នយោបាយ

លោកបណ្ឌិត សេង សារី បង្ហោះសារ ក្រោយសម្តេចតេជោ ឲ្យតុលាការបញ្ឈប់ដីការ ចាប់ខ្លួន (Video)

ភ្នំពេញ ៖ លោកបណ្ឌិត សេង សារី អ្នកស្រាវជ្រាវប្រវត្តិសាស្រ្ត បានបង្ហោះសារ ក្នុងហ្វេសប៊ុក ក្នុងន័យបង្ហាញពីខ្លួន និងក្រុមគ្រួសារ មានសេរីភាពវិញ។

ការបង្ហោះសាររបស់លោក សេង សារីនេះ ក្រោយប្រមាណជា ២ម៉ោង បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីកម្ពុជាបានឲ្យតុលាការ ពិចារណាបញ្ឈប់ចេញ ដីការចាប់ខ្លួនលោក។

លោកបណ្ឌិត សេង សារី បង្ហោះក្នុងហ្វេសប៊ុកនាថ្ងៃ២០ កញ្ញា ថា “ម៉ែអាចទៅវត្តនៅថ្ងៃកាន់បិណ្ឌ ខាងមុននេះបានហើយ ម៉ែមិនបាច់បារម្ភពីអ្នកណា ថាឲ្យម៉ែមានកូន ជាជនក្បត់ជាតិទេ ។ ប្រពន្ធសម្លាញ់ អូនអាចបើកទ្វារបង ឲ្យកូនរត់លេងវិញបានហើយ”។

សម្តេចតេជោ បានស្នើឲ្យស្ថាប័នតុលាការ ពិចារណាបញ្ឈប់ដីការ ចាប់ខ្លួន លោកបណ្ឌិតសេង សារី បន្ទាប់ពីសម្តេចបានស្តាប់ហេតុផល លោកបណ្ឌិត ក្នុងកិច្ចសម្ភាសន៍ ជាមួយសារព័ត៌មានខេមបូឌាដេលី ដែលលោកបានបកស្រាយ ពីគោលបំណង នៃការវិភាគអំពីសេនារីយោ៦ចំណុច កាលពីថ្ងៃទី២១ ខែកក្កដា ឆ្នាំ២០២១ អំពីគម្រោងបង្កើតរដ្ឋាភិបាល បង្រួបបង្រួមជាតិ របស់លោក សម រង្ស៊ី ។ សម្តេចថា នេះ «ជាការវិភាគបែបសេនារីយោ» ហើយដែលការបកស្រាយនេះ មានលក្ខណៈសមហេតុផលនិង អាចទទួលយកបាន ៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top