ព័ត៌មានជាតិ

អាវុធហត្ថរាជធានីភ្នំពេញ ថ្លែងអំណរគុណ លោកវរសេនីយ៍ឯន ថន ដារ៉ា នាំយក ម៉ាស ចំនួន ៦០០០ និងស្រោមដៃចំនួន ៦០០០ ជូនអាវុធហត្ថខណ្ឌព្រែកព្នៅ

នារសៀល ថ្ងៃទី១៣ ខែវិច្ឆិកា ឆ្នាំ២០២១ នៅមូលដ្ឋានអាវុធហត្ថខណ្ឌព្រែកព្នៅ លោកវរសេនីយ៍ឯក ភួង សុភី មេបញ្ជាការ អាវុធហត្ថខណ្ឌព្រែកព្នៅ បានទទួល ម៉ាស ចំនួន ៦០០០ និងស្រោមដៃចំនួន ៦០០០ ពី លោកវរសេនីយ៍ឯន ថន ដារ៉ា អតីតនាយអនុព័ន្ធយោធា និងជាទីប្រឹក្សាយោធាអមស្ថានទូតកម្ពុជាប្រចាំសាធារណរដ្ឋកូរ៉េ និងបច្ចុប្បន្ន ជាមេបញ្ជាការរង បញ្ជាការដ្ឋានជាតិកម្លាំងពិសេសប្រឆាំងភេរវកម្ម ប្រគល់ជូនអាវុធហត្ថខណ្ឌព្រែកព្នៅ សម្រាប់ប្រើប្រាស់ជាប្រយោជន៍ ក្នុងយុទ្ធនាការ បង្ការ ទប់ស្កាត់ ការរីករាលដាលជំងឺកូវីដ-១៩។

ផ្ទាំងពាណិជ្ជកម្ម

ក្នុងឱកាសនោះ លោកវរសេនីយ៍ឯក ភួង សុភី បានសម្តែងនូវការថ្លែងអំណរគុណយ៉ាងជ្រាលជ្រៅ ចំពោះ លោក វរសេនីយ៍ឯក ថន ដារ៉ា ដែលបានឧបត្ថម្ភ ម៉ាស ស្រោមដៃ ដល់អាវុធហត្ថខណ្ឌព្រែកព្នៅ នាពេលនេះ គឺពិតជាមានសារៈសំខាន់បំផុត សម្រាប់ប្រើប្រាស់ជាក់ស្តែងក្នុងអង្គភាព៕

To Top
×