ភ្នំពេញ៖ សម្តេចហេង សំរិន ប្រធានរដ្ឋសភា មានជំនឿថា សភាប្រជាជនទូទាំងប្រទេស រដ្ឋាភិបាល និងប្រជាជនចិន នឹងសម្រេចបាននូវគោលដៅ១០០ឆ្នាំ ទី២ របស់បក្សកុម្មុនិស្តចិន ក្នុងការកសាងប្រទេសសង្គមនិយមដ៏ទំនើប រុងរឿង ខ្លាំងក្លា ប្រជាធិបតេយ្យ វប្បធម៌ជឿនលឿន និងសុខុដុមរមនា នៅក្នុងឆ្នាំ២០៤៩។
![](https://dap-news.com/wp-content/uploads/2021/10/244223147_1993322984174500_2985590833484670154_n.jpg)
ការសម្ដែងនូវជំនឿជឿជាក់បែបនេះ ធ្វើឡើងក្នុងឱកាសសម្តេចប្រធានរដ្ឋសភា ផ្ញើលិខិតជូនលោក លី ចាន់ស៊ូ ប្រធានសភាប្រជាជនទូទាំងប្រទេស នៃសាធារណរដ្ឋប្រជាមានិតចិន ដើម្បីអបអរសាទរការប្រារព្ធខួបលើកទី៧២ នៃការបង្កើតសាធារណរដ្ឋ ប្រជាមានិតចិន។
ក្នុងឱកាសនេះ សម្តេចក៏បានកោតសរសើរ ចំពោះការដឹកនាំដ៏ឈ្លាសវៃ របស់បក្សកុម្មុនិស្តចិន ដែលមានការប្តេជ្ញាចិត្តយ៉ាងមុតមាំ និងបានជម្នះឧបសគ្គជាច្រើន ក្នុងការដឹកនាំប្រទេស សម្រេចបាននូវការឯកភាព ភាពសុខុដុមរមនា និងវិបុលភាព រហូតបានក្លាយទៅជា ប្រទេសមហាអំណាចសេដ្ឋកិច្ចទី១ នៅក្នុងតំបន់ និងលេខ២នៅលើពិភពលោក ៕
![](https://dap-news.com/wp-content/uploads/2021/10/243979061_1993323017507830_705407011042459938_n-724x1024.jpg)
![](https://dap-news.com/wp-content/uploads/2021/10/244182721_1993323034174495_4555467571584327629_n-724x1024.jpg)
![](https://dap-news.com/wp-content/uploads/2021/10/242529749_1993322897507842_8652844588562370026_n.jpg)
![](https://dap-news.com/wp-content/uploads/2021/10/243903479_1993323090841156_1574065181296190551_n-725x1024.jpg)
![](https://dap-news.com/wp-content/uploads/2020/08/1-1.png)