DAP News

ព័ត៌មានជាតិ

កិច្ចសហការរវាង ប.ស.ស. និងអង្គភាព សោធនជាតិកូរ៉េ ជាជំហ៊ានថ្មី ក្នុងការជំរុញចល័តភាព របបសន្តិសុខសង្គម រវាងប្រទេសទាំងពីរ

ភ្នំពេញ៖ បន្ទាប់ពីកិច្ចប្រជុំ បូកសរុបលទ្ធផលការងារ សម្រេចបានរបស់ ប.ស.ស. កាលពីព្រឹកមិញនេះ នៅរសៀលថ្ងៃដដែលនេះបេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈកម្ពុជា បានចុះហត្ថលេខា លើអនុស្សរណៈនៃការយោគយល់គ្នា ស្តីពី កិច្ចសហប្រតិបត្តិការគ្នាទៅវិញទៅមក ជាមួយអង្គភាពសោធនជាតិកូរ៉េ (NPS)។ ថ្លែងក្នុងពិធីចុះហត្ថលេខា លើអនុស្សរណៈនៃការយោគយល់គ្នាខាងលើ លោកបណ្ឌិត អ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាល នៃ ប.ស.ស. បានលើកឡើងថា៖ ការចុះហត្ថលេខាលើអនុស្សរណៈ នៃការយោគយល់គ្នាររវាង ប.ស.ស. កម្ពុជា ជាមួយអង្គភាពសោធនជាតិកូរ៉េ (NPS) នាពេលនេះ គឺជាការបើកទំព័រថ្មី នៃកិច្ចសហប្រតិបត្តិការរវាងស្ថាប័នទាំងពីរ ដើម្បីផ្តល់កិច្ចសហប្រតិបត្តិការ ទៅលើការអភិវឌ្ឍគោលនយោបាយ ការពង្រឹង និងការពង្រីកដែនវិសាលភាពរបបសន្តិសុខសង្គម ផ្នែកប្រាក់សោធន ក្នុងគោលដៅផ្តល់អត្ថប្រយោជន៍ ឱ្យគ្នាទៅវិញទៅមក និងអភិវឌ្ឍគ្រឹះនៃការទំនាក់ទំនងដ៏រឹងមាំ នាពេលអនាគតរវាងភាគីទាំងពីរ។ លោកបណ្ឌិតរដ្ឋមន្រ្តី បានថ្លែងបញ្ជាក់ទៀតថា៖ បច្ចុប្បន្ន រាជរដ្ឋាភិបាលកម្ពុជា ក៏បាននិងកំពុងយកចិត្តទុកដាក់ ទៅលើបងប្អូនពលករទេសន្តរប្រវេសក៍ ដែលធ្វើការចាកចេញពីប្រទេសកំណើតរបស់ខ្លួន ដើម្បីបំពេញការងារ ហើយនៅពេលត្រឡប់ មកប្រទេសកំណើតវិញ មិនទទួលបានការការពារពីប្រព័ន្ធសន្តិសុខសង្គម ដែលនេះគឺជាបញ្ហាប្រឈមមួយទាំងក្នុងកម្រិតថ្នាក់តំបន់ និងអន្តរជាតិ ។ ដូច្នេះ ក្នុងនាមកម្ពុជា ជាប្រធានអាស៊ាន ឆ្នាំ២០២២ កន្លងទៅក្រសួងការងារ និងបណ្តុះបណ្តាលវិជ្ជាជីវៈ ក៏បានផ្តួចផ្តើមគំនិតរៀបចំ នូវ សេចក្តីថ្លែងការណ៍អាស៊ានស្តីពី ចល័តភាពរបបសន្តិសុខសង្គម សម្រាប់ពលករទេសន្តរប្រវេសក៍ ក្នុងតំបន់អាស៊ានហើយត្រូវបានអនុម័ត នៅក្នុងកិច្ចប្រជុំកំពូលអាស៊ានលើកទី៤០ និង៤១ កាលពីខែវិច្ឆិកា ឆ្នាំ២០២២កន្លងទៅ។ លោកបណ្ឌិតរដ្ឋមន្រ្តី បានថ្លែងបញ្ជាក់ទៀតថា ការរៀបចំឱ្យមានចល័តភាព របបសន្តិសុខសង្គមនេះ គឺជាសមិទ្ធផលដ៏សំខាន់មួយទៀតរបស់កម្ពុជា ដែលបានបោះជំហានដ៏ធំឆ្ពោះទៅកាន់ការធ្វើចល័តភាព នៃអត្ថប្រយោជន៍របបសន្តិសុខសង្គម សម្រាប់ពលករទេសន្តរប្រវេសក៍អាស៊ាន ស្របតាមស្មារតី នៃសេចក្តីថ្លែងការណ៍ និងឯកច្ឆន្ទភាពអាស៊ានស្តីពីការការពារ និងការលើកកម្ពស់សិទ្ធិពលករទេសន្តរប្រវេសក៍ នៅក្នុងអាស៊ាន និងជាពិសេស លិខិតូបករណ៍ថ្នាក់តំបន់មួយនេះ នឹងក្លាយជាក្របខណ្ឌសិក្សាសមិទ្ធិលទ្ធភាព រវាងព្រះរាជាណាចក្រកម្ពុជា និងសាធារណរដ្ឋកូរ៉េ នឹងអាចធ្វើការជាមួយគ្នាកាន់តែមានភាពជិតស្និត ឆ្ពោះទៅរកការបង្កើតឱ្យមាននូវចល័តភាព របបសន្តិសុខសង្គម រវាងប្រទេសទាំងពីរ ពិសេស គឺសម្រេចឱ្យបាននូវចល័តភាពរបបសន្តិសុខសង្គម ផ្នែកប្រាក់សោធននាពេលខាងមុខ។ លោក អ៊ុក សមវិទ្យា ប្រតិភូរាជរដ្ឋាភិបាល ទទួលបន្ទុកជាអគ្គនាយក ប.ស.ស. ក្នុងឱកាសជាមួយគ្នានេះដែរ បានថ្លែងថា៖ កន្លងមកប.ស.ស. កម្ពុជា មានកិច្ចសហការយ៉ាងជិតស្និតជាមួយស្ថាប័នសន្តិសុខសង្គម នៃសាធារណរដ្ឋកូរ៉េ រួមមាន កិច្ចសហការ ជាមួយអង្គភាពសុខុមាលភាព និងសំណងគ្រោះថ្នាក់ការងារ កិច្ចសហការជាមួយអង្គភាពធានារ៉ាប់រងសុខភាពជាតិ ជាពិសេសកិច្ចសហការជាមួយអង្គភាពសោធនជាតិ ដែលបានទទួលនូវការចែករំលែកបទពិសោធន៍ ចំណេះដឹង និងឧត្តមានុវត្តន៍ ពាក់ព័ន្ធទៅនឹងការអនុវត្តរបបសន្តិសុខសង្គម នៃសាធារណរដ្ឋកូរ៉េ ហើយការសម្រេចចុះហត្ថលេខា លើអនុស្សារណៈនៃការយោគយល់គ្នានាពេលនេះនឹងអាចផ្ដល់នូវកិច្ចសហប្រតិបត្តិការ រវាងគ្នាទៅវិញទៅមក ឱ្យយកាន់តែជិតស្និតបន្ថែមទៀត ។ លោកប្រតិភូរាជរដ្ឋាភិបាល បានបញ្ជាក់ឱ្យដឹងទៀតថា៖ ផ្អែកតាមផែនការយុទ្ធសាស្ត្រ អភិវឌ្ឍន៍វិស័យការងារឆ្នាំ២០១៩-២០២៣ក្រសួងការងារ និងបណ្តុះបណ្តាលវិជ្ជាជីវៈ ដែលមានបេឡាជាតិសន្តិសុខសង្គម ជាប្រតិបត្តិករ បាននិងកំពុងបន្តផ្តោតការយកចិត្តទុកដាក់ ទៅលើវិស័យសន្តិសុខសង្គម ដោយបន្តពង្រឹង ពង្រីក និងជំរុញការអភិវឌ្ឍរបបសន្តិសុខសង្គម ដល់បងប្អូនកម្មករនិយោជិតនិងមន្ត្រីសាធារណៈ អតីតមន្រ្តីរាជការ និងអតីតយុទ្ធជន ឱ្យមានសង្គតិភាព និងប្រកបដោយបរិយាបន្ន។ លោក KIM CHI-MUG អគ្គនាយក និងជាប្រធានមជ្ឈមណ្ឌលកិច្ចការអន្តរជាតិ នៃអង្គភាពសោធនជាតិកូរ៉េ (NPS) តំណាងលោក KIM TAE-HYUN ប្រធានអគ្គនាយក និងនាយកប្រតិបត្តិ របស់អង្គភាពសោធនជាតិ (NPS) បានសម្តែងនូវការអរគុណយ៉ាងខ្លាំង ចំពោះកម្ពុជា ដែលបានផ្តល់កិច្ចសហការយ៉ាងល្អ ក្នុងការអនុវត្តការងារជាមួយគ្នាកន្លងមក។ លោក KIM CHI-MUG បានបន្តទៀតថា៖ កម្ពុជា គឺជាប្រទេសទី១ ដែលអង្គភាពសោធនជាតិកូរ៉េ (NPS) បានបង្កើនកិច្ចសហប្រតិបត្តការយ៉ាងស្អិតរមូត រហូតឈានដល់ការចុះហត្ថលេខា លើអនុស្សរណៈ នៃការយោគយល់គ្នានាពេលនេះ៕

ព័ត៌មានជាតិ

ប.ស.ស. ចូលរួមអនុវត្តប្រកបដោយជោគជ័យ នូវកញ្ចប់វិធានការ ១០ជុំ ក្នុងការដោះស្រាយ ផលប៉ះពាល់ពីជំងឺកូវីដ-១៩

ភ្នំពេញ៖ ក្នុងឱកាសអញ្ជើញជាអធិបតីភាព ក្នុងអង្គសន្និបាតបូកសរុបលទ្ធផលការងារ សម្រេចបានប្រចាំឆ្នាំ២០២២ និងទិសដៅអនុវត្តបន្ត របស់បេឡាជាតិសន្តិសុខសង្គម (ប.ស.ស.) នាព្រឹកនេះ លោកបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាលនៃ ប.ស.ស. បានថ្លែងនូវការកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់ថ្នាក់ដឹកនាំគ្រប់លំដាប់ថ្នាក់ មន្រ្ដីរាជការ និងបុគ្គលិកនៃបេឡាជាតិសន្ដិសុខសង្គម ។ ក្នុងនោះ លោកបណ្ឌិតជាពិសេសសមាជិកក្រុមប្រឹក្សាភិបាល នៃ ប.ស.ស. ដែលបានរួមចំណែក គ្រប់សកម្មភាព ដើម្បីឱ្យអង្គភាពមួយនេះ ទទួលបាននូវលទ្ធផលគួរជាទីមោទកៈរហូតមកដល់ពេលនេះ ពិសេសការបម្រើសេវាសង្គមជូនដល់សមាជិករបស់ខ្លួនប្រកបដោយភាពទន់ភ្លន់ ជាមួយនឹងក្រមសីលធម៌មនសិការវិជ្ជាជីវៈ និងស្មារតីទទួលខុសត្រូវខ្ពស់ រហូតសម្រេចបានលទ្ធផលល្អប្រសើរ ពិសេស គឺការចូលរួមអនុវត្តប្រកបដោយជោគជ័យ នូវ កញ្ចប់វិធានការចំនួន ១០ជុំ ក្នុងការដោះស្រាយផលប៉ះពាល់ពីជំងឺកូវីដ-១៩ ដោយអនុញ្ញាតឱ្យរោងចក្រ សហគ្រាស មិនបង់ភាគទានធានារ៉ាប់រង ផ្នែកហានិភ័យការងារ និងផ្នែកថែទាំសុខភាព មក ប.ស.ស. ក្នុងអំឡុងពេលព្យួរអាជីកម្ម ហើយកម្មករនិយោជិត នៅតែទទួលបាននូវការធានា រ៉ាប់រងផ្នែកហានិភ័យការងារ និងផ្នែកថែទាំសុខភាពដដែល និងការបើកផ្ដល់ប្រាក់ឧបត្ថម្ភជូនកម្មករ និយោជិតដែលរងផលប៉ះពាល់ ដោយសារជំងឺកូវីដ-១៩ តាមស្មារតីជុំទី៣ នៃកញ្ចប់វិធានការរដ្ឋបាល ព្រមទាំងការផ្តល់ប័ណ្ណមូលនិធិសមធម៌សុខាភិបាល ជូនដល់បងប្អូនកម្មករនិយោជិតក្រៅប្រព័ន្ធ ដើម្បីអាចទៅទទួលបានការថែទាំសុខភាព នៅតាមមូលដ្ឋានសុខាភិបាលរដ្ឋ។ ជាមួយគ្នានឹងការថ្លែងឡើងខាងលើនេះផងដែរ លោកបណ្ឌិតរដ្ឋមន្រ្តី បានថ្លែងអំណរគុណ យ៉ាងជ្រាលជ្រៅចំពោះថ្នាក់ដឹកនាំ មន្រ្តីបុគ្គលិកទាំងអស់នៃ ប.ស.ស. ដែលបានសហការ ខិតខំបំពេញការងារជាមួយក្រសួង ស្ថាប័ន អង្គភាពពាក់ព័ន្ធនានា រួមទាំងអង្គការជាតិ និងអន្តរជាតិ និងដៃគូអភិវឌ្ឍទាំងអស់រហូតទទួលបានសមិទ្ធផលយ៉ាងគាប់ប្រសើរនាពេលនេះ ដែលបានរួមចំណែកគ្រប់សកម្មភាព ក្នុងការពង្រឹង និងអភិវឌ្ឍន៍យ៉ាងសកម្មលើវិស័យសន្តិសុខសង្គមកម្ពុជា និងជាផ្នែកដ៏ធំក្នុងការលើកកម្ពស់ជីវភាពប្រជាជនកម្ពុជាឲ្យកាន់តែល្អប្រសើរឡើង ឆ្លើយតបទៅនឹងគោលនយាបាយជាតិគាំពារសង្គម ដែលបានដាក់ចេញដោយរាជរដ្ឋាភិបាលក្រោមការដឹកនាំប្រកបដោយគតិបណ្ឌិត និងឈ្លាសវៃបំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។ លោកបណ្ឌិតរដ្ឋមន្រ្តីបានបន្តទៀតថា៖ បន្ថែមលើសមិទ្ធផលធំៗជាច្រើនពាក់ព័ន្ធទៅនឹងការអនុវត្តរបបសន្តិសុខសង្គមដ៏ជោគជ័យរបស់ ប.ស.ស. កន្លងមក ថ្មីៗនេះ ប.ស.ស. សម្រេចបាននូវការសាងសង់អគារថ្មីរបស់ខ្លួន ដែលនេះគឺជាសមិទ្ធផលដ៏ធំមួយ ក្នុងការជួយឱ្យ ប.ស.ស. កាន់តែអាចពង្រីក និងវិវត្តន៍ខ្លួនទៅមុខកាន់តែលឿន ក្នុងការបម្រើសេវាជូនសមាជិករបស់ខ្លួន កាន់តែមានប្រសិទ្ធភាពខ្ពស់ និងបានទាន់ពេលវេលាផងដែរ។ លោកបណ្ឌិតរដ្ឋមន្រ្តីបានបន្តថា សមិទ្ធផលទាំងអស់នេះ បា នឆ្លុះបញ្ចាំងឱ្យឃើញកាន់តែច្បាស់ អំពីការរីកចម្រើននៃការអនុវត្តរបបសន្តិសុខសង្គមនៅកម្ពុជា ឈានទៅរកប្រព័ន្ធមួយដែលមានលក្ខណៈជាសកល នាពេលខាងមុខ និងបានឆ្លើយតបទៅនឹងគោលនយោបាយជាតិ គាំពារសង្គម ដែលបានដាក់ចេញដោយរាជរដ្ឋាភិបាល ក្រោមការដឹកនាំប្រកបដោយគតិបណ្ឌិត និងឈ្លាសវៃបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ លោកបណ្ឌិតរដ្ឋមន្រ្តីបានបញ្ជាក់ឱ្យដឹងទៀតថា តាមរយៈការអនុវត្តការងាររបស់ខ្លួន ប្រកបដោយភាពជោគជ័យ ក្នុងរយៈ ពេលជាង១០ឆ្នាំកន្លងមកនេះ ប.ស.ស. កម្ពុជា ក៏បានទទួលនូវពានរង្វាន់ឆ្នើម ជាច្រើនផងដែរ ពីសមាគមសន្ដិសុខសង្គមអាស៊ាន ដែលក្នុងនោះប.ស.ស. កម្ពុជាក៏បានធ្វើជាម្ចាស់ផ្ទះ ក្នុងការរៀបចំសិក្ខាសាលាថ្នាក់អាស៊ាន ស្តីពី “ការចែករំលែកឧត្តមានុវត្តន៍ ក្នុងការអនុវត្តរបបសន្តិសុខសង្គម ផ្នែកថែទាំសុខភាព និងផ្នែកប្រាក់សោធន សម្រាប់បុគ្គលស្វ័យនិយោជន៍ ដល់បណ្ដាប្រទេសជាសមាជិកអាស៊ានសម្រេចបានជោគជ័យ ជាមួយនឹងការទទួលបានការកោតសរសើរ និងវាយតម្លៃខ្ពស់ ពីបណ្តាថ្នាក់ដឹកនាំ នៃប្រទេសជាសមាជិកអាស៊ានផងដែរ។ ក្នុងឱកាសសន្និបាតនាព្រឹកនេះផងដែរ លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. បានបញ្ជាក់ឱ្យដឹងថា៖ បច្ចុប្បន្ន បេឡាជាតិសន្តិសុខសង្គម បាននឹងកំពុងដំណើរការរបបសន្តិសុខសង្គមចំនួន ៣ គឺផ្នែកហានិភ័យការងារ ផ្នែកថែទាំសុខភាព និងផ្នែកប្រាក់សោធន ទាំងវិស័យឯកជន និងវិស័យសាធារណៈ។ ក្នុងនោះសម្រាប់វិស័យឯកជនផ្នែកហាននិភ័យការងារបានចុះបញ្ជីសរុបចំនួន ២០ ៤៤៨សហគ្រាស ដែលមានសមាជិកសរុបចំនួន ២ ៥៨៤ ៧០៦នាក់ ផ្នែកថែទាំសុខភាពចំនួន ១៧៨២១សហគ្រាសមានសមាជិកចំនួន ២ ៥៨៤ ៧០៦នាក់ និងផ្នែកប្រាក់សោធនចំនួន១៤ ៣៥២សហគ្រាស មានសមាជិក២ ៥៨៤៧០៦នាក់។ ដោយឡែកសម្រាប់វិស័យសាធារណៈ គិតរហូតមកដល់ពេលនេះ បានចុះបញ្ជីផ្នែកហានិភ័យការងារ ចំនួន ៣៥ស្ថាប័ន មានសមាជិកសរុប ២៥៧ ៦៤៤នាក់ និងផ្នែកថែទាំសុខភាពចំនួន ៣៩ស្ថាប័ន មានសមាជិកសរុប ៤៣៩ ២៤៣នាក់។ លោកប្រតិភូ បានថ្លែងបន្ថែមទៀតថា៖ ក្នុងឆ្នាំ២០២២ កន្លងទៅនេះ ប.ស.ស. បានអនុវត្តបើកផ្តល់ប្រាក់ឧបត្ថម្ភបន្ថែមរបស់រាជរដ្ឋាភិបាល សម្រាប់កម្មករនិយោជិតជាស្រី្ដនៅពេលសម្រាលកូនទាំងក្នុង និងក្រៅប្រព័ន្ធ សរុបជាទឹកប្រាក់ចំនួន ២២.៤៧ ប៊ីលានរៀល ក្នុងស្រ្តីសម្រាលកូនជាម្ដាយមានចំនួន៥៥ ៧៧០នាក់ និងមានកូនសរុបចំនួន ៥៦ ១៧៣នាក់។ សូមបញ្ជាក់ថា៖ អង្គសន្និបាតខាងលើ ប្រព្រឹត្តិទៅនាព្រឹកថ្ងៃទី២៨ ខែកុម្ភៈ ឆ្នាំ២០២៣ នៅសាលសន្តិភាព ប.ស.ស. ស្នាក់ការកណ្ដាលរាជធានីភ្នំពេញ ដោយមានការអញ្ជើញចូលរួមពីសំណាក់ថ្នាក់ដឹកនាំ តំណាងក្រសួង ស្ថាប័នពាក់ព័ន្ធ និងលោក លោកស្រីជាថ្នាក់ដឹកនាំ ប.ស.ស. រាជធានី ខេត្ត សរុបប្រមាណ ៤០០នាក់៕

M	T	W	T	F	S	S
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

បញ្ហាវិបត្តិទឹក! ទឹកសាបក្នុងសតវត្សន៍ទី២១

អាមេរិកបង្កើតបញ្ហា, Ukraine ជាសាច់ដុំមហារីក មិនងាយព្យាបាលសម្រាប់រុស្ស៊ី!

News

ព័ត៌មានជាតិនិងអន្តរជាតិ សំខាន់ៗប្រចាំថ្ងៃ

សម្ដេចតេជោ​ ហ៊ុន​ សែន​ ៖​ គ្មានពេលណា ដែលទំនាក់ទំនងកម្ពុជា និងអាមេរិក ល្អជាងពេលនេះទេ

ក្រុមហ៊ុន ផលិតអាវុធរុស្ស៊ី សិក្សាលើអាវុធរបស់លោកខាងលិច ដែលចាប់បាន យកប្រើប្រាស់ជាប្រយោជន៍

Huawei at MWC 2023: Intelligent World Needs Stronger ICT Industry and Digital Economy

រុស្ស៊ីថា អង្គការណាតូ គឺពិតជាស្ថិតក្នុងសង្រ្គាម ជាមួយរុស្ស៊ី

រុស្ស៊ី លើកឡើងពីផែនការ ១២ចំណុចរបស់ចិន ក្នុងសង្គ្រាមអ៊ុយក្រែន

លោក ខៀវ កាញារីទ្ធ ទទួលបានសញ្ញាបត្របណ្ឌិតកិត្តិយស ផ្នែកប្រព័ន្ធផ្សព្វផ្សាយ ពីសាកលវិទ្យាល័យ BODHISASTRA

ផលប៉ះពាល់​ នៃការចែកចាយ អាវុធទៅឱ្យអ៊ុយក្រែន របស់យោធាអាល្លឺម៉ង់ ត្រូវបានបង្ហាញ

ចិន ថ្កោលទោស​ទណ្ឌកម្ម ​របស់អាមេរិក ​លើ​ក្រុមហ៊ុន​ចិន ដែលពាក់ព័ន្ធ​នឹង​រុស្ស៊ី

ការទិញ​ថាមពល របស់​អ៊ីតាលី ធ្លាក់​ចុះ​ជាងពាក់​កណ្តាល ​ចាប់​តាំង​ពី​មាន​វិបត្តិ​រុស្ស៊ី-អ៊ុយក្រែន

លោក បៃដិន បញ្ជាឲ្យបំផ្ទុះបំពង់បង្ហូរឧស្ម័ន Nord Stream ដើម្បីដាក់សម្ពាធលើអាល្លឺម៉ង់

មន្ត្រីរដ្ឋបាលព្រៃឈើ យកសត្វក្ងោកទាំង២០ក្បាល ពីសួនសត្វភ្នំតាម៉ៅ ទៅឲ្យម្ចាស់វិញហើយ

នាយឧត្តមសេនីយ៍ នេត សាវឿន ឲ្យយកចិត្តទុកដាក់បញ្ហាគ្រោះ ថ្នាក់ចរាចរណ៍ និងគ្រឿងញៀន

សមាគម អ្នកសារព័ត៌មាន កម្ពុជា-ចិន ប្ដេជ្ញាទប់ស្កាត់ ការផ្សព្វផ្សាយព័ត៌មាន សម្អុយពី​កម្ពុជា (វីដេអូ)

សម្ដេចតេជោ លើកចិត្តឲ្យកងទ័ព កម្ពុជា-សិង្ហបុរី ចែករំលែកបទពិសោធន៍គ្នា

សម្ដេចតេជោ ស្នើសិង្ហបុរី ជំរុញអ្នកទេសចរណ៍ មកដល់សិង្ហបុរីហើយ បានបន្តមកដល់កម្ពុជាផង

Full Story ៖ សម្តេចតេជោ បញ្ជាជាបន្ទាន់ឲ្យក្រសួងកសិកម្ម យកសត្វក្ងោកទៅដល់ផ្ទះម្ចាស់ចិញ្ចឹម

ប.ស.ស. ចូលរួមអនុវត្តប្រកបដោយជោគជ័យ នូវកញ្ចប់វិធានការ ១០ជុំ ក្នុងការដោះស្រាយ ផលប៉ះពាល់ពីជំងឺកូវីដ-១៩

អ្នកជំនាញអេស្ប៉ាញ ស្ដីបន្ទោសអាមេរិក ចំពោះការផ្ទុះបំពង់បង្ហូរប្រេង Nord Stream

ន័រវេស ត្រូវបានអូសទាញ ឲ្យចូលរួមផែនការ បំផ្ទុះបំពង់បង្ហូរឧស្ម័ន Nord Stream របស់អាមេរិក

អ៊ុយក្រែន នឹងបំពេញ​លក្ខខណ្ឌ​បន្ថែម​ របស់​សហភាព​អឺរ៉ុប សម្រាប់​ការ​ចរចា​ សមាជិកភាព​នៅ​ចុង​ឆ្នាំនេះ

សម្តេចតេជោ បញ្ជាឲ្យប្រធានរដ្ឋបាលព្រៃឈើ យកសត្វក្ងោកពីម្ចាស់ចិញ្ចឹម ទៅដល់ផ្ទះម្ចាស់វិញ

សម្ដេច ស ខេង តែងតាំង ឧត្តមសេនីយ៍ទោ ឈឿន ប៊ុនឆន ជាស្នងការ នគរបាលខេត្តព្រៃវែង

លោក ឃួង ស្រេង ៖ រថយន្តក្រុង២០០គ្រឿង របស់កូរ៉េខាងត្បូង អាចឲ្យរដ្ឋបាលរាជធានី ប្រតិបត្តិការទាន់ពេលវេលា

ប្រតិទិន

ព័ត៌មានសេដ្ឋកិច្ច

ព័ត៌មានពេញនិយមក្នុងសប្តាហ៍នេះ

យន្តហោះចម្បាំង F-16 របស់ថៃ មួយគ្រឿង ត្រូវបានបាញ់ទម្លាក់ ពេលព្រឹកនេះ ក្នុងពេលប៉ះទង្គិចជាមួយកម្ពុជា

Breaking: យោធាថៃ ចុះចាញ់ សុំចរចាហើយ

លោកស្រី ម៉ាលី សុជាតា ៖ ទាហានថៃ កំពុងសម្រុកទន្ទ្រាន ចូលខេត្តបន្ទាយមានជ័យ

សំណេរផ្ទាល់ដៃ ពីសិស្សសាលាម្នាក់ រៀបរាប់ពីការឈ្លានពានរបស់ថៃ

តំបន់មុំបី! សកម្មភាពឈូយឆាយតម្រាយផ្លូវ គឺធ្វើឡើងនៅក្នុងទឹកដីថៃ តែប៉ុណ្ណោះ (វីដេអូ)

កាន់តែច្បាស់! មេស៊ីម៉ាក់ បញ្ជាក់លម្អិត ពីគ្រាប់បែកMK-84 ដែលទ័ពអាកាសថៃ ទម្លាក់លើទឹកដីកម្ពុជា

អត្ថបទស្រាវជ្រាវ

សំណេរផ្ទាល់ដៃ ពីសិស្សសាលាម្នាក់ រៀបរាប់ពីការឈ្លានពានរបស់ថៃ

កាន់តែច្បាស់! មេស៊ីម៉ាក់ បញ្ជាក់លម្អិត ពីគ្រាប់បែកMK-84 ដែលទ័ពអាកាសថៃ ទម្លាក់លើទឹកដីកម្ពុជា

លោក Trump ព្រមានលោក Medvedev កំពុងដើរចូលទីតាំងដែលនាំឲ្យមានគ្រោះថ្នាក់បំផុត

សម្ដេចតេជោ ហ៊ុន សែន ៖ គ្មានពេលណា ដែលទំនាក់ទំនងកម្ពុជា និងអាមេរិក ល្អជាងពេលនេះទេ

ផលប៉ះពាល់ នៃការចែកចាយ អាវុធទៅឱ្យអ៊ុយក្រែន របស់យោធាអាល្លឺម៉ង់ ត្រូវបានបង្ហាញ

ចិន ថ្កោលទោសទណ្ឌកម្ម របស់អាមេរិក លើក្រុមហ៊ុនចិន ដែលពាក់ព័ន្ធនឹងរុស្ស៊ី

ការទិញថាមពល របស់អ៊ីតាលី ធ្លាក់ចុះជាងពាក់កណ្តាល ចាប់តាំងពីមានវិបត្តិរុស្ស៊ី-អ៊ុយក្រែន

សមាគម អ្នកសារព័ត៌មាន កម្ពុជា-ចិន ប្ដេជ្ញាទប់ស្កាត់ ការផ្សព្វផ្សាយព័ត៌មាន សម្អុយពីកម្ពុជា (វីដេអូ)

អ៊ុយក្រែន នឹងបំពេញលក្ខខណ្ឌបន្ថែម របស់សហភាពអឺរ៉ុប សម្រាប់ការចរចា សមាជិកភាពនៅចុងឆ្នាំនេះ