វ៉ាស៊ីនតោន៖ រដ្ឋមន្រ្តីក្រសួងការពារជាតិ សហរដ្ឋអាមេរិកលោក Mark Esper បានបដិសេធមិនធ្វើការប៉ាន់ស្មាន នៅពេលត្រូវបានសួរ នៅថ្ងៃអង្គារថា តើសហរដ្ឋអាមេរិក នឹងពិចារណាកាត់បន្ថយកងទ័ព នៅក្នុងប្រទេសកូរ៉េខាងត្បូង ដែលខ្វះកិច្ចព្រមព្រៀង ស្តីពីការចែករំលែកចំណាយ ការពារជាតិដែរឬទេ ។
លោក Esper ត្រូវបានគេសួរសំណួរ ក្នុងពេលធ្វើបទសម្ភាសន៍ ជាមួយអ្នកយកព័ត៌មាន នៅជិតទីក្រុងម៉ានីល ប្រទេសហ្វីលីពីន បន្ទាប់ពី សហរដ្ឋអាមេរិក បានដើរចេញពីការចរចា ការចែករំលែកចំណាយ ការពារជាតិ ជាមួយកូរ៉េខាងត្បូងនៅទីក្រុងសេអ៊ូល ។
សហរដ្ឋអាមេរិក ត្រូវបានគេរាយការណ៍ថា កំពុងស្វែងរកការបង្កើន ការចូលរួមវិភាគទាន របស់ទីក្រុងសេអ៊ូលចំនួន ៥ ពាន់លានដុល្លារពីចំនួន ៨៧០ លានដុល្លារសម្រាប់ឆ្នាំនេះ ដើម្បីគាំទ្រដល់ការបង្កើនកងទ័ពអាមេរិកចំនួន ២៨.៥០០ នាក់ ដែលឈរជើងនៅក្នុងប្រទេស សម្ព័ន្ធមិត្តអាស៊ីមួយនេះ ៕
ដោយ ឈូក បូរ៉ា
