DAP News

ក្រសួងសុខាភិបាល ​ព្យាបាលអ្នកជំងឺកូវីដ១៩ ជាសះស្បើយ៤នាក់ និងគ្មានអ្នកឆ្លងថ្មី

ភ្នំពេញ៖ក្រសួងសុខាភិបាល បានបញ្ជាក់ថា បានព្យាបាលអ្នកឆ្លងជំងឺកូវីដ១៩ជាសះស្បើយ ចំនួន៤នាក់ និងរកមិនឃើញអ្នកឆ្លង ជំងឺកូវីដ១៩នោះទេ។ យោងតាមសេចក្តី ប្រកាសព័ត៌មាន របស់ក្រសួងសុខាភិបាល នៅថ្ងៃទី២៨ខែធ្នូ ឆ្នាំ២០២០​បានឲ្យ​ដឹង​ថា បានព្យាបាលអ្នកឆ្លងជំងឺ កូវីដ១៩ជាសះស្បើយ ចំនួន៤នាក់ ក្នុងនោះ១នាក់ បានជាប់ពាក់ព័ន្ធ នឹងព្រឹត្តិការណ៍សហគមន៍និង៣នាក់ជាអ្នកដំណើរ មកពីក្រៅប្រទេស។ ក្រសួងបានឲ្យដឹងថា អ្នកដែលជាសះស្បើយ ពាក់ព័ន្ធនឹព្រឹត្តិការណ៍សហគមន៍ ជាបុរសជនជាតិខ្មែរ អាយុ៣៥ឆ្នាំ មានអាសយដ្ឋានស្នាក់នៅ សង្កាត់បឹងកេងកង រាជធានីភ្នំពេញបានទៅហាង Zendoសាខាបឹងកេងកង កាលពីថ្ងៃទី២៧ធ្នូឆ្នា២០២០ត្រូវបានព្យាបាលជាសះស្បើយដោយ ទទួលបាន លទ្ធផលតេស្ត អវិជ្ជមានវីរុសកូវីដ-១៩ ចំនួន ០២លើក ត្រូវបានអនុញ្ញាតឲ្យចេញពី មន្ទីរពេទ្យមិត្តភាពខ្មែរ-សូវៀត រាជធានីភ្នំពេញ។ ចំណែក ករណីជាសះស្បើយចំនួន០៣នាក់ ជាអ្នកដំណើរចូលមកកម្ពុជាដែលមិនមានពាក់ព័ន្ធទៅនឹងព្រឹត្តិការណ៍សហគមន៍២៨វិច្ឆិកាមាន៖ ១.បុរសជនជាតិ ហ្សកដានី អាយុ ៤៧ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ ជាអ្នក ដំណើរមកពីប្រទេសហ្សកដានី បន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី១០ ខែធ្នូ ឆ្នាំ២០២០ ត្រូវ បានព្យាបាល ជាសះស្បើយដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន ២លើក ត្រូវបានអនុញ្ញាតឲ្យ ចេញពីមជ្ឈមណ្ឌលជាតិកំចាត់រោគរបេងនិងហង់សិន រាជធានីភ្នំពេញ។ ២.ស្ត្រីជនជាតិជប៉ុនអាយុ ២៩ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ ជាអ្នកដំណើរមកពី ប្រទេសជប៉ុនបន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី១៣ ខែធ្នូ ឆ្នាំ២០២០ ត្រូវបានព្យាបាលជា សះស្បើយ ដោយទទួលបានលទ្ធផលតេស្ត អវិជ្ជមានវីរុសក្ខវីដ-១៩ ចំនួន ២លើក ត្រូវបានអនុញ្ញាតឲ្យចេញពីមន្ទីរពេទ្យ មិត្តភាពខ្មែរ -សូវៀត រាជធានីភ្នំពេញ។ ៣.ស្ត្រីជនជាតិខ្មែរ-អាមេរិកកាំង អាយុ ៥៥ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ បានធ្វើ ដំណើរមកពីសហរដ្ឋអាមេរិក បន្តជើងហោះហើរ នៅប្រទេសចិន (តៃវ៉ាន់ ) មកដល់កម្ពុជានៅថ្ងៃទី២០ ខែធ្នូ ឆ្នាំ២០២០ ត្រូវបាន ព្យាបាលជាសះស្បើយ ដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន ២លើក ត្រូវបានអនុញ្ញាតឲ្យចេញពី មជ្ឈមណ្ឌលជាតិកំចាត់រោគរបេង និងហង់សិន រាជធានីភ្នំពេញ។ ជាមួយគ្នានោះដែរ លទ្ធផលធ្វើតេស្តអ្នកប៉ះពាល់ក្នុង ព្រឹត្តិការណ៍សហគមន៍ ២៨វិច្ឆិកា នៅថ្ងៃទី ២៧ ខែធ្នូ ឆ្នាំ២០២០ វិទ្យាស្ថានប៉ាស្ទ័រកម្ពុជាបានធ្វើវិភាគវត្ថុសំណាកដែលទទួលបានចំនួន ៨សំណាក គឺមាន លទ្ធផល អវិជ្ជមានវីរុសកវីដ-១៩ ទាំងអស់។ សរុបអ្នកជំងឺកូវីដ-១៩ ដែលបានរកឃើញពាក់ព័ន្ធ ព្រឹត្តិការណ៍សហគមន៍ ២៨វិច្ឆិកា” ពីថ្ងៃទី២៨ ខែវិច្ឆិកា ឆ្នាំ២០២០មកដល់ថ្ងៃទី២៧ ខែធ្នូ ឆ្នាំ២០២០មានចំនួន ៤១នាក់ (ស្រី ១៩នាក់ និងប្រុស ២២នាក់) ដែលនៅក្នុងចំនួននេះ មានអ្នកជាសះស្បើយ សរុបចំនួន ៣៨នាក់ (ស្រី ១៨នាក់ និងប្រស ២០នាក់)។ សូមជម្រាបថាអ្នក ឆ្លងជំងឺកូវីដ១៩សរុប ទូទាំងប្រទេសមានចំនួន៣៦៤នាក់ បានព្យាបាលជាសះស្បើយ ចំនួន៣៦០នាក់និងកំពុងសម្រាកព្យាបាល នៅមន្ទីពេទ្យចំនួន៤នាក់៕

លោក ហ៊ុន ម៉ាណែត ថ្លែងអំណរគុណ សមាជិក និងសប្បុរសជន ក្នុងឱកាសខួប៨ឆ្នាំ TYDA

ភ្នំពេញ៖ ក្នុងឱកាសខួបទី ៨ ឆ្នាំរបស់សមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ខ្ញុំសូមសម្ដែងនូវការអរគុណ ចំពោះការចូលរួមយ៉ាងសកម្ម របស់សមាជិកសមាជិកា ទាំងអស់នៃសមាគម ដែលបានធ្វើឲ្យសមាគម អាចសម្រេចភារកិច្ច ដ៏ត្រចះត្រចង់ជាច្រើន នៅក្នុងបុព្វហេតុ មនុស្សធម៌ ព្រោះថាជោគជ័យរបស់សមាគម ក្នុង៨ឆ្នាំនេះ មិនអាចសម្រេចបាន បើគ្មានការចូលរួមគាំទ្រ យ៉ាងសកម្មរបស់សមាជិកសមាជិកា សមាគមទាំងអស់ទេ។ នេះបើតាម លោក...

លោក ចូ បៃដិន ព្រមានពីផល់វិបាក ដ៏គ្រោះថ្នាក់មួយ ប្រសិនបើលោក ត្រាំ រារាំងកញ្ចប់ជំនួយ សង្គ្រោះជំងឺកូវីដ-១៩

វ៉ាស៊ីនតោន៖ ប្រធានាធិបតីជាប់ឆ្នោតអាមេរិកលោក ចូ បៃដិន បានព្រមាន អំពីផលវិបាកដ៏សាហាវ ប្រសិនបើប្រធានាធិបតីលោក ដូណាល់ ត្រាំ បន្តពន្យារពេលការចុះហត្ថលេខាលើសេចក្តីព្រាងច្បាប់ ស្តីពីជំនួយសេដ្ឋកិច្ចជំងឺកូវដ-១៩ ដែលអនុម័តដោយសភា។ លោក បៃដិន បានឲ្យដឹងនៅពេល ដែលប្រជាជនអាមេរិករាប់លាននាក់ បានឃើញពីគុណវិបត្ដិនៃភាពគ្មានការងារធ្វើរបស់ពួកគេ បន្ទាប់ពីលោក ត្រាំ បានបោះកញ្ចប់ជំនួយជំងឺរាតត្បាត ដែលបានរង់ចាំជាយូរមកហើយ ទៅជាការសង្ស័យ...

ស៊ូដង់ កាន់កាប់ដីនៅតាម ព្រំដែនជាប់អេត្យូពី

បរទេស៖ រដ្ឋមន្ត្រីព័ត៌មានស៊ូដង់ តាមសេចក្តីរាយការណ៍ បាននិយាយនៅថ្ងៃសៅរ៍ថា ប្រទេសស៊ូដង់ ទើបបានកាន់កាប់នូវទឹកដីភាគច្រើន ដែលខ្លួនចោទប្រទេសអូត្យូពីពីបទបំពានយក នៅជិតព្រំដែនរវាងប្រទេសទាំងពីរ។  លោក Faisal Salih ជារដ្ឋមន្ត្រីព័ត៌មានស៊ូដង់ បានមានប្រសាសន៍យ៉ាងដូច្នេះថា “យើងជឿជាក់ចំពោះការពិភាក្សាគ្នា ដោះស្រាយបញ្ហាណាមួយ ប៉ុន្តែទាហានរបស់យើង នឹងធ្វើកាតព្វកិច្ចរបស់ខ្លួន យកត្រឡប់មកវិញនូវទឹកដីរបស់យើង ហើយបច្ចុប្បន្ននេះ ទាហានយើងបានយកមកវិញនូវទឹកដី ស៊ូដង់ចន្លោះពី៦០ទៅ៧០ភាគរយហើយ”។  គួរបញ្ជាក់ថា...

ក្រសួងយុត្តិធម៌​ ៖​ ការប្រមាថដល់ អង្គព្រះមហាក្សត្រ មិនមែនជាការអនុវត្ត សិទ្ធិសេរីភាព នៃការបញ្ចេញមតិឡេីយ​ តែជាបទល្មើសព្រហ្មទណ្ឌ

ភ្នំពេញ​ ៖​ លោក​ ជិន​ ម៉ាលីន​ អ្នកនាំពាក្យក្រសួងយុត្តិធម៌​ បានថ្លែងថា​ ការប្រមាថដល់អង្គព្រះមហាក្សត្រ មិនមែនជាការអនុវត្តសិទ្ធិសេរីភាពនៃការបញ្ចេញមតិនោះទេ​ តែជាបទល្មើសព្រហ្មទណ្ឌ​ ដែលមានចែង​ និងផ្តន្ទាទោសតាមបញ្ញតិនៃមាត្រា៤៣៧ស្ទួន។ តាមរយៈបណ្ដាញទំនាក់ទំនងសង្គមហ្វេសប៊ុក​របស់​ លោក​ ជិន​ ម៉ាលី​ន​ នៅថ្ងៃទី២៧​ ខែធ្នូ​ ឆ្នាំ​២០២០នេះ​ បានឲ្យដឹងថា​ តបតាមការស្នើសុំរបស់អ្នកសារព័ត៌មានលោកបញ្ជាក់ជូន៣ចំណុច អំពីទិដ្ឋភាពច្បាប់នៃការចេញអធិបញ្ជារបស់​...

មានសង្ឃឹមខ្លះហើយ អឺរ៉ុប ចាប់ផ្ដើមចាក់វ៉ាក់សាំង ការពារជំងឺកូវីដ-១៩ ខណៈកំពុងមានករណី ឆ្លងទម្រង់ថ្មី

ប៉ារីស៖ ប្រទេសហុងគ្រី និងស្លូវ៉ាគី បានចាប់ផ្តើមចាក់វ៉ាក់សាំងការពារប្រជាជនប្រឆាំងនឹងជំងឺកូវីដ-១៩ នៅថ្ងៃសៅរ៍ (ថ្ងៃទី ២៦ ធ្នូ) មួយថ្ងៃមុនការចេញលក់នៅក្នុងប្រទេសជាច្រើនទៀតរួមមានបារាំង និងអេស្បាញ ខណៈដែលការរាតត្បាតរីករាលដាលពាសពេញទ្វីប។ យោងតាមការចុះផ្សាយ របស់ទីភ្នាក់ងារសារព័ត៌មានសិង្ហបុរី បានឲ្យដឹងថា នៅប្រទេសអាល្លឺម៉ង់ មនុស្សមួយចំនួនតូចនៅផ្ទះថែទាំមនុស្សចាស់ ត្រូវបានគេចាក់ថ្នាំបង្ការ កាលពីថ្ងៃសៅរ៍ មួយថ្ងៃមុនពេលចាប់ផ្តើមយុទ្ធនាការ ចាក់វ៉ាក់សាំងជាផ្លូវការរបស់ប្រទេសនេះ។ ការចាក់ថ្នាំបង្ការរោគនៅទូទាំងសហភាពអឺរ៉ុប ដែលមានប្រជាជនជិត...

ប្រធាន WHO៖ ជំងឺរាតត្បាតកូវីដ-១៩ នឹងមិនមែនជាប្រភេទ ជំងឺចុងក្រោយនោះទេ

ហ្សឺណែវ៖ ប្រធានអង្គការសុខភាពពិភពលោក WHO បានលើកឡើងថា វិបត្តិជំងឺរាតត្បាតកូវីដ-១៩ នឹងមិនមែនជាជំងឺរាតត្បាតចុងក្រោយនោះទេ ហើយការប៉ុនប៉ងដើម្បីលើកកម្ពស់សុខភាពមនុស្ស នឹងត្រូវវិនាសសាបសូន្យ ដោយមិនមានការដោះស្រាយ ការប្រែប្រួលអាកាសធាតុនិងសុខុមាលភាពសត្វឡើយ។ យោងតាមការចុះផ្សាយ របស់ទីភ្នាក់ងារសារព័ត៌មានសិង្ហបុរីបានឲ្យដឹងថា អគ្គនាយកអង្គការសុខភាពពិភពលោកបានឲ្យដឹងថា វាដល់ពេលដែលត្រូវរៀនមេរៀនពីជំងឺរាតត្បាតរ៉ាំរ៉ៃ (COVID-19) ។ លោកបានបញ្ជាក់ថា “អស់រយៈពេលជាយូរមកហើយពិភពលោកបានដំណើរការវដ្តនៃភាពភិតភ័យ និងការធ្វេសប្រហែស យើងបោះលុយចោលរាប់មិនអស់នៅពេលមានការផ្ទុះឡើងហើយនៅពេលវាចប់យើងភ្លេចអំពីវា ហើយមិនធ្វើអ្វីដើម្បីការពារអ្នកបន្ទាប់នោះទេ នេះគឺជាការមើលឃើញដ៏គ្រោះថ្នាក់ហើយពិបាកយល់”។...

ពិព័រណ៌ជំនាញសិក្សា និងការងារប្រចាំឆ្នាំ របស់សមាគម FUSAAC ធ្វើតាមអនឡាញ ដោយមាន ការគាំទ្រ ពីក្រុមហ៊ុន Smart Axiata

ភ្នំពេញ៖ សមាគមអតីត និស្សិតអាហារូបករណ៍ សហរដ្ឋអាមេរិក (FUSAAC) ក្រោមភាពជាដៃគូ ជាមួយក្រុមហ៊ុន Smart Axiata បានផ្ដើមកម្មវិធី «ពិព័រណ៌ជំនាញសិក្សា និងការងារ» ប្រចាំឆ្នាំរបស់ខ្លួន តាមអនឡាញ ដោយបង្កើតបណ្ណាល័យឌីជីថល ដែលមានវីដេអូ និងកម្មវិធីផតឃែស (Podcasts) ចំនួន ១០០  ស្ដីអំពី មុខវិជ្ជាសិក្សា និងវិជ្ជាជីវៈផ្នែក វិទ្យាសាស្ត្រ គណិតវិទ្យា វិស្វកម្ម និងបច្ចេកវិទ្យា (STEM) ជាច្រើន និងមានសេវាផ្តល់ប្រឹក្សាមុខរបរ និងអាជីពផងដែរ។   ពិព័រណ៌ជំនាញសិក្សា និងការងារ របស់សមាគម FUSAAC ដែលបានរៀបចំឡើង រៀងរាល់ឆ្នាំតាំងពីឆ្នាំ ២០០៩ នៅតែមានគោលបំណង ដូចរាល់ដង ពោលគឺជួយសិស្សានុសិស្ស ជ្រើសរើស ជំនាញសិក្សា ដែលត្រឹមត្រូវសម្រាប់ពួកគេ។ ក៏ប៉ុន្ដែដោយសារការរាតត្បាត ជាសកលនៃវីរុសកូវីដ១៩ សមាគម និងក្រុមហ៊ុន Smart បានផ្ដួចផ្ដើមបង្កើតបណ្ណាល័យឌីជីថល នៃជំនាញសិក្សា ដែលជួយឱ្យសិស្សានុសិស្សកាន់តែច្រើនឡើង នៅទូទាំងប្រទេស អាចស្វែងរកព័ត៌មានបាន។ ចាប់តាំងពីពិព័រណ ត្រូវបានរៀបចំដំបូងព្រឹត្តិការណ៍នេះ បានជួយសិស្សានុសិស្ស ចំនួនជាង ២៤០០ នាក់ជារៀងរាល់ឆ្នាំ ក្នុងការជ្រើសរើស មុខជំនាញសាកលវិទ្យា-ល័យរបស់ពួកគេ រួមទាំងអាជីព ដែលពួកគេប្រាថ្នានាពេលអនាគត ។   កម្មវិធីពិព័រណ៌ ជំនាញសិក្សា និងការងារតាមប្រព័ន្ធអនឡាញនេះទទួលបានគាំទ្រ ពីក្រសួងអប់រំ យុវជន និងកីឡា និង ការគាំទ្រពីស្ថានទូតសហរដ្ឋអាមេរិក នៅកម្ពុជា និងក្រុមហ៊ុន Smart Axiata។   លោក ហោ តូនី អ្នកសម្របសម្រួល គម្រោងនៃសមាគម FUSAAC បានឲ្យដឹងថា៖ «ថ្វីបើមានការរឹតត្បិត ដោយសារ កូវីដ១៩យើងនូវតែប្ដេជ្ញា បន្តពិព័រណ៌ ជំនាញសិក្សា និងការងារ តាមរយៈអនឡាញ ដើម្បីចែករំលែក ព័ត៌មាន ដែលមានប្រយោជន៍ និងជួយសិស្សានុសិស្ស ក្នុងការសម្រេចចិត្ត លើជំនាញសិក្សា ឬអាជីពនាពេលអនាគរបស់ពួកគេ ហើយ សូមថ្លែងអំណរគុណ ដល់ក្រុមហ៊ុនSmart Axiata ដែលបានគាំទ្រ ពួកយើងផ្នែកហិរញ្ញវត្ថុ។»  ការផ្តល់លទ្ធភាពឱ្យយុវជន ធ្វើការជ្រើសរើស មុខជំនាញប្រកបដោយព័ត៌មាន គ្រប់ជ្រុងជ្រោយ  គឺជាជំហានដ៏សំខាន់មួយ ក្នុងការបង្កើតឱកាស សម្រាប់ពួកគេ ដើម្បីបន្តការសិក្សា ទៅថ្នាក់ឧត្តមសិក្សា។ កម្មវិធី អាហារូបករណ៍ SmartEdu ដែលបានផ្តល់និស្សិត នូវអាហារូបករណ៍ជាមួយនិងប្រាក់ខែ ពេញលេញ ក៏ដូចជាប្រាក់ឧបត្ដម ប្រចាំខែពេញមួយ ឆ្នាំសិក្សានៅមហាវិទ្យាល័យផងដែរ ក៏មានមានគោលដៅ បង្កើតឱកាសទាំងអស់ នេះផងដែរ។   នាយកប្រតិបត្តិ របស់ក្រុមហ៊ុន Smart Axiata លោក ថូម៉ាស ហ៊ុន (Thomas Hundt) បានលើកឡើងថា៖ «ពិព័រណ៌ជំនាញសិក្សានិងការងារ ស្របតាមគោលដៅដែលយើងព្យាយាម សម្រេចជាមួយ កម្មវិធី SmartEdu Discovery Day ដែលជាពិព័រណ៌មួយនៅតាមបណ្តាខេត្តនានាជុំវិញ ប្រទេសកម្ពុជា ក្នុងគោលបំណង លើកកម្ពស់ការយល់ដឹងអំពីមុខ វិជ្ជាផ្សេងៗ នៅសាកលវិទ្យាល័យនិងស្វែងរកអ្នកមាន ទេពកោសល្យឆ្លាតវៃ សម្រាប់កម្មវិធីអាហារូបករណ៍ SmartEdu។»  លោក ថូម៉ាស បានបន្ថែមទៀតថា៖ «ការបង្កើតឱកាសសម្រាប់សិស្សានុសិស្សកម្ពុជា ក្នុងវិស័យអប់រំ ជាពិសេសក្នុង  វិស័យអប់រំSTEM  គឺជាភាពស្នូល នៃបេសកកម្មរបស់ក្រុមហ៊ុន Smart Axiata។ ដូច្នេះ ទោះបីយើង មានការសោកស្តាយ ដែលយើងមិនបានចូលរួម ក្នុងព្រឹត្តិការណ៍ពិព័រណ៍ដោយផ្ទាល់ ក្នុងឆ្នាំនេះ យើងរីករាយដែលបានឃើញ ពិព័រណ៌ជំនាញសិក្សា និងអាជីពបន្ត ធ្វើតាមអនឡាញ ជាមួយការគាំទ្រពីយើង។»  វីដេអូ និងកម្មវិធីផតឃែស (Podcasts) ចំនួន ១០០ នឹងត្រូវចាក់បញ្ចាំង លើទំព័រហ្វេសប៊ុករបស់ សមាគម FUSAAC និង Smart for Cambodia និង គេហទំព័រផ្លូវការរបស់ សមាគម FUSAAC តាមរយៈ www.fusaac.org។ សម្រាប់ព័ត៌មានបន្ថែម សូមចូលទៅកាន់គេហទំព័រ www.facebook.com/fusaac ឫ www.facebook.com/smartforcambodia៕

រំលឹកខួបអនុស្សាវរីយ៍ លើកទី១៤៥ ព្រះវស្សាព្រះករុណា ព្រះបាទ សម្ដេចព្រះ សុីសុវត្ថិ មុនីវង្ស ចមចក្រពង្ស

ភ្នំពេញ ៖ ព្រះមហាក្សត្រកម្ពុជាព្រះបរមរាជានុញ្ញាតក្រាបថ្វាយមហាព្រះរាជកុសលខួបអនុស្សាវរីយ៍លើកទី១៤៥(២៧ ធ្នូ ១៨៧៥-២៧ ធ្នូ ២០២០)ព្រះវស្សា ព្រះរាជសម្ភព នៃព្រះករុណា ព្រះបាទ សម្ដេចព្រះ សុីសុវត្ថិ មុនីវង្ស ចមចក្រពង្ស ហរិរក្សបរមិន្ទ្រ ភូវន័យក្រៃកែវហ្វា សុលាល័យ ព្រះបរមខត្តិយកោដ្ឋ ព្រះចៅក្រុងកម្ពុជាធិបតី ជាទីគោរពសក្ការៈដ៏ខ្ពង់ខ្ពស់បំផុត ៕

ក្រសួងការបរទេស អាមេរិកអនុម័ត លក់យន្តហោះ ឲ្យកាហ្សាក់ស្ថាន

បរទេស៖ យោងតាមការឲ្យដឹង ពីទីភ្នាក់ងារសហប្រតិបត្តិការសន្តិសុខ ការពារជាតិ ក្រសួងការបរទេស សហរដ្ឋអាមេរិក បានអនុម័តកិច្ចព្រមព្រៀង មានទំហំទឹកប្រាក់ ១២៨,១លានដុល្លារ នៅក្នុងសប្ដាហ៍នេះ ដើម្បីលក់យន្តហោះ King Air Scorpion ចំនួន៣គ្រឿង ឲ្យទៅប្រទេស កាហ្សាក់ស្ថាន។  កិច្ចព្រមព្រៀងនោះ នឹងបំពេញសំណើ ពីរដ្ឋាភិបាលរបស់ប្រទេសកាហ្សាក់ស្ថាន សុំទិញយន្តហោះ៣គ្រឿង ឧបករណ៍ស៊ើបការណ៍សម្ងាត់ ផ្នែកទំនាក់ទំនង Raytheon AST TITAN ចំនួន៣ និងឧបករណ៍ចាប់សញ្ញា WESCAM MX-15HDiចំនួន៣។  នៅក្នុងសេចក្តីប្រកាស ព័ត៌មានមួយ ទីភ្នាក់ងារសហប្រតិបត្តិការសន្តិសុខការពារជាតិ បាននិយាយថា ការលក់ដែលស្នើសុំនោះ នឹងគាំទ្រដល់គោលដៅ របស់គោលនយោបាយបរទេស និងគោលដៅ សន្តិសុខជាតិ របស់សហរដ្ឋអាមេរិក តាមរយៈការធ្វើឲ្យប្រសើរឡើង នូវសន្តិសុខរបស់ប្រទេសជាដៃគូ ដែលជាកម្លាំង សម្រាប់ស្ថិរភាព នយោបាយនិងភាពរីកចម្រើន ផ្នែកសេដ្ឋកិច្ច នៅតំបន់អាស៊ីកណ្ដាល៕  ប្រែសម្រួល៖ប៉ាង កុង 

ករណីឆ្លងថ្មី នៃជំងឺកូវីដ-១៩ កំពុងកើនឡើង នៅក្នុងប្រទេសថៃ

បាងកក៖ ការឆ្លងមេរោគកូវីដ-១៩ ថ្មីជាង ២០ ករណី ត្រូវបានគេរកឃើញ នៅខេត្តជាប់ឆ្នេរសមុទ្រមួយ ក្នុងប្រទេសថៃ កាលពីថ្ងៃសៅរ៍ ប៉ុន្មានម៉ោងបន្ទាប់ពី អាជ្ញាធរបានបញ្ជាក់ពីចំនួន អ្នកផ្ទុកទិន្នន័យ ប្រចាំថ្ងៃចំនួន ១១០ នាក់។ យោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួបានឲ្យដឹងថា ករណីទាំង ២៧ ត្រូវបានគេរកឃើញនៅក្នុងខេត្តរ៉ាក់យ៉ង ដែលជាគម្រោង សម្រាប់គម្រោងធំៗ នៅក្រោមច្រករបៀង សេដ្ឋកិច្ចភាគខាងកើតរបស់ប្រទេស។  លោក Charnna Iamsaeng អភិបាលខេត្តរ៉ាក់យ៉ង បានប្រាប់ប្រព័ន្ធផ្សព្វផ្សាយ ក្នុងស្រុកថាភាគច្រើន នៃករណីថ្មីត្រូវបានគេជឿថា មានជាប់ទាក់ទង ទៅនឹងកន្លែងលេងល្បែងខុសច្បាប់ ដែលធ្វើឱ្យមានការលំបាក ក្នុងការតាមដាន ការឆ្លងមេរោគ។  មុនពេលរបាយការណ៍ នៃករណីទាំង ២៧ ករណីសរុបនៃប្រទេសថៃ បានបញ្ជាក់ថា បានកើនឡើងដល់ ៦,០២០នាក់ ដោយមាន៤,០៦១ នាក់ជាអ្នកឆ្លង ជំងឺក្នុងស្រុក៕ ដោយ ឈូក បូរ៉ា

ចូរប្រុងប្រយ័ត្ន! ករណីឆ្លង ជំងឺកូវីដ-១៩ នៅទូទាំង ពិភពលោក កើនឡើង ដល់ជាង ៨០លាននាក់ ហើយ

ញូវយ៉ក៖ យោងតាមមជ្ឈមណ្ឌលវិទ្យាសាស្ត្រនិ ងវិស្វកម្មប្រព័ន្ធ CSSE នៅសកលវិទ្យាល័យ Johns Hopkins បានបញ្ជាក់ថាករណីឆ្លងជំងឺកូវីដ-១៩ នៅទូទាំងពិភពលោកកើនឡើងលើសពី ៨០ លានករណីហើយ កាលពីថ្ងៃសៅរ៍។ ចំនួនករណីសកល បានឈានដល់ ៨០,០៧០,៣២៧ នាក់ដែលមានអ្នកស្លាប់ សរុប ១,៧៥៣,៨៣៩ នាក់នៅទូទាំងពិភពលោក គិតត្រឹមម៉ោង ១២ និង២២ នាទី។  ម៉ោងនៅក្នុងស្រុក នេះយោងតាម ទិន្នន័យរបស់ CSSE បានបង្ហាញ។ សហរដ្ឋអាមេរិក បានរាយការណ៍ពីករណី និងការស្លាប់ច្រើនបំផុតនៅជុំវិញ ពិភពលោក ដែលមានចំនួន ១៨,៧៩៤,៥៤៥ និងករណីស្លាប់ ចំនួន ៣៣០,៥០៩នាក់ ។  ប្រទេសឥណ្ឌា បានកត់ត្រាករណី ចំនួន ១០,១៦៩,១១៨ ករណី ដែលជាប់ចំណាត់ថ្នាក់ទី ២ លើពិភពលោក។  ប្រទេសប្រេស៊ីល បានតាមពីក្រោយ ប្រទេសឥណ្ឌា ដែលមានករណី ចំនួន ៧,៤៤៨,៥៦០ ករណី និងចំនួនអ្នកស្លាប់ច្រើនបំផុតទី ២ លើពិភពលោកចំនួន ១៩០,៤៨៨ នាក់។  ប្រទេសដែលមាន ករណីជាង ២ លាន ក៏រួមមានប្រទេសរុស្ស៊ី បារាំង អង់គ្លេស តួកគី និងអ៊ីតាលី ខណៈប្រទេសដទៃទៀត ដែលមានអ្នកស្លាប់ជាង ៥ ម៉ឺននាក់រួមមានឥណ្ឌា ម៉ិចស៊ិកូ អ៊ីតាលី អង់គ្លេស បារាំង អ៊ីរ៉ង់ និងរុស្ស៊ី៕ ដោយ ឈូក បូរ៉ា

ចិន សម្រេចចិត្តរៀបចំ សន្និបាតជាតិ ប្រចាំឆ្នាំរបស់ខ្លួន នៅទីក្រុងប៉េកាំង នៅថ្ងៃទី០៥ ខែមីនាឆ្នាំក្រោយ

ប៉េកាំង៖ ប្រព័ន្ធផ្សព្វផ្សាយ រដ្ឋបានរាយការណ៍ថា ប្រទេសចិន បានសម្រេចចិត្តរៀបចំ សន្និបាតជាតិប្រចាំឆ្នាំ របស់ខ្លួន នៅទីក្រុងប៉េកាំង នៅថ្ងៃទី០៥ ខែមីនាឆ្នាំក្រោយ ដោយបង្ហាញនូវទំនុកចិត្ត របស់ខ្លួនថា ការផ្ទុះឡើង នៃវីរុសឆ្លងកូវីដ-1៩ ត្រូវបានគ្រប់គ្រងរួចហើយ។ ទីភ្នាក់ងារសារព័ត៌មាន ចិនស៊ិនហួ បានចុះផ្សាយថា ការសម្រេចចិត្តនេះ ត្រូវបានអនុម័ត នៅគណៈកម្មាធិការ អចិន្ត្រៃយ៍សភាប្រជាជនចិន ដែលជាស្ថាប័ន នីតិប្បញ្ញត្តិកំពូល របស់ប្រទេសចិន។ ក្រុមអ្នកតាក់តែងច្បាប់ ត្រូវបានគេរំពឹងថា នឹងពិភាក្សាអំពីផែនការសេដ្ឋកិច្ច រយៈពេល ៥ ឆ្នាំថ្មី ដែលគ្របដណ្ដប់ចន្លោះឆ្នាំ២០២១ និង២០២៥ និងគោលដៅ រយៈពេលវែងរហូតដល់ឆ្នាំ២០៣៥ ខណៈដែលគណបក្ស កាន់អំណាចចិន បានសន្យាថា នឹងប្រកាន់យក នូវយុទ្ធសាស្រ្ត“ ចរាចរពីរ” ដើម្បីជំរុញ តម្រូវការក្នុងស្រុក ខណៈដែលកំពុងព្យាយាមជំរុញ ការនាំចេញ។  ។  គោលដៅរយៈពេលវែង រួមមានការប្តេជ្ញាចិត្ត ក្នុងការធ្វើឱ្យមានភាពលេចធ្លោ នៅក្នុងវិស័យបច្ចេកវិទ្យាខ្ពស់ និងកែលម្អការធ្វើទំនើបកម្ម នៃខ្សែសង្វាក់ផ្គត់ផ្គង់ សម្រាប់រយៈពេល ១៥ ឆ្នាំខាងមុខ ខណៈសហរដ្ឋអាមេរិក កំពុងព្យាយាមដកចិនចេញពីបណ្តាញពាណិជ្ជកម្មពិភពលោក៕ ដោយ ឈូក បូរ៉ា

កសិករឥណ្ឌា ព្រមជួបរដ្ឋាភិបាលជុំវិញ រឿងច្បាប់កសិកម្ម

បរទេស៖ មេដឹកនាំសហជីពកសិករឥណ្ឌា នាពេលថ្មីៗនេះ បានយល់ព្រមជួបរដ្ឋមន្ត្រីនានា នៅថ្ងៃអង្គារ ដែលអាចជាការត្រួសត្រាយផ្លូវ សម្រាប់កិច្ចពិភាក្សាគ្នាជុំទី៧ ជាមួយរដ្ឋាភិបាល ដែលរហូតមកទល់បច្ចុប្បន្ននេះ បានបរាជ័យក្នុងការធ្វើឲ្យស្ងប់ចិត្ត ចំពោះកសិករដែលនិយាយថា ច្បាប់កសិកម្មថ្មីចំនួន៣ គម្រាមកំហែងដល់ការរស់នៅរបស់ពួកគេ។ ដោយមានក្តីព្រួយបារម្ភជុំវិញការអង្គុយតវ៉ារបស់កសិករ នៅតាមជាយក្រុងញូដេលី នាយករដ្ឋមន្ត្រីឥណ្ឌា លោក ណារ៉េនដ្រា ម៉ូឌី កាលពីថ្ងៃព្រហស្បតិ៍ បានអញ្ជើញមេដឹកនាំបាតុកម្ម ឲ្យធ្វើការចរចាពិភាក្សាគ្នាបន្ថែមទៀត។...

ក្រុមបាតុករថៃ ទាមទារឲ្យរដ្ឋាភិបាលជួយអ្នកលក់អាហារ សមុទ្របន្ថែមទៀត

បរទេស៖ យោងតាមការចេញផ្សាយរបស់សារព័ត៌មានបរទេសនៅថ្ងៃសៅរ៍នេះ បានសរសេរថាក្រុមបាតុករថៃ បាននាំគ្នាធ្វើការទាមទារសកម្មភាពជួយបន្ថែម ទៀត ពីសំណាក់រដ្ឋាភិបាលនៃប្រទេសថៃ ទៅលើក្រុមអ្នកលក់អាហារសមុទ្រ ក្នុងគ្រាដែលកូវីដកំពុងវាយប្រហារទៅ លើផលិតផលធម្មជាតិមួយនេះ។ ទោះបីជាយ៉ាងណាក្តីគេបានដឹងដែរកន្លងមករដ្ឋាភិបាល ក្រុងបាងកកក៏បានអំពាវនាវឲ្យពលរដ្ឋថៃទាំងអស់ក្នុងការនាំ គ្នាជួយទិញនិងទទួលទានអាហារ សមុទ្រឲ្យបាន ច្រើនជាងមុនឡើងវិញផងដែរ។ គួរឲ្យដឹងដែរថាប្រទេសថៃ បានទទួលរងការវាយប្រហារដោយសារកូវីដសាជាថ្មី ក្នុងរយៈពេល២សប្តាហ៍ចុងក្រោយនេះដោយក្នុងនោះ ករណីឆ្លងក្នុង សហគមន៍នៅក្នុងផ្សារអាហារសមុទ្រនៃខេត្តសមុទ្រសាខនបានកើនឡើងទៅដល់១៥០០នាក់ មកហើយហើយក្នុងនោះ ពលរដ្ឋថៃ ភាគច្រើននាំគ្នាភ័យខ្លាច...

រុស្ស៊ី មានអ្នកឆ្លងជំងឺកូវីដ១៩ កើនឡើងលើសពី៣លាននាក់

ម៉ូស្គូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៦ ខែធ្នូ ឆ្នំា២០២០ថា មជ្ឈមណ្ឌលឆ្លើយតបនឹងជំងឺកូវីដ១៩របស់ប្រទេសរុស្ស៊ី បានឲ្យដឹងនៅ ថ្ងៃសៅរ៍នេះថា រុស្ស៊ី បានចុះក្នុងបញ្ជីដែលមានអ្នកឆ្លងជំងឺថ្មីចំនួន២៩.២៥៨នាក់ គិតក្នុងរយៈពេល២៤ម៉ោងកន្លងទៅនេះ ដែលនំាឲ្យចំនួនអ្នកឆ្លងជំងឺ សរុបកើនឡើងដល់៣.០២១.៩៦៤នាក់ ។ ទន្ទឹមនឹងនេះដែរ ចំនួនអ្នកស្លាប់ថ្មីមាន៥៦៧នាក់ត្រូវបានគេរាយការណ៍ឲ្យដឹង ដែលនាំឲ្យចំនួនអ្នកស្លាប់នៅទូទាំងប្រទេសកើនឡើងដល់៥៤.២២៦នាក់ ។ មជ្ឈមណ្ឌលបានឲ្យដឹងដូច្នេះ ។ លើសពីនេះ គិតត្រឹមថ្ងៃនេះ...

រដ្ឋាភិបាលចិន ផ្តល់ថវិកា ៥ម៉ឺនដុល្លារ ជូនអាជ្ញាធរជាតិ ប្រយុទ្ធប្រឆាំង គ្រឿងញៀនកម្ពុជា

ភ្នំពេញ៖ យោងតាមគេហទំព័រ ហ្វេសប៊ុករបស់អគ្គលេខាធិការដ្ឋាន នៃអាជ្ញាធរជាតិ ប្រយុទ្ធប្រឆាំង គ្រឿងញៀន NACDបានឲ្យដឹងថា រដ្ឋាភិបាល​ចិន​ ផ្តល់ថវិកា៥ម៉ឺនដុល្លារ ជូនអាជ្ញាធរជាតិ ប្រយុទ្ធប្រឆាំងគ្រឿងញៀន សម្រាប់បង្កេីតបណ្ណាល័យប្រយុទ្ធប្រឆាំង គ្រឿងញៀន។

ហុងគ្រី ចាប់ផ្តើមចាក់វ៉ាក់សាំង ការពារជំងឺកូវីដ១៩

ប៊ូដាប៉េស្ត៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាន ឲ្យដឹងនៅថ្ងៃទី២៦ ខែធ្នូ ឆ្នាំ២០២០ថា ប្រទេសហុងគ្រី បានចាប់ផ្តើមចាក់វ៉ាក់សាំង ដល់បុគ្គលិកសុខាភិបាលប្រឆំាង នឹងវីរុសកូរ៉ូណា ដែលប្រើប្រាស់វ៉ាក់សាំង របស់ក្រុមហ៊ុន Pfizer-BioNTech នៅថ្ងៃសៅរ៍នេះ ដែលមួយថ្ងៃមុនប្រទេសផ្សេងៗទៀត នៅសហភាពអឺរ៉ុប ។ ប្រទេសហុងគ្រី បានទទួលវ៉ាក់សាំង...

ម៉ាឡេស៊ី មានអ្នកឆ្លងជំងឺកូវីដ១៩ថ្មី ចំនួន ២.៣៣៥នាក់

កូឡាឡាំពួរ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៦ ខែធ្នូ ឆ្នាំ២០២០ថា ម៉ាឡេស៊ី នៅថ្ងៃសៅរ៍នេះ ត្រូវបានគេរាយការណ៍ថា មានអ្នកឆ្លងជំងឺកូវីដ១៩ថ្មី ចំនួន២.៣៣៥នាក់ ដែលជាតួលេខកើនឡើង ខ្ពស់បំផុតចាប់តាំងពីផ្ទុះជំងឺ ដែលនាំឲ្យចំនួន អ្នកឆ្លងជំងឺសរុប កើនឡើងដល់ ១០៣.៩០០នាក់ ។ លោក Noor Hisham Abdullah អគ្គនាយកនៃក្រសួងសុខាភិបាល...

ម៉ិកស៊ិក មានអ្នកឆ្លងជំងឺ កូវីដ១៩ថ្មី ជាង៩ពាន់នាក់

ម៉ិកស៊ីកូ ស៊ីធី៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៦ ខែធ្នូ ឆ្នាំ២០២០ថា ក្រសួងសុខាភិបាល បានឲ្យដឹងថា បានឲ្យដឹងថា ប្រទេសម៉ិកស៊ិក បានរាយការណ៍ថា មានករណីថ្មី នៃជំងឺកូវីដ១៩ ចំនួន៩.៦៧៩នាក់ និងមានអ្នកស្លាប់បន្ថែមទៀត ចំនួន៦៦៥នាក់ គិតត្រឹមថ្ងៃសុក្រ ដែលនាំឲ្យចំនួនអ្នកឆ្លងជំងឺ នៅទុទាំងប្រទេស កើនឡើងដល់ ១.៣៧២.២៤៣នាក់ និងមានអ្នកស្លាប់...

ចំនួនឆ្លង ជម្ងឺកូវីដ១៩ សរុបនៅរុស្ស៊ី កើនលើស ៣លាននាក់

បរទេស៖ ករណីឆ្លងជម្ងឺកូវីដ១៩សរុប នៅក្នុងប្រទេសរុស្ស៊ី បានកើនឡើង លើសចំនួន៣លាន សម្រាប់ជាលើកដំបូង នៅថ្ងៃសៅរ៍នេះ បន្ទាប់ពីមន្ត្រីជំនាញ បានរកឃើញករណីឆ្លងថ្មីចំនួន ២៩.២៥៨ ក្នុងរយៈពេល ២៤ម៉ោងមុន និងមានមនុស្សស្លាប់ ចំនួន៥៦៧នាក់។ ទីភ្នាក់ងាសារព័ត៌មាន Today Online ចេញផ្សាយនៅថ្ងៃទី២៦ ខែធ្នូ ឆ្នាំ២០២០ បានរាយការណ៍ថា យោងតាមទិន្នន័យផ្លូវការ...

ថ្ងៃទី២៦​ ធ្នូ​ មានករណី វិជ្ជមាន វីរុសកូវីដ-១៩​ ថ្មី​ ចំនួន​ ១នាក់​ និងមានអ្នកជា ចំនួន​ ១នាក់

កម្ពុជា ច្រានចោល ការចុះផ្សាយ របស់សារព័ត៌មាន វៀតណាមថា បុរសម្នាក់ ចូលវៀតណាម ខុសច្បាប់ ពីកម្ពុជា ​តេស្តវិជ្ជមាន កូរ៉ូណាថ្មី

ភ្នំពេញ៖ ក្រសួងសុខាភិបាលកម្ពុជា​ ច្រានចោលទាំងស្រុង នូវការចុះផ្សាយ មិនត្រឹមត្រូវរបស់សារព័ត៌មាន វៀតណាមឈ្មោះ​ VN Express International ចុះផ្សាយថ្ងៃទី២៦​ ខែធ្នូ​ ឆ្នាំ២០២០​ ដែលមានចំណងជេីងថា​ បុរសម្នាក់ចូលវៀតណាម ខុសច្បាប់ពីកម្ពុជា​ តេស្តវិជ្ជមានកូរ៉ូណាថ្មី។ តាមរយៈគ្រុបតេឡេក្រាម ព័ត៌មាន នៅថ្ងៃ២៧ ធ្នូ លោកស្រីវេជ្ជបណ្ឌិត​ ឱ​ វណ្ណឌីន​ រដ្ឋលេខាធិការ​ និងជាអ្នកនាំពាក្យក្រសួងសុខាភិបាល កម្ពុជា បកស្រាយថា តាមការឆែក នៅគ្រប់ច្រកចូល ពីថៃដែលកម្ពុជា កំពុងតែគ្រប់គ្រង ពលករខ្មែរ និងអ្នកដំណេីរចូលកម្ពុជា ដោយហ្មត់ចត់ នៅតាមបណ្តាខេត្ត ដែលមានច្រកតាមព្រំដែនថៃ​ គឺមិនមានបុរសជនជាតិ វៀតណាម ឈ្មោះនេះ ដែលឆ្លងចូលមកកម្ពុជា នៅថ្ងៃទី២៣​ និង២៤​ ខែធ្នូ​ រួមទាំងច្រកបាវិត នៅខេត្តស្វាយរៀងផងដែរ ក៏មិនមានករណីបុរស ជនជាតិវៀតណាម នេះឆ្លងចេញ ពីកម្ពុជាដែរ។  អ្នកនាំពាក្យបន្ថែមថា បុរសជនជាតិវៀតណាមរូបនេះ​ មានឪពុកម្តាយ នៅ​ខេត្តវិញឡុង​ ដែលពួកគាត់​ រួមជាមួយប៉ូលីសម្នាក់ និងបុគ្គលិក សុខាភិបាល​ ៤នាក់ ទៀត​ ត្រូវបានដាក់ឲ្យធ្វេីចត្តាឡីស័ក នៅ​មជ្ឈមណ្ឌលវេជ្ជសាស្ត ស្រុកម៉ាងធីត។  ជាមួយគ្នានេះ នៅក្នុងអត្ថបទ​ ក៏បានបញ្ជាក់រួច ហេីយថា​ បុរសឈ្មោះ​ Le Thuc Tri អាយុ​ ៣២ឆ្នាំ​ ដែលតេស្តវិជ្ជមាន​ដោយវិទ្យាស្ថាន ប៉ាស្ទ័រទីក្រុងហូជីមិញ​ មិនទាន់មានការបញ្ជាក់ពីក្រសួងសុខាភិបាល វៀតណាមថា មានវីរុសកូវីដ-១៩​ នោះទេ។  បុរសជនជាតិ វៀតណាមរូបនេះ ​បានធ្វេីដំណេីរពីភូមា​ មកថៃនៅថ្ងៃទី១៥​ ខែធ្នូ​ ហេីយស្នាក់នៅថៃ រហូតដល់ថ្ងៃទី២២។  បន្ទាប់មក​ក៏រួមដំណេីរ ជាមួយបុគ្គល​៦នាក់ផ្សេងទៀត ជិះឡានដឹកទំនិញមកកម្ពុជា នៅថ្ងៃទី២៣​ ហេីយបានឆ្លងកាត់ ច្រកព្រំដែនចូលខេត្តតៃនិញ នៅថ្ងៃទី២៤​ និងបន្តទៅទីក្រុងហូជីមិញ តាមរថយន្តក្រុង​ ទៅផ្ទះម្តាយនៅទីនោះ ​ដែលម្តាយគាត់ រាយការណ៍ទៅអាជ្ញាធរ និងដាក់បុរសនេះ ធ្វេីចត្តាឡីស័ក នៅថ្ងៃទី២៤។  លោកស្រី អ្នកនាំពាក្យបញ្ជាក់ថា “ដូច្នេះ​  ការចុះផ្សាយរបស់សារព័ត៌មានវៀតណាម ខាងលេី​ ដែលថាបុរស ជនជាតិវៀតណាម ឆ្លងចូលវៀតណាម ខុសច្បាប់ពីកម្ពុជា មានវីរុសកូរ៉ូណាថ្មី​ នោះ​ គឺមិនត្រឹមត្រូវឡេីយ​ ហេីយក្រសួងសុខាភិបាលកម្ពុជា​ សូមច្រានចោលទាំងស្រុង នូវព័ត៌មានចុះផ្សាយមិនត្រឹមត្រូវ របស់សារព័ត៌មាន វៀតណាមឈ្មោះ”។ ក្រសួង​ ស្នេីសុំឲ្យភាគីវៀតណាម គោរពក្រមសីលធ៌មវិជ្ជាជីវៈឲ្យបានត្រឹមត្រូវ​  និងឲ្យមានការសហការគ្នា ល្អក្នុងការផ្តល់ព័ត៌មានឲ្យបានត្រឹមត្រូវ​ មុននឹងមាន ការចុះផ្សាយជាសាធារណៈ ដេីម្បីរក្សានូវសេចក្តីថ្លៃថ្នូរ​ កិច្ចសហប្រតិបត្តិការល្អ​ និងមានភាពត្រឹមត្រូវតាមបច្ចេកទេស សុខាភិបាល៕

នាវាមុជទឹកអ៊ីស្រាអែល ឆ្លងកាត់ព្រែកជីក ស៊ុយអែស ក្នុងដំណើរបង្ហាញ កម្លាំងប្រឆាំងអ៊ីរ៉ង់

បរទេស៖ នាវាមុជទឹកអ៊ីស្រាអែលមួយគ្រឿង នាពេលថ្មីៗនេះ បានធ្វើដំណើរឆ្លងកាត់តាមព្រែកជីកស៊ុយអែស ហើយបច្ចុប្បន្នកំពុងតែស្ថិតនៅក្នុងសមុទ្រក្រហម ត្រៀមសម្រាប់សកម្មភាព ដែលអាចទៅរួចប្រឆាំងនឹងប្រទេសអ៊ីរ៉ង់ នេះតាមការផ្សាយរបស់ទូរទស្សន៍អ៊ីស្រាអែល KAN 11។  នាវាមុជទឹកប្រភេទ Dolphin ដែលប្រដាប់ជាចម្បងដោយមីស៊ីលផ្លោងវាយប្រហារក្នុងរយៈចម្ងាយឆ្ងាយ ដែលមានសមត្ថភាពអាចបំពាក់ក្បាលគ្រាប់នុយក្លេអ៊ែនេះ បានធ្វើដំណើរឆ្លងកាត់ព្រែកជីកនោះ ដោយទទួលបានការយល់ព្រមពីប្រទេសអេហ្ស៊ីប ដែលជាថែទាំងព្រែកជីក។  យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន UPI នៅថ្ងៃទី២៤ ខែធ្នូ...

ឥណ្ឌាឃុំខ្លួនមនុស្សជាតិ ១០០នាក់នៅតំបន់ កាស្មៀរ ក្រោយការបោះឆ្នោត ក្នុងតំបន់

បរទេស៖ រដ្ឋាភិបាលឥណ្ឌា បានឃុំខ្លួនមេដឹកនាំនយោបាយនិងសកម្មជនតំបន់កាស្មៀរតិចបំផុតចំនួន៧៥នាក់ ដើម្បីទប់ស្កាត់មិនឲ្យមានភាពចលាចលនយោបាយ ក្រោយសម្ពន្ធភាពមួយរបស់គណបក្សនយោបាយតំបន់កាស្មៀរ បានឈ្នះការបោះឆ្នោតក្នុងតំបន់។  ការបោះឆ្នោតជ្រើសក្រុមប្រឹក្សាស្រុក ដែលបានចប់នៅដើមសប្ដាហ៍ននោះ គឺជាការអនុវត្តបែបនេះជាលើកទីមួយ ចាប់តាំងពីរដ្ឋាភិបាលរបស់លោកនាយករដ្ឋមន្ត្រី ណារ៉េនដ្រា ម៉ូឌី បានដកសិទ្ធិពិសេសរបស់តំបន់ដែលមានពួកមូស្លីមភាគច្រើន កាលពីឆ្នាំមិញនេះ។  យោងតាមសេចក្តីរាយការណ៍មួយ ដែលចេញផ្សាយដោយទីភ្នាក់ងារសារព័ត៌មាន Us News នៅថ្ងៃទី២៦ ខែធ្នូ ឆ្នាំ២០២០ បានឲ្យដឹងថា...

រុស្ស៊ីអនុម័តឲ្យប្រើ ថ្នាំវ៉ាក់សាំងកូវីដ១៩ Sputnik V សម្រាប់មនុស្ស មានវ័យលើស៦០

បរទេស៖ ប្រទេសរុស្ស៊ី នៅថ្ងៃសៅរ៍នេះ បានអនុម័តឲ្យប្រើប្រាស់ថ្នាំវ៉ាក់សាំងការពារជម្ងឺកូវីដ១៩ Sputnik V សម្រាប់មនុស្សមានវ័យលើស៦០ឆ្នាំ នេះបើយោងតាមសេចក្តីរាយការណ៍មួរបស់ទីភ្នាក់ងារសារព័ត៌មានរុស្ស៊ី ដែលដកស្រង់សម្តីក្រសួងសុខាភិបាលរុស្ស៊ី។  តាមការចេញផ្សាយព័ត៌មានមួយ របស់ទីភ្នាក់ងារសារព័ត៌មាន Us News នៅថ្ងៃទី២៦ ខែធ្នូ ឆ្នាំ២០២០ បានឲ្យដឹងថា មនុស្សមានអាយុលើស៦០ឆ្នាំ កាលពីមុន មិនត្រូវបានគេរាប់បញ្ចូលក្នុងកម្មវិធីចាប់ថ្នាំវ៉ាក់សាំងជាតិរបស់ប្រទេសរុស្ស៊ី ស្របពេលដែលមានការចាប់ថ្នាំតេស្តសាកល្បង លើក្រុមមនុស្សវ័យនេះផ្សេងៗគ្នា។ ...

អាជ្ញាធរខេត្តកំពង់ចាម ត្រៀម​ ជិត១០០០គ្រែ រៀបចំមណ្ឌល ​ច​ត្តា​ឡី​ស័កកម្រិត​២ និង​កន្លែង​ព្យាបាល អ្នក​ពាក់ព័ន្ធជំងឺកូវីដ.១៩

កំពង់ចាម ៖ ក្រោយពីទទួលបានការណែនាំដ៏ខ្ពង់ខ្ពស់ពីសម្តេច តេជោ ហ៊ុន សែន នាយករដ្ឋមន្ត្រីនៃកម្ពុជា លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ នៅថ្ងៃរ៍ទី២៦ ខែធ្នូឆ្នាំ២០២០នេះ បានដឹកនាំក្រុមការងារ និងមន្ត្រីពាក់ព័ន្ធ ចុះពិនិត្យមើលការរៀបកន្លែងសម្រាប់ធ្វើចត្តាឡីស័ក សម្រាប់បងប្អូនប្រជាពលរដ្ឋ និងពលករចំណូលស្រុក ដែលមានការពាក់ព័ន្ធនឹងជំងឺកូវីដ-១៩ ដែលគិតមកដល់ពេលនេះ បានរៀបចំគ្រែចំនួន...

ចិន ដាក់ការស៊ើបអង្កេតលើ នាវាដឹកប្រេងកូរ៉េខាងត្បូង ពីការសង្ស័យការរត់ពន្ធប្រេងចម្រាញ់

សេអ៊ូល៖ ស្ថានទូតចិននៅទីក្រុងសេអ៊ូល បានឲ្យដឹងនៅថ្ងៃសៅរ៍នេះថា អាជ្ញាធរចិន បានពិនិត្យមើលនាវាដឹកប្រេង ទង់ជាតិកូរ៉េខាងត្បូងមួយ ដែលសង្ស័យថា ខ្លួនកំពុងរត់ពន្ធប្រេងចម្រាញ់ ទៅកាន់ប្រទេសចិន។ ការពន្យល់របស់ស្ថានទូត បានធ្វើឡើងបន្ទាប់ពីកាសែត ក្នុងស្រុកមួយបានរាយការណ៍ថា អាជ្ញាធរចិន បានត្រួតពិនិត្យនាវាដឹកប្រេង និងគីមី ដោយមិនដឹងមូលហេតុ ដែលបង្កឱ្យមានការសង្ស័យថា វាជាប់ពាក់ព័ន្ធនឹងការផ្ទេរប្រេងពី នាវាទៅកប៉ាល់ដឹកប្រេង ទៅកាន់ប្រទេសកូរ៉េខាងជើង ដែលត្រូវបានហាមឃាត់ ក្រោមការដាក់ទណ្ឌកម្មរបស់...

ថៃ ព្រមានបិទប្រទេស នៅខែមីនា

បរទេស៖ អាជ្ញាធរដែលគ្រប់គ្រងរោគរាតត្បាត Covid-19 នៅប្រទេសថៃ បានចេញការព្រមានយ៉ាងខ្លាំងកាលពីថ្ងៃសុក្រថា ការសហការជាមួយគោលការណ៍ ណែនាំរបស់យើង ឬវានឹងមានការបិទទ្វារទូទាំង ប្រទេសនៅត្រឹមខែមីនា។ យោងតាមសារព័ត៌មាន Bangkok Post ចេញផ្សាយនៅថ្ងៃទី២៦ ខែធ្នូ ឆ្នាំ២០២០ បានឱ្យដឹងថា លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាព Covid-19 (CCSA)...

ក្រសួងទេសចរណ៍ លើកទឹកចិត្ត រដ្ឋបាលថ្នាក់ក្រោមជាតិ ចុះផ្សព្វផ្សាយ និងណែនាំឲ្យអនុវត្ត វិធានសុវត្ថិភាពទេសចរណ៍

ភ្នំពេញ ៖ ក្រសួងទេសចរណ៍បានលើកទឹកចិត្តទៅដល់ រដ្ឋបាលថ្នាក់ក្រោមជាតិឲ្យចូលរួមយ៉ាងផុលផុស ក្នុងការចុះផ្សព្វផ្សាយ និងណែនាំឲ្យអនុវត្ត «វិធានសុវត្ថិភាពទេសចរណ៍» ដើម្បីទប់ស្កាត់ការរីក រាលដាលនៃជំងឺកូវីដ-១៩។ យោងតាមគេហទំព័រហ្វេសប៊ុករបស់ ក្រសួងទេសចរណ៍ នៅថ្ងៃទី២៦ ខែធ្នូ ឆ្នាំ២០២០ បានឲ្យដឹងថា ដើម្បីលើកទឹក ចិត្តដល់រដ្ឋបាលថ្នាក់ក្រោមជាតិ (ថ្នាក់រាជធានី-ខេត្ត និងថ្នាក់ក្រុង-ខណ្ឌ) ដែល បានចូលរួមយ៉ាងផុលផុសក្នុងការចុះ ផ្សព្វផ្សាយ...