ក្រចេះ៖ លោក អ៊ុន ចាន់ដា អភិបាលខេត្តកំពង់ចាម និងជាប្រធានកិត្តិយសសមាគមអតីតយុទ្ធជន រួមជាមួយលោក ឯម កុសលស្នងការនគរបាលខេត្ត និងជាប្រធាន
គណៈកម្មាធិការសមាគមអតីតយុទ្ធជនខេត្ត នៅថ្ងៃទី១ ខែកញ្ញា ឆ្នាំ២០២១ បានដឹកនាំក្រុមការងារចុះសួរសុខទុក្ខ និងនាំអំណោយសម្តេចតេ ជោនាយករដ្ឋមន្ត្រី ទៅផ្តល់ បងប្អូនអតីតយុទ្ធជន ៣៤គ្រួសារ ដែលបានស្ម័គ្រ ចិត្តមករស់នៅលើដីសម្បទានសង្គមកិច្ច ស្ថិតនៅក្នុងភូមិសំបួរសែនជ័យ ឃុំស្វាយជ្រះ ស្រុកស្នួល ខេត្តក្រចេះ ។
អំណោយដ៏ថ្លៃថ្លារបស់ សម្តេចតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា និងជាប្រធានសមាគម អតីតយុទ្ធជនកម្ពុជា និងសម្តេច កិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលបានចែកជូនបងប្អូនអតីតយុទ្ធជន,មេភូមិ និងប្រជាការពារ នាពេលនោះ រួមមាន ខាងអតីតយុទ្ធជន ៣៤គ្រួសារ ក្នុង ១គ្រួសារទទួលបាន ថវិកា ៣០ម៉ឺនរៀល, អង្ករ១បាវ ២៥គីឡូ, មី ១កេស, ទឹកសុទ្ធ ១កេស, ទឹកក្រូច ១កេស, ទឹកត្រី ១យូរ, ទឹកស៊ីអីវ ១យួរ, ម៉ាស់ ២ប្រអប់, ដែល ១ដប និងថ្នាំពេទ្យមួយចំនួន។ចំណែកមេភូមិ ទទួលបានថវិកា ៥០ម៉ឺនរៀល អង្ករ ១បេ២៥គីឡូ ,មី ១កេស,ទឹកសុទ្ធ ១កេស,ទឹកក្រូច ១កេស, ទឹកត្រី ១យួរ, ទីកស៊ីអីវ ១យួរ, ម៉ាស់២ប្រអប់, ដែល ១ដប,សម្លៀក បំពាក់ ១ឈុត និង ថ្នាំពេទ្យមួយចំនួន ។ រីឯ ប្រជាការពារភូមិ ១២នាក់ ក្នុងម្នាក់ៗទទួលបានថវិកា ៥ម៉ឺនរៀលផងដែរ ។
ស្ថិតក្នុងឱកាសនោះដែរ ដោយមានសំណូមពរពី បងប្អូនអតីតយុទ្ធជន លោកអភិបាលខេត្ត ក៏បានសម្រេចផ្តល់ជូន ការសាងសង់ បង្គន់អនាម័យ ចំនួន ២០បន្ទប់បន្ថែម ដែលគ្រោងចំណាយថវិកាសរុប ប្រមាណជាង ២៦លានរៀល ៕
