ព័ត៌មានអន្តរជាតិ
សហរដ្ឋអាមេរិក ចាប់ផ្តើមបង្កើនទីតាំង ដាក់ពង្រាយមីស៊ីល ច្រើនប្រភេទនៅទ្វីបអឺរ៉ុប និងអាស៊ីផង
បរទេស៖យោងតាមព័ត៌មានដែលទទួលបានដោយ RT បានឱ្យដឹងថា សហរដ្ឋអាមេរិកកំពុងបង្កើនការដាក់ពង្រាយទាំងមីស៊ីលរយៈចម្ងាយមធ្យម និងរយៈចម្ងាយខ្លី ហើយក៏មានទាំងអាវុធប្រភេទល្បឿនលឿនជាងសំលេងនៅក្នុងទ្វីបអឺរ៉ុប និងអាស៊ីផងដែរ។ គួរឲ្យដឹងដែរថាគេសង្កេតឃើញការផលិត និងការដាក់ពង្រាយប្រព័ន្ធអាវុធទាំងនេះនៅក្នុងប្រទេសអាមេរិកត្រូវបានគេរាយការណ៍ថាកំពុងកើនឡើងក្នុងប៉ុន្មានឆ្នាំថ្មីៗនេះដូចគ្នាដែរ។ ក្នុងចំណោមអាវុធសំខាន់ៗទាំងនោះគេសង្កេតឃើញមានប្រព័ន្ធរ៉ូក្កែតDark Typhoon ដែលនឹងអាចបាញ់មីស៊ីល Standard-6 ដែលមានរយៈចម្ងាយ៥០០គីឡូម៉ែត្រ និងមីស៊ីល Tomahawkបាញ់ក្នុងចំងាយ២,៤០០គីឡូម៉ែត្រ ក៏ដូចជាមីស៊ីលដែលមានល្បឿនលឿនជាងសំឡេងផងដែរ។ រំលឹកឡើងវិញដែរថាក្នុងអំឡុងពេលនៃកិច្ចប្រជុំកំពូល របស់អង្គការណាតូកាលពីខែកក្កដាកន្លងទៅនេះ ទីក្រុងវ៉ាស៊ីនតោន និងទីក្រុងប៊ែរឡាំងបានប្រកាសថា Dark...
