បរទេស ៖ យោងតាមការចេញផ្សាយរបស់ RT ប្រធានាធិបតីរុស្ស៊ី លោក Vladimir Putin បាននិយាយថា យោធារុស្ស៊ីមានមីស៊ីលរយៈចម្ងាយឆ្ងាយ និងមានកម្លាំងខ្លាំង ជាង ឧបករណ៍ដែលលោកខាងលិច ផ្គត់ផ្គង់ដល់អ៊ុយក្រែនដល់ទៅរាប់សិបដង ។
លោកPutinបាននិយាយក្នុង អំឡុងពេលកិច្ចប្រជុំកំពូល របស់អង្គការសន្ធិសញ្ញាសន្តិសុខសមូហភាព ហៅកាត់ថា CSTOនៅរដ្ឋធានីកាហ្សាក់ស្ថានថា ប្រព័ន្ធមីស៊ីលរយៈចម្ងាយខ្លី Iskander របស់រុស្ស៊ីមានបន្ទុកប្រហាក់ប្រហែលនឹងការកែប្រែទាំងបីនៃប្រព័ន្ធ ATACMS ដែលផលិតដោយសហរដ្ឋអាមេរិក ប៉ុន្តែមានរយៈចម្ងាយឆ្ងាយជាងនេះ។
លោកបានបន្ថែមថា៖ប្រព័ន្ធថ្មីរបស់អាមេរិក PrSM (Precision Strike Missile) គឺមិនមានវិធីណាដែលអាចល្អជាងផលិតផលរបស់រុស្ស៊ីនោះទេទាក់ទងនឹងលក្ខណៈរបស់វា។
គួរឲ្យដឹងដែរថាកាលពីដើមខែនេះ សហរដ្ឋអាមេរិក ចក្រភពអង់គ្លេស និងបារាំងបានអនុញ្ញាតឱ្យអ៊ុយក្រែន ប្រើប្រាស់អាវុធរយៈចម្ងាយឆ្ងាយ ដែលពួកគេបានផ្គត់ផ្គង់មុននេះ ដើម្បីធ្វើការវាយប្រហារ លើទឹកដីរុស្ស៊ី ដែលទទួលស្គាល់ជាអន្តរជាតិ ។
ការវាយប្រហារបែបនេះ ជាច្រើនបានកើតឡើងរួចហើយដោយ កងកម្លាំងរបស់ទីក្រុងគៀវបច្ចុប្បន្ន ត្រូវបានបំពាក់ដោយ ATACMS របស់អាមេរិក ក៏ដូចជាកាំជ្រួច Storm Shadow របស់អង់គ្លេស និងកាំជ្រួច SCALP របស់បារាំងផងដែរ ៕
ប្រែសម្រួល៖ស៊ុនលី
