ព័ត៌មានជាតិ

រដ្ឋមន្រ្តីមហាផ្ទៃ ណែនាំឲ្យអភិបាលរាជធានី-ខេត្ត ពិនិត្យមើលផ្លូវណា លិចទឹកខ្លាំង ត្រូវបិទចរាចរណ៍ ដើម្បីការពារ អាយុជីវិត អ្នកដំណើរ

ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំឲ្យ អភិបាលរាជធានី-ខេត្ត ត្រូវពិនិត្យមើលផ្លូវណាលិចទឹកខ្លាំង ត្រូវបិទចរាចរណ៍ជាបណ្ដោះអាសន្ន ដើម្បីការពារអាយុជីវិត អ្នកដំណើរ ជាពិសេសត្រូវ ជួយសម្រួលចរាចរណ៍ប្រជាពលរដ្ឋ ផងដែរ។

តាមរយៈបណ្ដាញ ទំនាក់ទំនងសង្គមតេឡេក្រាម នៅថ្ងៃទី១១ ខែតុលា ឆ្នាំ២០២០ សម្ដេច ស ខេង មានប្រសាសន៍ថា «ជម្រាបមក ឯកឧត្តម អភិបាល រាជធានី-ខេត្ត ដោយសារស្ថានភាពទឹកជំនន់ហ្នឹងតាមព័ត៌មាន ខេត្តខ្លះធន់រហូតដល់ លិចផ្លូវ ជាកង់ៗ ឧទាហរណ៍ដូចជា ផ្លូវលេខ៥ ខាងពោធិ៍សាត់ ខាងបាត់ដំបង»។

សម្ដេច បន្ដថា «អីចឹងហើយនៅកន្លែងណាក៏ដោយសូម ឯកឧត្តម អភិបាលរាជធានី-ខេត្ត ពិនិត្យបើសិនណាជា លិចហើយ មើលផ្លូវមិនឃើញ អាចថា បីឬ បួនទឹកឡើង អាហ្នឹងសូមឲ្យបិទចរាចរណ៍កុំឲ្យធ្វើដំណើរ ព្រោះមានហានិភ័យ ពីរយ៉ាង ទីមួយជីវិតមនុស្ស និងទីពីរខូច ផ្លូវថែម»។

ជាងនេះទៅ សម្ដេចក្រឡាហោម ស ខេង ក៏បានផ្ដាំផ្ញើទៅដល់ អភិបាលរាជធានី-ខេត្ត រឿងធំជាងគេ ការពារជីវិតមនុស្ស ដូច្នេះ ត្រូវបិទចរាចរណ៍ ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top