ភ្នំពេញ៖ ក្រោយអាជ្ញាធរវៀតណាម មិនអនុញ្ញាឲ្យនាវាទេសចរណ៍ ៤គ្រឿងរបស់កម្ពុជា ចូលចតនោះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសារធារណការ និងដឹកជញ្ជូន ចេញអន្តរាគមន៍ជួយនាវាទេសចរណ៍ទាំង ៤គ្រឿងនោះភ្លាមផងដែរ ។
កាលពីថ្ងៃទី១៥ មីនាថា លោក ផាន សុបិន្ត បានសរសេរលើបណ្ដាញ សង្គមហ្វេសប៊ុកថា «សូមសម្តេចមេត្តាជួយផង! នាវាទេសចរណ៍ចំនួន4គ្រឿងរបស់យើងខ្ញុំ ដែលជានាវាចុះបញ្ជីនៅប្រទេសកម្ពុជាបានដឹកភ្ញៀវទេសចរណ៍ពីខេត្តសៀមរាបទៅប្រទេសវៀតណាម បាននឹងកំពុងជាប់គាំងកណ្តាលទន្លេក្នុងទឹកដីវៀតណាម.. ដោយសារអាជ្ញាធរវៀតណាមមិនអនុញ្ញាតឲ្យនាវារបស់យើងខ្ញុំដាក់ភ្ញៀវចុះនោះទេ។ នាវាយើងខ្ញុំកំពុងជួបប្រទះនូវការខ្វះខាតទឹកប្រើប្រាស់,ប្រេងនិងអាហារ ជាដើម..ខណៈដែលរាជរដ្ឋាភិបាលកម្ពុជាយើងក៏បានបិតព្រំដែនទឹកអន្តរជាតិក្អមសំណរទៀតនោះ នាវាយើងខ្ញុំមិនដឹងថាត្រូវទៅណាកើតក្រៅពីប្រទេសសាមីនោះទេ។ នាវាយើងខ្ញុំមាននាវិកសរុប90នាក់ និងភ្ញៀវចំរុះជាតិសាសន៍ប្រហែលជាង60នាក់។ សូមសម្តេចមេត្តាជួយសម្រួលអន្តរាគមន៍អាចអោយយើងខ្ញុំបានត្រឡប់ទៅចូលទឹកដីយើងវិញផង.. មានតែសម្តេចតេជោទើបអាចជួយសម្រួលទុក្ខលំបាករបស់ពួកខ្ញុំបាន.. ប្រទេសវៀតណាមថ្ងៃទី15ខែមីនាឆ្នាំ2020????» ។
ទន្ទឹមគ្នានោះដែរសម្ដេចតេជនាយករដ្ឋមន្ត្រី បានឆ្លើយតប ខាំមិនយ៉ាងខ្លីថា «ឯកឧត្ដម ស៊ុន ចាន់ថុល នឹងដោះស្រាយបញ្ហានេះ។ សុំបងប្អូនកុំបារម្ភ» ៕
