប្រឆាំងនឹងលោក Saeed Jalili ដែលជាអតីតប្រធាន អ្នកចរចានុយក្លេអ៊ែរ៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)