ប្រតិភូ ធនាគារអភិវឌ្ឍន៍ជនបទ និងកសិកម្មកម្ពុជា ចូលរួមកិច្ចប្រជុំក្រុមប្រឹក្សាភិបាល លើកទី៣៨ របស់មូលនិធិ អាកាសធាតុបៃតង នៅរដ្ឋរវ៉ាន់ដា

ភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី លោកបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារ ARDB មន្ត្រីធនាគារបានចូលរួម ក្នុងកិច្ចប្រជុំក្រុមប្រឹក្សាភិបាល លើកទី៣៨ របស់មូលនិធិអាកាសធាតុបៃតង (GCF) តាមការអញ្ជើញរបស់ GCF ដែលកិច្ចប្រជុំនេះប្រព្រឹត្តទៅពីថ្ងៃទី៤ ដល់ថ្ងៃទី៧ ខែមីនា ឆ្នាំ២០២៤ នៅមជ្ឈមណ្ឌលសន្និបាតគីកាលី (Kigali Convention Centre) នៃសាធារណរដ្ឋរវ៉ាន់ដា (Republic of Rwanda) ។

គោលបំណងចម្បង នៃការចូលរួមសន្និបាតនេះ គឺពាក់ព័ន្ធនឹងសំណើមូលនិធិចំនួន ១០០លានដុល្លារអាមេរិក សម្រាប់ការអនុវត្តកម្មវិធីថ្នាក់ជាតិ ដែលកំណត់ឈ្មោះថា “គ្រឹះស្ថានហិរញ្ញប្បទាន អាកាសធាតុកម្ពុជា (Cambodian Climate Financing Facility, CCFF)” សំដៅទ្រទ្រង់ដំណើរឆ្ពោះទៅកាន់ សេដ្ឋកិច្ចបៃតង របស់កម្ពុជា ៕