មូស្គូ៖ រដ្ឋមន្ត្រីការបរទេសរុស្ស៊ី លោក Sergei Lavrov បានឲ្យដឹងនៅក្នុងបទសម្ភាសន៍មួយថា ដំណោះស្រាយការទូត ចំពោះវិបត្តិអ៊ុយក្រែននៅតែជាអនាគតដ៏ឆ្ងាយ ខណៈដែលស្ថានភាពសមរភូមិបន្តកើនឡើង។
លោក Lavrov បានឲ្យដឹងនៅក្នុងបទសម្ភាសន៍មួយជាមួយកាសែតផ្លូវការរបស់រដ្ឋាភិបាលរុស្ស៊ីថា “វិនិច្ឆ័យដោយអ្វីដែលកំពុងកើតឡើងនៅលើសមរភូមិ យើងនៅឆ្ងាយពីដំណោះស្រាយនយោបាយ និងការទូតនៃវិបត្តិ។
លោកបានពណ៌នាអំពីការវាយប្រហារដោយមីស៊ីលនាពេលថ្មីៗនេះលើទឹកដីរុស្ស៊ីថាជា “សកម្មភាពកើនឡើង” ដោយបន្ថែមថា ការព្រមានរបស់ទីក្រុងម៉ូស្គូ អំពីការឆ្លើយតបសមាមាត្រទៅនឹងសកម្មភាពបែបនេះមិនត្រូវបានអើពើឡើយ។
លោកបានលើកឡើងថា “មិនមានការកើនឡើងនៃផ្នែកនៃសត្រូវនឹងបង្ខំឱ្យយើងដកថយពីការសម្រេចបាននូវគោលដៅនោះទេ។ ដូចដែលប្រធានាធិបតីរុស្ស៊ីលោក វ្ល៉ាឌីមៀ ពូទីន បានឲ្យដឹងថា យើងត្រៀមខ្លួន សម្រាប់ព្រឹត្តិការណ៍សង្គ្រាមណាមួយ ប៉ុន្តែតែងតែចូលចិត្តដោះស្រាយជម្លោះតាមរយៈមធ្យោបាយសន្តិវិធី”៕
ប្រែសម្រួល ឈូក បូរ៉ា
