ភ្នំពេញ: ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាមេបញ្ជាការទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ នៅរាត្រីថ្ងៃសុក្រ ទី៣ ខែមករា ឆ្នាំ២០២០ បានដាក់ផែនការ និងចាត់បញ្ជូនកងកម្លាំងទីបញ្ជាការជួរមុខ ដែលដឹកនាំដោយ ឧត្តមនាវីត្រី ងួន ឧត្តម អនុប្រធាននាយកដ្ឋាននីតិកម្ម កម្លាំងបានចេញទៅចូលរួមរុករកសង្គ្រោះ ជនរងគ្រោះដែលរលំបាក់អគារ ៧ជាន់ នៅខេត្តកែប។
រហូតមកដល់ពេលនេះ កម្លាំងសមត្ថកិច្ចចម្រុះ បានជួយសង្គ្រោះជនរងគ្រោះ ក្នុងឧបទ្ទវហេតុបាក់រលំអគារ នៅក្រុងកែប ខេត្តកែបបានចំនួន១៩នាក់ ហើយក្នុងនោះស្លាប់ ៤នាក់ ៕
