ភ្នំពេញ៖ លោក សយ សុភាព ប្រធានសមាគមអ្នកសារព័ត៌មាន កម្ពុជា ចិន (សសកច_CCJA) នាព្រឹកថ្ងៃសុក្រ ទី១២ ខែឧសភា ឆ្នាំ២០២៣ បានទទួលជួបពិភាក្សា ជាមួយលោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិន នៃរាជបណ្ឌិត្យសភាកម្ពុជា ដើម្បីធ្វើកិច្ចសហប្រតិបត្តិការ រវាងស្ថាប័នទាំងពីរ ប្រយោជន៍លើកកម្ពស់ការផ្សព្វផ្សាយ ទំនាក់ទំនងកម្ពុជា ចិន ឱ្យកាន់ទូលំទូលាយ ជូនដល់សាធារណជន។
លោក សយ សុភាព ប្រធានសសកច បានថ្លែងអំណរគុណដល់លោកបណ្ឌិត គី សេរីវឌ្ឍន៍ ដែលបំណងធ្វើ សហប្រតិបត្តិការជាមួយសសសក ដើម្បីបញ្ជ្រាបការយល់ដឹងដល់សាធារណជន ឱ្យកាន់តែប្រសើរថែមទៀត។
លោកបណ្ឌិត គី សេរីវឌ្ឍន៍ បានសម្តែងនូវការកោតសរសើរ ចំពោះសសកច ក្នុងរយៈពេលកន្លងមក ដែលបានខិតខំបំពេញបេសកកម្មរបស់ខ្លួន ក្នុងការផ្សព្វផ្សាយព័ត៌មានជូនសាធារណជន អំពីទំនាក់ទំនងដ៏ស្អិតរមូតរវាងប្រទេសទាំងពីរ។
លោកជឿជាក់ថា តាមរយៈកិច្ចសហប្រតិបត្តិការនេះ នឹងធ្វើឱ្យការផ្សព្វផ្សាយ កាន់ល្អថែមមួយកម្រិតទៀត។
លោកបណ្ឌិត គី សេរីវឌ្ឍន៍ ឯកទេសខាងសេដ្ឋកិច្ច គឺជាវាគ្មិនដ៏ឆ្នើមម្នាក់ ក្នុងចំណោមវាគ្មិនដ៏ឆ្នើមឯទៀត ដែលតែងចូលរួម ជាមួយសសកច ក្នុងការវិភាគស៊ីជម្រៅ ពីទំនាក់ទំនងកម្ពុជាចិន៕
