ព័ត៌មានជាតិ

អាវុធហត្ថរាជធានីភ្នំពេញ ត្រៀមសម្ពោធសមិទ្ធិផលថ្មី ក្រោយការសាងសង់ អស់ពេល៩ខែ! (វីដេអូ)

អាវុធហត្ថរាជធានីភ្នំពេញ ត្រៀមសម្ពោធសមិទ្ធិផលថ្មី ក្រោយការសាងសង់ អស់ពេល៩ខែ!

អាវុធហត្ថរាជធានីភ្នំពេញ ត្រៀមសម្ពោធសមិទ្ធិផលថ្មី ក្រោយការសាងសង់ អស់ពេល៩ខែ!

បាន​បង្ហោះ​ដោយ DAP News នៅ សៅរ៍ 3 តុលា 2020

ភ្នំពេញ៖ អាវុធហត្ថរាជធានីភ្នំពេញ ក្រោមការដឹកនាំរបស់ ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានអភិវឌ្ឍន៍ជាលំដាប់ ចាប់តាំងពីទីបញ្ជាការ រហូតទៅដល់ មូលដ្ឋានអាវុធហត្ថខណ្ឌ ជាបន្តបន្ទាប់ ដោយឈរលើគោលការណ៍អភិវឌ្ឍន៍ទាន់សម័យ តាមគំរូឯកភាពគ្នា ប្រកបដោយភាពប្រណិត គុណភាពខ្ពស់តាមស្តង់ដាបច្ចេកទេស និង ស្របតាមការរីកចម្រើនរបស់ប្រទេសជាតិ។

ជាក់ស្តែងបន្ទាប់ពី ទើបតែបានសម្ពោធដាក់ឲ្យដំណើរការប្រើប្រាស់នូវអាគាររដ្ឋបាលមូលដ្ឋាន អាវុធហត្ថខណ្ឌ៧មករា កាលពីពេលថ្មីៗ ក្នុងខែកក្កដាឆ្នាំ២០២០ អាវុធហត្ថរាជធានីភ្នំពេញ បានត្រៀមដាក់សម្ពោធឲ្យដំណើរការប្រើប្រាស់នូវសមិទ្ធិផលថ្មីមួយបន្ថែមទៀត ក្នុងពេលដ៏ខ្លីខាងមុខនេះ បន្ទាប់ពីបានសាងសង់រួចរាល់100% ដោយប្រើពេលអស់៩ខែ នោះគឺអាគាររដ្ឋបាលមូលដ្ឋានអាវុធហត្ថខណ្ឌដូនពេញ បានបង្ហាញរូបរាងយ៉ាងប្រណិត តាមគំរូឯកភាព ស្របតាមតម្រូវការប្រើប្រាស់ចាំបាច់ រំលេចនូវក្បូរក្បាច់រចនាបថបុរាណខ្មែរ គួរជាទីចាប់អារម្មណ៍។

សមិទ្ធិផលថ្មីនៃអាវុធហត្ថរាជធានីភ្នំពេញ ទាំងពីរខណ្ឌខាងលើ ក៏នឹងក្លាយជាគំរូ សម្រាប់ជួសជុលកែលម្អរ កសាងថ្មីបន្ត នូវមូលដ្ឋានអាវុធហត្ថខណ្ឌចំនួន១២ ផ្សេងទៀត ជាបន្តបន្ទាប់ផងដែរ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top